ឯកឧត្តម ឌិត ទីណា ប្ដេជ្ញាប្រែក្លាយកសិកម្មកម្ពុជាឱ្យ​ទៅ​​ជាកសិកម្មកាន់តែទំនើប ឆ្លាតវៃ ប្រកប​ដោយ​ប​រិយា​ប​ន្ន និ​​ងមាននិរន្តរភាព

ភ្នំពេញ ៖ ឯកឧត្តម ឌិត ទីណា ក្នុងឱកា​សទ​ទួល​មុខ​តំ​ណែ​ង​ជា​រ​ដ្ឋមន្ដ្រីថ្មីនៃក្រសួងកសិកម្ម រុក្ខាប្រមាញ់ និងនេសាទ បាន​​ប្ដេជ្ញាប្រែក្លាយកសិកម្មកម្ពុជាឱ្យ​ទៅ​​ជាកសិកម្មកាន់តែទំនើប ឆ្លាតវៃ ប្រកប​ដោយ​ប​រិយា​ប​ន្ន និ​​ងមាននិរន្តរភាព ធន់នឹងបម្រែប្រម្រួលអាកាសធាតុ ហើយបម្រើឱ្យផលប្រ​យោជន៍ពិត​ប្រាក​ដ​រ​ប​ស់ប្រជាជន និងលើកកម្ពស់ជីវភាពរបស់កសិករ។

ឯកឧត្តម រដ្ឋមន្ត្រីថ្មីនៃក្រសួងកសិកម្ម រុក្ខាប្រមាញ់ និងនេសាទ ឌិត ទីណា កាលពីថ្ងៃទី១៧ ខែតុលា ឆ្នាំ​២​០​២​២ បានបង្ហាញពីឆន្ទៈ និងប្តេជ្ញា​​ដោះ​ស្រា​យ​បញ្ហាប្រឈមរបស់វិស័យកសិកម្ម និងស្វែងរកទីផ្សារបន្ថែមសម្រាប់​ផ​លិ​ត​ផ​ល​ក​សិ​ក​ម្ម​​ តា​ម​រយៈការខិតខំប្រឹងប្រែងរួមជា​មួយ​ថ្នាក់ដឹកនាំ និងមន្រ្តី​គ្រប់លំដា​ប់ថ្នា​ក់នៃ​ក្រសួ​ងក​សិក​ម្ម​ ​ព្រ​ម​ទាំ​ងសហការជាមួយស្ថាប័នពាក់ព័ន្ធ ដើម្បីបម្រើ​ និងដោះស្រាយ​បញ្ហា​ប្រឈ​ម​ជូ​ន​ប្រ​ជា​​ព​ល​រ​ដ្ឋ ជាពិសេសក្នុងពេលដែលប្រជាពលរ​ដ្ឋកំពុងរងផ​លប៉ះពា​ល់ដោយ​សារ​តែទឹ​ក​ជំ​ន​ន់​។

ឯកឧត្តម ឌិត ទីណា បានបញ្ជាក់ថា ៖

“ការបម្រើ​ប្រយោជន៍​របស់​ប្រជាពលរដ្ឋ​ ​គឺ​ធានា​កំណើន​ផលិតផល​របស់​កសិករ​ ​និង​តម្លៃ​នៅ​លើ​ទី​ផ្សារ ខណៈដែលវិ​ស័យ​កសិកម្ម​ ​គឺជា​​វិ​ស័យដ៏សំខាន់បំផុត​សម្រាប់​ខឿន​សេដ្ឋកិច្ចកម្ពុជា”

សូមបញ្ជាក់ថា ពិធីប្រកាសចូលកាន់តំណែងជាផ្លូវការក្នុងនាមជារដ្ឋមន្ដ្រីក្រសួងកសិកម្ម រុក្ខាប្រមាញ់ និ​ងនេសាទថ្មី កាលពី​ថ្ងៃ​ទី​១៧ ខែតុលា ឆ្នាំ២​០​២២ ត្រូវបានប្រព្រឹត្តទៅក្រោមអធិបតីភាពឯកឧត្តមអគ្គ​ប​ណ្ឌិ​​​ត​សភាចារ្យ អូន ព័ន្ធមុន្នីរ័ត្ន ឧបនា​យ​ក​រដ្ឋមន្ត្រី រដ្ឋម​ន្ត្រី​ក្រ​សួងសេដ្ឋកិច្ច និងហិរញ្ញវត្ថុ នៅ​ទី​ស្ដី​កា​រ​ក្រសួងកសិកម្ម។

ឯកឧត្តម ឌិត ទីណា ត្រូវបានរដ្ឋសភា​ជាតិ នីតិកាលទី៦ បានបោះឆ្នោតផ្តល់សេចក្តីទុកចិត្តតែងតាំងជារដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ តាមសំណើដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។

