សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ជារៀងរាល់សប្ដាហ៍ AMS តែងតែលើកយកពីតម្លៃដីធ្លីនៅតាមបណ្ដាខណ្ឌនានានៅក្នុងរាជធានីភ្នំពេញមកបង្ហាញសាធារណជនដើម្បីជាប្រយោជន៍ក្នុងការវិនិយោគក៏ដូចជាការអភិវឌ្ឍ និងសម្រាប់ប្រជាពលរដ្ឋដែលមានដីនៅតាមបណ្ដាខណ្ឌទាំងនោះហើយចង់ដាក់លក់ ។ ដោយឡែក សម្រាប់ថ្ងៃនេះ យើងនឹងលើកយកតម្លៃដីនៅតាមបណ្ដាសង្កាត់នានាក្នុងខណ្ឌទួលគោកមកបង្ហាញជូនសាធារជន ដោយយោងទៅលើប្រភពពីសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា ។
ខាងក្រោមនេះគឺជាតម្លៃដីនៅតាមសង្កាត់នានាដែលសិក្សាស្រាវជ្រាវដោយសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា សម្រាប់ឆមាសទី១ ឆ្នាំ ២០២២៣នេះ ៖
១.សង្កាត់បឹងកក់១ និងបឹងកក់២ ៖ តម្លៃដីនៅសង្កាត់ទាំងពីរនៃខណ្ឌទួលគោកឃើញថាមានតម្លៃដូចគ្នា ក្នុងនោះដីនៅតាមបណ្ដោយផ្លូវធំមានតម្លៃ ចន្លោះពី ៣៤០០ដុល្លារអាមេរិកទៅ ៦០០០ដុល្លារអាមេរិកក្នុងមួយម៉ែត្រការ៉េ និងដីធ្លីដែលមានទីតាំងនៅតាមផ្លូវតូច មានតម្លៃចន្លោះពី ២២០០ដុល្លារអាមេរិកទៅ ៣៧០០ដុល្លារអាមេរិកក្នុងមួយម៉ែត្រការ៉េ ។
២.សង្កាត់បឹងសាឡាង ៖ តម្លៃដីធ្លីនៅសង្កាត់នេះ ឃើញថាក៏មានតម្លៃខ្ពស់គួរសមដែរ គឺដីដែលមានទីតាំងនៅតាមផ្លូវធំ មានតម្លៃ ៣០០០ដុល្លារអាមេរិកទៅ ៥៤០០ដុល្លារអាមេរិកកក្នុងមួយម៉ែត្រការ៉េ ហើយដីដែលមានទីតាំងនៅជាប់ផ្លូវតូចៗវិញ ក៏មានតម្លៃចន្លោះពី ១៨០០ដុល្លារអាមេរិកទៅ ២៨០០ដុល្លារអាមេរិកក្នុងមួយម៉ែត្រការ៉េដែរ ។
៣.សង្កាត់ផ្សារដើមគរ ៖ តំបន់នេះដីនៅតាមផ្លូវធំមានតម្លៃចន្លោះពី ៣៦០០ដុល្លារអាមេរិកទៅ ៥៥០០ដុល្លារអាមេរិកក្នុងមួយម៉ែត្រការ៉េ ។ ចំណែកដីដែលមានទីតាំងនៅតាមបណ្ដោយផ្លូវតូចៗវិញមានតម្លៃចន្លោះពី ២០០០ដុល្លារអាមេរិកទៅ ៣១០០ដុល្លារអាមេរិកក្នុងមួយម៉ែត្រការ៉េ ។
៤.សង្កាត់ផ្សារដេប៉ូ១ ផ្សារដេប៉ូ២និងផ្សារដេប៉ូ៣ ៖ តម្លៃដីធ្លីនៅសង្កាត់ទាំង៣នេះ គឺដូចគ្នា ដោយដីដែលមានទីតាំងនៅជាប់ផ្លូវធំមានតម្លៃចន្លោះពី ៣៦០០ដុល្លារអាមេរិកដល់ ៥៦០០ដុល្លារអាមេរិកក្នុងមួយម៉ែត្រការ៉េ ចំណែកដីដែលមានទីតាំងនៅជាប់ផ្លូវតូចៗ មានតម្លៃចន្លោះពី២០០០ដុល្លារអាមេរិកទៅ ៣១០០ដុល្លារអាមេរិកក្នុងមួយម៉ែត្រការ៉េ ។
៥.សង្កាត់ទឹកល្អក់១ ៖ ដីក្នុងសង្កាត់មានតម្លៃចន្លោះពី ៣៣០០ដុល្លារអាមេរិកទៅ ៥៥០០ដុល្លារអាមេរិកក្នុងមួយម៉ែត្រការ៉េសម្រាប់ទីតាំងដីនៅជាប់ផ្លូវធំ និងតម្លៃចន្លោះពី២០០០ដុល្លារអាមេរិកទៅ ៣១០០ដុល្លារអាមេរិកសម្រាប់ដីនៅជាប់ផ្លូវតូច ។
៦.សង្កាត់ទឹកល្អក់២ ៖ សង្កាត់នេះដីនៅតាមផ្លូវធំមានតម្លៃចន្លោះពី ៣៥០០ដុល្លារអាមេរិកទៅ ៥៥០០ដុល្លារអាមេរិកក្នុងមួយម៉ែត្រការ៉េ និង តម្លៃចន្លោះពី ២០០០ដុល្លារអាមេរិកទៅ ៣១០០ដុល្លារអាមេរិកក្នុងមួយម៉ែត្រការ៉េសម្រាប់ដីនៅជាប់ផ្លូវតូចៗ ។
៧.សង្កាត់ទឹកល្អ៣ ៖ តម្លៃដីធ្លីក្នុងសង្កាត់នេះ ឃើញថាមានចន្លោះពី ៣២០០ដុល្លារអាមេរិកទៅ ៥០០០ដុល្លារអាមេរិកក្នុងមួយម៉ែត្រការ៉េ សម្រាប់ទីតាំងដីនៅជាប់ផ្លូវធំ និងតម្លៃចន្លោះពី ២០០០ដុល្លារអាមេរិកទៅ ៣១០០ដុល្លារអាមេរិកសម្រាប់ដីដែលនៅជាប់ផ្លូវតូចៗ ៕
Account
Security
Favourite Content