សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ រាជរដ្ឋាភិបាលកម្ពុជា ដែលមានសម្ដេចតេជោ ហ៊ុន សែន ជានាយករដ្ឋមន្ត្រី និងមានក្រសួងសាធារណៈការ និងដឹកជញ្ជូនជាសេនាធិការ បានរៀបចំផែនការបង្កើតច្រកព្រំដែនកម្ពុជា-ថៃថ្មីមួយទៀតស្តិតនៅស្រុកវាលវែង ខេត្តពោធិ៍សាត់(កម្ពុជា) និងខេត្តត្រាត ប្រទេសថៃ ដើម្បីបង្កភាពងាយស្រួលក្នុងការធ្វើពាណិជ្ជកម្មរវាងប្រទេសទាំង២។
តាមរយៈការបង្ហើបប្រាប់ពីសំណាក់ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណៈការ និងដឹកជញ្ជូនកាលពីពេលថ្មីៗនេះបានឲ្យដឹងថា បច្ចុប្បន្ននេះ ផែនការ និងប្លង់មេស្ដីពីការបង្កើតច្រកព្រំដែនថ្មីកម្ពុជា-ថៃ ក៏ដូចជាគំរូសំណង់អគារពាក់ព័ន្ធផ្សេងៗ ព្រមទាំងទីចំណតកុងទឺន័រ ជាពិសេសទីតាំង និងទំហំដីដែលត្រូវសាងសង់ត្រូវបានកំណត់រួចរាល់ហើយ នៅចាំតែពេលវេលាបើកការដ្ឋានសាងសង់ប៉ុណ្ណោះ។
ច្រកព្រំដែនអន្តរជាតិថ្មីនេះមានឈ្មោះថា ច្រកព្រំដែនអន្តរជាតិជាតិថ្មដា ដែលមានទីតាំងស្ថិតនៅ ក្នុងឃុំថ្មដា ស្រុកវាលវែង ខេត្តពោធិ៍សាត់ជាប់ព្រំដែនជាមួយខេត្តត្រាត ប្រទេសថៃ។ បើតាមក្រសួងសាធារណៈការ គម្រោងថ្មីនេះនឹងបូកបញ្ចូលជាមួយហេដ្ឋារចនាសម្ព័ន្ធជាច្រើន ដើម្បីជាការសម្រួលដល់ការវិនិយោគ ក៏ដូចជាការធ្វើទំនាក់ទំនងរបស់ប្រទេសដែលជាអ្នកជិតខាងទាំងពីរ។ ការបើកច្រកព្រំដែនថ្មីនេះផងដែរធ្វើឡើងដើម្បីបង្កើនកិច្ចសហប្រតិបត្តិការពាណិជ្ជកម្ម និង ទេសចរណ៍រវាងប្រទេសទាំងពីរអោយកាន់តែល្អប្រសើរឡើង។
ឯកឧត្តមបន្តថា ហេដ្ឋារចនាសម្ព័ន្ធដែលមាននៅក្នុងគម្រោងនៃការសាងសង់រួមមានជាអាថិ៍ ៖ អគារអន្តោប្រវេសន៍ អគារគយ និងរដ្ឋាករសម្រាប់ត្រួតពិនិត្យរួម ចំណតសម្រាប់ផ្ទេរទំនិញឆ្លងកាត់ ឃ្លាំងទីលានកុងទីន័រ និងអគាររដ្ឋបាល និងសំណង់អគារអន្តេវាសិកដ្ឋានជាដើម ដើម្បីបើកឱកាសឱ្យបានទូលំទូលាយដល់កិច្ចសហប្រតិបត្តិការអន្តរជាតិ ការវិនិយោគ ការធ្វើពាណិជ្ជកម្មឆ្លងកាត់ដែន ការបង្កើត ការងារធ្វើ និងការទាក់ទាញភ្ញៀវទេសចរសំដៅលើកកម្ពស់សេដ្ឋកិច្ចគ្រួសារ និងសង្គមជាតិនៃប្រជាជាតិទាំងពីរផងដែរ។
