សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ឯកឧត្តម សាយ សំអាល់ ឧបនាយករដ្ឋមន្ត្រី និងជារដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានបញ្ជាក់ថា កងកម្លាំងប្រដាប់អាវុធគឺជាអ្នកមានគុណយ៉ាងធំធេងសម្រាប់ប្រទេសជាតិ និងប្រជាជន ហើយទំនាក់ទំនងល្អរវាងមន្ត្រីរាជការស៊ីវិល និងកងទ័ព គឺជាអ្វីដែលមិនអាចកាត់ផ្ដាច់ចេញពីគ្នាបានឡើយក្នុងការជំរុញកិច្ចអភិវឌ្ឍន៍ និងពង្រឹងខឿនការពារជាតិឱ្យបានរឹងមាំ ។
ការថ្លែងបែបនេះ បានធ្វើឡើងនៅក្នុងកម្មវិធីធ្វើបទឧទ្ទេសនាម និងបាឋកថា ស្ដីពីរចនាសម្ព័ន្ធចាត់តាំង តួនាទី ភារកិច្ចរបស់ក្រសួងរៀបចំដែនដី នគរូបនីយកម្ម និងសំណង់ ជូនដល់នាយទាហាន នាយទាហានរង ពលទាហាន និងសិក្ខាកាម នៅវិទ្យាស្ថានបញ្ជាការ-សេនាធិការ នាព្រឹកថ្ងៃទី១៨ កញ្ញា ២០២៥ ។
ឯកឧត្តមឧបនាយករដ្ឋមន្ត្រី សាយ សំអាល់ បានចាត់ទុកថា កងទ័ពគឺជាឆ្អឹងខ្នងរបស់សង្គមជាតិ ជាឆ្មាំចាំយាមនូវអាយុជីវិតរបស់ជាតិ ហើយគុណបំណាច់របស់កងទ័ពគឺមានលក្ខណៈពិសេសដាច់ដោយឡែកខុសពីមន្ត្រីរាជការស៊ីវិលដទៃទៀត។ កងទ័ពមានផ្នត់គំនិត និងរបៀបរបបការងារដោយហ៊ានលះបង់អាយុជីវិតដើម្បីការពារជាតិ ដែលនេះមិនមែនទាំងអស់គ្នាអាចធ្វើបាននោះទេ។
ឯកឧត្តម បានលើកឡើងថា ៖
«មកដល់ពេលនេះ ក្រសួងរៀបចំដែនដី នគរូបនីយកម្ម និងសំណង់ បានឆ្លងកាត់ជាច្រើនដំណាក់កាល ក្នុងការស្ដារនិងអភិវឌ្ឍន៍ខ្លួនដើម្បីចូលរួមជំរុញកិច្ចអភិវឌ្ឍន៍ប្រទេសជាតិតាមដំណាក់កាលនីមួយៗ ហើយមកទល់បច្ចុប្បន្ន ក្រសួងបានខិតខំប្រឹងប្រែងអនុវត្តការងារជាច្រើនដើម្បីឆ្លើយតបតាមចក្ខុវិស័យរបស់រាជរដ្ឋាភិបាលកម្ពុជាគឺ ការរៀបចំប្រទេសជាតិ ឱ្យបានល្អ មានរបៀបរៀបរយត្រឹមត្រូវ, ការបង្កើតបរិយាកាសគ្មានវិវាទនៅក្នុងសង្គមជាតិ,បង្កើតទ្រនំសុភមង្គលនិងភូមិឋានក្សេមក្សាន្តសំរាប់ប្រជាពលរដ្ឋរស់នៅដោយកិត្តិយសនិងសេចក្តីថ្លៃថ្នូរ» ។
គូរបញ្ជាក់ថា បេសកកម្មរបស់ក្រសួងរៀបចំដែនដី នគរូបនីយកម្ម និងសំណង់ គឺការចូលរួមរៀបចំស្រុកទេស រៀបចំផ្ទះសំបែងឱ្យរៀបរយ ស្របតាមប្រសាសន៍របស់សម្តេចមហាបវរធិបតី ដើម្បីឱ្យប្រជាជនទទួលបានផ្លែផ្កានៃសន្តិភាព ដោយមានជីវភាពរស់នៅសមរម្យ គឺមានដំបូលលើក្បាល ម្ហូបលើតុ ប្រាក់ចំណូលសមរម្យ កូនទៅរៀន និងដើម្បីកម្ពុជាជាប្រទេសឯករាជ្យម្ចាស់ការ និងមានខឿនសេដ្ឋកិច្ចជាតិរឹងមាំ ៕
Account
Security
Favourite Content