ឯកឧត្តមរដ្ឋមន្ត្រីថ្មីបានលើកឡើង​ថា​ ​អ្វី​ដែល​សំខាន់​នោះ​ ​គឺ​បន្ត​អនុវត្ត​គោល​នយោបាយ​ ​ផែនការ​ ​យុទ្ធសាស្ត្រ ​និង​យុទ្ធសាស្ត្រ​ចតុ​កោណ​ដំណាក់​ទី​៤​ ​និង​ផែនការ​យុទ្ធសាស្ត្រ​អភិវឌ្ឍ​វិ​ស័យកសិកម្ម​ឆ្នាំ​២​០​២​២​ ​ដល់​ឆ្នាំ​២​០​៣​០​ ​ដើម្បី​ផលប្រយោជន៍​ប្រជាពលរដ្ឋ​ ​លើក​ក​ម្ពស់​ជីវភាព​កសិករ​ ​និង​លើក​ក​ម្ពស់​ការ​នាំចេញ​ ​ដើម្បី​អភិវឌ្ឍ​សេដ្ឋកិច្ច​ឱ្យ​កាន់តែ​រីក​ចម្រើន​ ​និង​ជឿនលឿន​ឡើង​។

​ឯកឧត្តម ឌិត ទីណា បាន​បញ្ជាក់​ថា​ ​កាលពីមុន​​កសិកម្ម​​បាន​ពឹងផ្អែក​ទាំងស្រុង​លើ​ទឹកភ្លៀង​ ​តែ​បច្ចុប្បន្ន​ ​ប្រជាកសិករ​នៅ​តំបន់​ជាច្រើន​ ​គឺ​មាន​បណ្ដាញទឹក​ស្រោចស្រព​ខ្វាត់ខ្វែង​ ​ដើម្បី​ផ្ដល់​លទ្ធភាព​ឱ្យ​ប្រជាកសិករ​អាច​បង្កបង្កើន​ផល​បាន​ច្រើន​ពី​កសិកម្ម​។ ជាកិច្ច​ការ​បន្ទាន់​ដែល​ត្រូវ​អនុវត្ត​គឺ​ដោះស្រាយ​បញ្ហា​ប្រឈម​ដល់​ប្រជាពលរដ្ឋ​​ដែល​ងាយ​រងគ្រោះ​ដោយសារ​ទឹក​ជំនន់​ ​ដើម្បី​ផ្ដល់​នូវ​ពូជ​ ​ឬ​ស្បៀង​ ​ដើម្បី​ដោះស្រាយបញ្ហា​ជីវភាព ​និង​បន្ត​ជំរុញ​កសិកម្ម​កម្ពុជា​ ​ដើម្បី​ឱ្យ​ប្រែក្លាយ​ទៅ​ជា​កសិកម្ម​កាន់តែ​ទំនើប​ ​ឆ្លាតវៃ​ ​និង​មាន​និរន្តរភាព​ ​បម្រើ​ឱ្យ​ផលប្រយោជន៍​ពិតប្រាកដ​របស់​ប្រជាពលរដ្ឋ​។

​ឯកឧត្តម បានបញ្ជាក់បន្ថែមថា ​ក្រសួងនឹងបន្ត​ប្រមូល​កម្លាំង​ ​មធ្យោបាយ​ ​និង​ធនធាន​ដែល​ក្រសួង​មាន​ ​ដើម្បី​ចូលរួម​សហការ​ជាមួយ​ស្ថាប័ន​ពាក់ព័ន្ធ​ ​ដើម្បី​ដោះស្រាយ​ផល​ប៉ះពាល់​ដែល​បង្ក​ឡើង​ដោយសារ​គ្រោះ​មហន្តរាយ​ ​ឬ​ទឹក​ជំនន់​ ​ដែល​បាន​បំផ្លាញ​ផល​ដំណាំ​របស់​ប្រជាកសិករ​នៅ​តាម​បណ្ដា​ខេត្ត​ ​គឺ​តាមរយៈការ​ផ្ដល់​ពូជស្រូវ​ ​និង​ដំណាំ​ ​ដើម្បី​ជួយ​ដល់​ប្រជាកសិករ​។

​ឯកឧត្តមបានបញ្ជាក់ដែរថា សម្រាប់​រយៈពេល​មធ្យម​ ​និង​ស្រាវជ្រាវ​រក​វិធីសាស្ត្រ​ ​ក៏ដូចជាបច្ចេកវិទ្យា​ថ្មីៗ​ ​ដើម្បី​អនុវត្ត​ ​និង​ផ្សព្វផ្សាយ​ដល់​ប្រជាកសិករ​អំពី​ការ​ដាំ​ដុះ​ ​និង​ពង្រឹង​កិច្ច​សហការ​ជា​ដៃគូ​អភិវឌ្ឍន៍​ ​និង​បណ្ដា​ប្រទេស​នានា​ ​ដើម្បី​ជំរុញ​កា​របើក​ទី​ផ្សារ​នាំចេញ​ឱ្យ​កាន់តែ​ទូលំទូលាយ​សម្រាប់​ផលិតផល​កសិកម្ម​នៅ​កម្ពុជា​។

