សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ អនុក្រុមការងារ “ខ” “ផ្នែកកិច្ចសម្រួលពាណិជ្ជកម្មលើសេវាពាណិជ្ជកម្ម ការចុះបញ្ជីពាណិជ្ជកម្ម និងកម្មសិទ្ធិបញ្ញា” បានបើកកិច្ចប្រជុំកាលពីថ្ងៃដើមសប្ដាហ៍កន្លងទៅ នៅអគ្គនាយកដ្ឋានសភាពាណិជ្ជកម្មកម្ពុជា រាជធានីភ្នំពេញ ក្រោមយន្តការនៃក្រុមការងារ “ឆ” “ផ្នែកផលិតកម្មកែច្នៃសម្រាប់ការនាំចេញ និងកិច្ចសម្រួលពាណិជ្ជកម្ម” នៃវេទិការាជរដ្ឋាភិបាល-ផ្នែកឯកជន។
កិច្ចប្រជុំដ៏មានសារសំខាន់នេះដឹកនាំដោយ ឯកឧត្តម ហ៊ូ ស៊ីវយ៉ុង ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្កនាយក នៃអគ្គនាយកដ្ឋានសេវាពាណិជ្ជកម្ម និងជាប្រធានអនុក្រុមការងារ “ខ” ផ្នែករដ្ឋាភិបាល ដោយមានការចូលរួមពីសំណាក់់មន្ត្រីពាក់ព័ន្ធនៃអគ្គនាយកដ្ឋានសេវាពាណិជ្ជកម្មនៃក្រសួងពាណិជ្ជកម្ម និងសមាជិក សមាជិកានៃអនុក្រុមការងារ “ខ” ផ្នែកឯកជន នៃសភាពាណិជ្ជកម្មកម្ពុជា។
យោងតាមប្រភពពីសភាពាណិជ្ជកម្មកម្ពុជា បានឱ្យដឹងថា កិច្ចប្រជុំនេះមានគោលបំណងដើម្បីបន្តធ្វើការពិនិត្យ ពិភាក្សាលើបញ្ហាប្រឈម និងកង្វល់របស់ផ្នែកឯកជនពាក់ព័ន្ធនឹងសេវាពាណិជ្ជកម្ម ការចុះបញ្ជីពាណិជ្ជកម្ម និងកម្មសិទ្ធិបញ្ញា ហើយបញ្ហាដែលមិនអាចដោះស្រាយបានក្នុងកម្រិតអនុក្រុមការងារនេះ និងត្រូវបញ្ជូនដោះស្រាយបន្តក្នុងក្រុមការងារ “ឆ” ផ្នែកផលិតកម្ម កែច្នៃ សម្រាប់ការនាំចេញ និងកិច្ចសម្រួលពាណិជ្ជកម្មឆាប់ៗខាងមុខនេះ។
ជាលទ្ធផលនៃកិច្ចប្រជុំបានដំណើរការពិនិត្យ ពិភាក្សា និងលើកឡើងនូវបញ្ហាប្រឈមចាស់ និងថ្មីមួយចំនួនរួមមាន៖ ១. ការចុះបញ្ជី បង្កើត វិសោធនកម្ម និងរំលាយសាខាក្រុមហ៊ុនក្នុងស្រុក , ២, ការស្នើសុំចុះបញ្ជីចំពោះការពង្រីកផលិតកម្មនៃក្រុមហ៊ុនដែលជាគម្រោងវិនិយោគមានលក្ខណៈសម្បត្តិគ្រប់គ្រាន់ , ៣, ការស្នើសុំសិទ្ធិគ្រប់គ្រងក្រុមហ៊ុននៅក្នុងប្រព័ន្ធស្វ័យប្រវត្តិកម្ម , ៤. ការផ្តល់ដល់មន្ត្រីចុះបញ្ជីនូវឈ្មោះលេខាធិការរបស់ក្រុមហ៊ុន, ៥. ការចុះបញ្ជីទទួលស្គាល់អ្នកតំណាងស្របច្បាប់ជានិតិបុគ្គលក្នុងការស្នើសុំចុះបញ្ជីពាណិជ្ជកម្ម, ៦,ការកំណត់ចំនួនលក្ខន្តិកៈរបស់ក្រុមហ៊ុនដែលត្រូវតម្កល់រួម និងបញ្ហាប្រឈមមួយចំនួនផ្សេងទៀតផងដែរ៕
Account
Security
Favourite Content