សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ថ្វីត្បិតថាមានការព្យាករណ៍ និងវិភាគអំពីផលប៉ះពាល់ដល់សេដ្ឋកិច្ចសម្រាប់តំបន់អាស៊ីក្នុងឆ្នាំ២០២៤ ក្រោមឥទ្ធិពលលទ្ធផលបោះឆ្នោតរបស់អាមេរិកក្នុងពេលនេះហាក់ដូចជាឆាប់រហ័សបន្តិចក្តី ប៉ុន្តែជឿជាក់ថា ការត្រៀមខ្លួនរបស់មេដឹកនាំប្រទេសនានាគឺពិតជាសំខាន់សម្រាប់ព្រឹត្តិការណ៍ដែលគួរឲ្យតាមដានបំផុត។
អាមេរិកនឹងបោះឆ្នោតជ្រើសរើសប្រធានាធិបតីថ្មីនៅថ្ងៃអង្គារទី៥ ខែវិច្ឆិកា ឆ្នាំ២០២៤ ពោល គឺនៅសល់រយៈពេលប្រមាណជា១០ខែទៀតតែប៉ុណ្ណោះ ប៉ុន្តែក្នុងស្ថានភាពសេដ្ឋកិច្ចកំពុងជួបវិបត្ត បញ្ហាសណ្តាប់ធ្នាប់ពិភពលោកមិនអំណោយផលនោះ ធ្វើឲ្យលទ្ធផលនៃការបោះឆ្នោតនៅអាមេរិកពិតជាមានសារៈសំខាន់ណាស់ និងជះឥទ្ធិពលខ្លាំងទៅលើសេដ្ឋកិច្ចរបស់ពិភពលោកទាំងមូល ជាពិសេសប្រទេសក្នុងតំបន់អាស៊ី។
មានអ្នកជំនាញមិនច្រើននោះទេដែលហ៊ានចេញមកវិភាគថា លទ្ធផលនៃការបោះឆ្នោតនៅអាមេរិកអាចនឹងធ្វើឲ្យសេដ្ឋកិច្ចក្នុងតំបន់អាស៊ីមានការរីកចម្រើនក្នុងកម្រិតណានោះ ដោយសារតែវាមានកត្តាមួយចំនួនដែលគួរស្វែងយល់ទាំងអស់គ្នា។
ដោយគ្រាន់តែជាការបកស្រាយដែលមិនពាក់ព័ន្ធទៅនឹងបញ្ហាជម្លោះនៅអ៊ុយក្រែន និងបញ្ហាផ្សេងទៀតដែលមិនជាប់ពាក់ព័ន្ធរវាងអាមេរិក និងអាស៊ីនោះទេ យើងអាចមើលឃើញថា កត្តាទី១ គឺអាស្រ័យ ថាតើអ្នកណានឹងក្លាយទៅជាប្រធានាធិបតីថ្មីរបស់មហាយក្សអាមេរិក ពីព្រោះថាបេក្ខភាពសំខាន់ៗរបស់ពួកគេមានគោលនយោបាយសេដ្ឋកិច្ចផ្សេងៗគ្នាទាំងអស់ ទាំងនៅក្នុង និងក្រៅប្រទេស។
ឧទាហរណ៍ជាក់ស្តែងប្រសិនបើលោក Donald Trump ជាប់ឆ្នោតម្តងទៀតពិតមែន គាត់នឹងវិលត្រឡប់ទៅកាន់គោលនយោបាយគាំពារនិយមដែលនឹងអាចធ្វើឲ្យមានភាពមិនចុះសម្រុងគ្នាឡើយជាមួយនