សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រសួងរៀបចំដែនដី នគរូបនីយកម្ម និងសំណង់ បានបើកកិច្ចប្រជុំជជែកពិភាក្សាដើម្បីកសាងឯកភាពផ្ទៃក្នុងលើការរៀបចំលិខិតបទដ្ឋានគតិយុត្តិក្នុងវិស័យសំណង់ ដើម្បីឱ្យមានបទដ្ឋានបច្ចេកទេស មានគោលការណ៍ណែនាំជាក្បួនខ្នាតលើវិស័យសំណង់សម្រាប់ឱ្យប្រជាជនកម្ពុជាយកទៅប្រើប្រាស់ក្នុងគោលបំណងធានាបានថា សំណង់នៅកម្ពុជាមានសុវត្ថិភាព គុណភាព និងសោភ័ណភាព ជាការបើកទំព័រថ្មីនៃស្ថាបត្យកម្មខ្មែរនាសហសម័យ ។
ក្នុងកិច្ចប្រជុំពិភាក្សាលើសេចក្តីព្រាងគោលការណ៍ណែនាំបច្ចេកទេសស្ដីពីវិធីសាស្រ្តសម្រាប់ការអនុវត្តការងាររុះរើសំណង់, ការប្រើប្រាស់រន្ទា និងសំណាញ់សុវត្ថិភាព, វិធីសាស្ត្រនៃការងារជីកដី និងការងារខួងគ្រឹះជ្រៅ, វិធីសាស្រ្តនៃការធ្វើក្តារពុម្ព, ការគ្រប់គ្រងការអនុវត្តការងារគ្រឿងផ្គុំ និងការងារបញ្ចប់ ដែលបានធ្វើឡើងនៅទីស្ដីការក្រសួង នាថ្ងៃដើមសប្ដាហ៍នេះ ឯកឧត្តម សាយ សំអាល់ ឧបនាយករដ្ឋមន្ត្រី និងជារដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានបញ្ជាក់ថា ការជួបជុំគ្នានាពេលនេះគឺដើម្បីស្វែងរកការឯកភាពផ្ទៃក្នុងសំដៅធានាដំណើរការអនុវត្តការងារទាក់ទិននឹងវិស័យសំណង់ឱ្យបានរលូនទៅមុខ និងមានប្រសិទ្ធភាព។
ឯកឧត្តមបានមានប្រសាសន៍ថា ការជួបពិភាក្សាគ្នាជាមួយក្រុមប្រឹក្សាជាតិបទបញ្ញត្តិសំណង់នាពេលនេះក៏ដើម្បីកសាងការឯកភាពផ្ទៃក្នុងទៅលើបទដ្ឋានបច្ចេកទេស និងបទដ្ឋាននយោបាយ ធ្វើយ៉ាងណាឱ្យសេចក្តីព្រាងគោលការណ៍ណែនាំបច្ចេកទេសស្ដីពីវិធីសាស្រ្តសម្រាប់ការអនុវត្តការងាររុះរើសំណង់, ការប្រើប្រាស់រន្ទានិងសំណាញ់សុវត្ថិភាព, វិធីសាស្ត្រនៃការងារជីកដីនិងការងារខួងគ្រឹះជ្រៅ, វិធីសាស្រ្តនៃការក្តារពុម្ព, ការគ្រប់គ្រងការអនុវត្តការងារគ្រឿងផ្គុំ ការងារ MEP និងការងារបញ្ចប់នេះ មានលក្ខណៈត្រឹមត្រូវ គ្រប់ជ្រុងជ្រោយ និងងាយស្រួលយកទៅអនុវត្តប្រកបដោយទំនុកចិត្ត ធានាបាននូវគុណភាព សុវត្ថិភាព និងសោភ័ណភាពសំណង់ផងដែរ។
តាមរយៈកិច្ចប្រជុំនាពេលនេះដែរ ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ ក៏បានជជែកពិភាក្សាលម្អិតដើម្បីកសាងឯកភាពផ្ទៃក្នុង លើការរៀបចំលិខិតបទដ្ឋានគតិយុត្តិក្នុងវិស័យសំណង់នៅអាណត្តិនេះឱ្យបានសម្រេច និងលេចចេញជារូបរាងផងដែរ៕
Account
Security
Favourite Content