សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពពី Investing បានបង្ហា្ញញថា តម្លៃមាសបានឡើងថ្លៃបន្តិចនៅថ្ងៃចុងសប្ដាហ៍នេះ ខណៈដែលអ្នកវិនិយោគរង់ចាំមើលទិន្នន័យការងារសំខាន់ៗ ដោយសារវានឹងមានឥទ្ធិពលលើគោលនយោបាយរូបិយវត្ថុរបស់សហរដ្ឋអាមេរិក។
ទីផ្សារតម្លៃមាសឡើងថ្លៃ ០,១ ភាគរយ ឬ ១ ៩៣៦ ដុល្លារក្នុងមួយអោន។ ទន្ទឹមនឹងនេះ អ្នកវិនិយោគកំពុងរង់ចាំមើលរបាយការណ៍ប្រាក់បៀវត្សរ៍ការងារមិនមែនកសិកម្ម ដែលជាចំណុចសំខាន់នៃទីផ្សារ ហើយគេសង្ឃឹមថា វានឹងបង្ហាញពីស្ថិរភាពនៃទីផ្សារការងាររបស់សហរដ្ឋអាមេរិកពេញមួយខែកក្កដាកន្លងទៅនេះ។ កាលពីខែមិថុនាកន្លងទៅនេះ ទិន្នន័យប្រាក់បៀវត្សរ៍មិនមែនកសិកម្មបានធ្លាក់ចុះយ៉ាងខ្លាំង ដែលជាកត្តាជម្រុញឲ្យធនាគារកណ្តាលនឹងដំឡើងអត្រាការប្រាក់បន្ថែមទៀត។ ប្រសិនបើទិន្ន័យខែកក្កដាធ្លាក់ចុះទៀតនោះ តម្លៃប្រាក់ដុល្លារអាចនឹងធ្លាក់ចុះ ហើយតម្លៃមាសអាចនឹងឡើងថ្លៃ។
ទោះជាយ៉ាងណាក្តី សញ្ញានៃភាពធន់នៅក្នុងទីផ្សារការងារក៏អាចជម្រុញឲ្យធនាគារកណ្តាលអាមេរិកដំឡើងអត្រាការប្រាក់បន្ថែមទៀតផងដែរ ដោយសារថាធនាគារកំពុងកំណត់ទិសដៅខ្លះនៅក្នុងលក្ខខណ្ឌការងារ ដែលជាផ្នែកមួយនៃការប្រយុទ្ធប្រឆាំងនឹងអតិផរណា។ បើទោះបីជាអតិផរណាបានធូរស្រាលជាងមុនក៏ដោយ ប៉ុន្តែទីផ្សារការងារមានភាពសកម្មជាងមុនក្រោមសម្ពាធតម្លៃ។ ស្របពេលនេះដែរ តម្លៃលោហធាតុផ្សេងទៀតក៏ឡើងថ្លៃផងដែរដូចជា ការឡើងថ្លៃនៃតម្លៃទង់ដែង គឺជាសញ្ញាជំរុញសេដ្ឋកិច្ចរបស់ចិន។ ក្នុងចំណោមលោហធាតុឧស្សាហកម្ម តម្លៃទង់ដែងបានឡើងថ្លៃខ្ពស់ ខណៈដែលអ្នកវិនិយោគកំពុងរង់ចាំសញ្ញាបន្ថែមទៀតពីចិន ដែលជាអ្នកនាំចូលដ៏ធំ។ ទីផ្សារតម្លៃទង់ដែងបានឡើងថ្លៃ ០,៣ ភាគរយ ឬ ៣ ៩០៧ ដុល្លារក្នុងមួយផោន៕
Account
Security
Favourite Content