តាមរយៈភាពរីកចម្រើនពីមួយថ្ងៃទៅមួយថ្ងៃនៃវិស័យហេដ្ឋារចនាសម្ព័ន្ធនៅក្នុងតំបន់នេះ គេអាចមើលឃើញថា នៅថ្ងៃអនាគតច្រកព្រំដែនអន្តរជាតិថ្មីនេះ នឹងអាចក្លាយជាតំបន់សេដ្ឋកិច្ចពិសេសមួយដូចច្រកអន្តរជាតិផ្សេងៗទៀតដែរ ក្នុងរូបភាពជាទីតាំងដោះដូរទំនិញគ្នាទៅវិញទៅមករវាងប្រទេសទាំងពីរ បង្កភាពងាយស្រួលដល់ដំណើរកម្សាន្តរបស់ភ្ញៀវ ទេសចរជាតិ អន្តរជាតិ ក៏ដូចជាបង្កើនកម្រិតជីវភាពក្នុងតំបន់ផងដែរ។ គួរកត់សម្គាល់ថា សម្រាប់ពេលបច្ចុប្បន្ននេះ ការវិនិយោគនៅតំបន់ច្រកថ្មដាក៏ចាប់កើតមានគួរសមផងដែរ ដែលការវិនិយោគទាំងនោះរួមមានដូចជា ការវិនិយោគអភិវឌ្ឍលំនៅឋាន សណ្ឋាគារ ផ្សារ កាស៊ីណូ និងកន្លែងលម្ហែកាយ នៅតាមតំបន់ដែលមានទឹកជ្រោះ ព្រមទាំងទេសភាពភ្នំ ១៥០០ យ៉ាងស្រស់ស្អាត ខណៈ ខេត្តត្រាត នៃប្រទេសថៃ ក៏ជាតំបន់ទេសចរណ៍ជាប់មាត់សមុទ្រផងដែរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ប្រព័ន្ធវិក្កយបត្រអេឡិចត្រូនិកកម្ពុជា ជាឧបករណ៍គន្លឹះក្នុងការលើកកម្ពស់តម្លាភាពសេដ្ឋកិច្ចនិងធុរកិច្ច
ព្រឹត្តិការណ៍, អាជីវកម្មថ្មី និងនវានុវត្ត
• 26/05/2026
ការធ្វើទំនើបកម្មប្រព័ន្ធគ្រប់គ្រងហិរញ្ញវត្ថុ និងពន្ធដារនៅកម្ពុជា បានឈានដល់ជំហានរបត់ថ្មីមួយទៀត តាមរយៈការដាក់ឱ្យអនុវត្តកាន់តែទូលំទូលាយនូវ «ប្រព័ន្ធវិក្កយបត្រអេឡិចត្រូនិកកម្ពុជា»
កម្ពុជា ត្រូវបានចាត់ចូលក្នុងបញ្ជីទេសចរណ៍ពិភពលោកល្អបំផុតនៅរដូវកាលបៃតង ឆ្នាំ២០២៦
Top News, ព្រឹត្តិការណ៍, អាជីវកម្មថ្មី និងនវានុវត្ត
• 26/05/2026
កម្ពុជា ជាប្រទេសមួយក្នុងចំណោមប្រទេសគោលដៅទេសចរណ៍អាស៊ីអាគ្នេយ៍ចំនួនពីរ ដែលត្រូវបានចាត់ចូលក្នុងបញ្ជីទេសចរណ៍ល្អបំផុតក្នុងរដូវកាលបៃតង (Green Season) ឆ្នាំ២០២៦ របស់ទស្សនាវដ្តី Wanderlust នៃចក្រភពអង់គ្លេស
ជីប ម៉ុង ឧបត្ថម្ភថវិកាជាលើកទី ៣ ក្នុងរយៈពេល១០ឆ្នាំ ជូនសមាគមសិល្បករខ្មែរ ជំរុញការអភិវឌ្ឍវិស័យសិល្បៈ និងលើកស្ទួយវប្បធម៌ជាតិ
ព្រឹត្តិការណ៍, អត្ថបទពាណិជ្ជកម្ម
• 26/05/2026
ក្រុមហ៊ុន ជីប ម៉ុង (Chip Mong) ដែលជាក្រុមហ៊ុនវិនិយោគឈានមុខគេមួយនៅកម្ពុជា បានបន្តឧបត្ថម្ភថវិកាជាលើកទី៣ ជូនដល់សមាគមសិល្បករខ្មែរ ក្នុងកិច្ចសហការរយៈពេល ១០ ឆ្នាំ ដែលមានថវិកាឧបត្ថម្ភសរុបចំនួន ៧៧៧.៧៧៧ ដុល្លារអាម៉េរិក
ខេត្តសម្បូរប្រេងកាតបំផុតមួយរបស់កាណាដា គ្រោងធ្វើប្រជាមតិដើម្បីស្វែងការផ្តាច់ខ្លួនចេញពីប្រទេស
ព្រឹត្តិការណ៍, អាជីវកម្មថ្មី និងនវានុវត្ត
• 25/05/2026
ខេត្ត Alberta ដែលជាទីតាំងសម្បូរប្រេងកាតបំផុតរបស់ប្រទេសកាណាដា និងស្ថិតក្នុងតំបន់សម្បូរធនធានរ៉ែកម្រប្រចាំប្រទេស អាចនឹងធ្វើការបោះឆ្នោតដើម្បីស្ទង់ប្រជាមតិក្នុងគោលបំណងស្នើសុំបំបែកខ្លួនចេញពីប្រទេស
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content