ឯកឧត្តមបណ្ឌិត្យសភាចារ្យ​ ​អូន​ ​ព័ន្ធ​មុនី​រ័ត្ន ឧបនាយករដ្ឋមន្ត្រី ​រដ្ឋមន្ត្រី​ក្រសួងសេដ្ឋកិច្ច​ ​និង​ហិរញ្ញវត្ថុ​ ​បានលើកឡើងថា វិស័យកសិកម្មកម្ពុជាទទួលបាននូវការរីកចម្រើនគួរឱ្យកត់សម្គាល់ ដែលឆ្លុះបញ្ចាំងតាមរយៈកំណើន ផលិតកម្មកសិកម្ម និងការនាំចេញផលិតផលកសិកម្មគ្រប់ប្រភេទ។ ជាការពិត វិស័យកសិកម្ម បានរួមចំណែកប្រមាណ ៦០% ក្នុងការកាត់បន្ថយភាពក្រីក្រឱ្យធ្លាក់ចុះពីអាត្រា ៥០% ក្នុងឆ្នាំ ២០០៧ មកត្រឹម ២១% ក្នុងឆ្នាំ ២០១១ ។ ដោយឡែក នៅក្នុងឆ្នាំ២០២១ កន្លងទៅ វិស័យកសិកម្មក៏បាន រួមចំណែកប្រមាណ ២២,៨% ក្នុង ផ.ស.ស និង បានបង្កើតការងារជូនប្រជាពលរដ្ឋប្រមាណជាង ៣ លាននាក់ផងដែរ ។

​ឯកឧត្តមបណ្ឌិត្យសភាចារ្យ​ ​អូន​ ​ព័ន្ធ​មុនី​រ័ត្ន ក៏បានជំរុញ​ឱ្យ​ឯកឧត្តម​ ឌិ​ត​ ​ទីណា​ ​ប្រឹងប្រែង​ដោះស្រាយបញ្ហា​ដល់​ប្រជាកសិករ​ដែល​ជា​ជនរងគ្រោះ​ដោយសារ​ទឹកជំនន់​ ​និង​ត្រូវ​ដោះស្រាយ​ឱ្យ​បាន​ទាន់ពេល​ ព្រោះថាវិ​ស័​យ​កសិ​កម្ម​ ​គឺជា​វិ​​ស័​យ​ដ៏​សំខាន់​របស់​កម្ពុជា​ ​និង​ត្រូវ​ដោះស្រាយ​ផល​ប៉ះពាល់​របស់​ប្រជាកសិករ​ ​ដែល​រងគ្រោះ​ដោយ​សារ​ទឹកជំនន់​ជា​អាទិភាព​ ​ដែល​អាច​ធ្វើ​បានជា​មួយ​មន្ត្រី​គ្រប់​លំដាប់​ថ្នាក់​ ​ដើម្បី​ដំណើរការ​វិ​​ស័​យ​កសិកម្ម​ល្អ​ប្រសើរ​ឡើងវិញ​៕​​


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»

ម៉ាឡេស៊ីកំពុងត្រៀមខ្លួនក្នុងការចូលរួមជាសមាជិកក្រុមប្រទេស BRICS

ព្រឹត្តិការណ៍, សេដ្ឋកិច្ច

• 19/06/2024

នាយករដ្ឋមន្រ្តីម៉ាឡាស៊ី អាន់វ៉ា អ៊ីប្រាហ៊ីម លើកឡើងថា ម៉ាឡេស៊ីបានបានធ្វើការសម្រេចចិត្តក្នុងការចូលរួមជាមួយ BRICS ហើយនឹងដាក់នីតិវិធីជាផ្លូវការក្នុងពេលឆាប់ៗនេះ ខណៈដែលកំពុងរង់ចាំលទ្ធផលចុងក្រោយពីរដ្ឋាភិបាលអាហ្វ្រិកខាងត្បូង

អាជីវកម្មរាប់រយដកខ្លួនចេញពីទីផ្សាររុស្សី ប៉ុន្តែយីហោធំៗបន្តម៉ាកពាណិជ្ជកម្មក្នុងទីផ្សារ

ព្រឹត្តិការណ៍, សេដ្ឋកិច្ច

• 19/06/2024

Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ និងឆ្នាំ១៩៩០ នៅតាមហាង McDonald's

អ្នកជំនាញប្រាប់ពីរបៀបប្រើប្រាស់កម្ចី ដើម្បីឱ្យមានប្រសិទ្ធភាពខ្ពស់

ព្រឹត្តិការណ៍, ហិរញ្ញវត្ថុ

• 19/06/2024

អ្នកជំនាញហិរញ្ញវត្ថុប្រាប់ពីវិធីសាស្ត្រក្នុងការប្រើប្រាស់លុយកម្ចី ឬឥណទានពីធនាគារ និងគ្រឹះស្ថានមីក្រូហិរញ្ញវត្ថុ ឱ្យមានប្រសិទ្ធភាព ហើយវិធីសាស្ត្រទាំងនេះរួមមានការផ្តោតលើការប្រើប្រាស់កម្ចីឱ្យចំគោលដៅ

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