សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័របានរាយការណ៍ថា តម្លៃមាសបានបន្តឡើងថ្លៃ ខណៈដែលពាណិជ្ជករកំពុងសង្ឃឹមថា ធនាគារកណ្តាលអាម៉េរិកអាចនឹងកាត់បន្ថយអត្រាការប្រាក់នៅខែក្រោយ។
តម្លៃមាសបានឡើងថ្លៃដល់កម្រិតខ្ពស់ ០,៧ ភាគរយ ឬ ២ ៦៣៥ ដុល្លារក្នុងមួយអោន។ ជាការកត់សម្គាល់ ចាប់តាំងពីធនាគារកណ្តាលអាម៉េរិកបានកាត់បន្ថយអត្រាការប្រាក់កាលពីខែមុនមក តម្លៃមាសបានបន្តឡើងថ្លៃជាបន្តបន្ទាប់រហូតដល់កម្រិតខ្ពស់។ មិនត្រឹមតែប៉ុណ្ណោះ តម្លៃទំនិញប្រើប្រាស់របស់សហរដ្ឋអាមេរិកបានកើនឡើងលើសការរំពឹងទុក ខណៈដែលការទាមទារអត្ថប្រយោជន៍គ្មានការងារធ្វើប្រចាំសប្តាហ៍ក៏បានកើនឡើងដូចគ្នា។
លោក Alex Ebkarian ប្រធានប្រតិបត្តិក្រុមហ៊ុន Allegiance Gold បានលើកឡើងថា របាយការណ៍សន្ទស្សន៍តម្លៃអ្នកប្រើប្រាស់មិនបាននាំមកនូវការភ្ញាក់ផ្អើលច្រើនទេ ខណៈដែលចំនួនអ្នកមានការងារធ្វើនៅតែខ្សោយ ដែលធ្វើឲ្យមានការរំពឹងថា ធនាគារកណ្តាលអាចកាត់អត្រាការប្រាក់ដើម្បីជំរុញតម្លៃមាស។ អ្នកវិនិយោគ និងពាណិជ្ជករសង្ឃឹមថា ធនាគារកណ្តាលអាម៉េរិកអាចនឹងកាត់បន្ថយអត្រាការប្រាក់បន្ថែមទៀតនៅខែវិច្ឆិការ។ Ebkarian បានបន្ថែមថា ការកើនឡើងនៃភាពតានតឹងភូមិសាស្ត្រនយោបាយកើនឡើង ក៏ជាកត្តាជំរុញតម្លៃមាសផងដែរ។
យ៉ាងណាមិញ តម្លៃមាសកំពុងជួបប្រទះនឹងភាពមិនច្បាស់លាស់នៅឡើយ ដោយសារការពង្រឹងប្រាក់ដុល្លារអាមេរិកបានកើនឡើងខ្លាំងទាក់ទងនឹងការកាត់បន្ថយអត្រាការប្រាក់របស់ធនាគារកណ្តាលអាម៉េរិក ចំពេលដែលកំពុងមានភាពតានតឹងភូមិសាស្ត្រនយោបាយ។ ទន្ទឹមនឹងនេះ គេព្យាករណ៍ថា តម្លៃមាសអាចឡើងថ្លៃចន្លោះពី ២ ៦០០ ទៅ ២ ៨០០ ដុល្លារក្នុងមួយអោននៅចុងឆ្នាំនេះ ដែលជំរុញដោយការកើនឡើងនូវតម្រូវការមាសជាទ្រព្យសម្បត្តិមានសុវត្ថិភាព ចំពេលមានជម្លោះភូមិសាស្ត្រនយោបាយ ជាពិសេសនៅមជ្ឈិមបូព៌ា និងអ៊ុយក្រែន។ លើសពីនេះ ប្រសិនបើមានការកាត់បន្ថយអត្រាការប្រាក់ពីធនាគារកណ្តាលអាម៉េរិក និងធនាគារកណ្តាលពិភពលោកផ្សេងទៀត នោះតម្លៃមាសអាចនឹងឡើងថ្លៃបន្ថែមទៀត។
Account
Security
Favourite Content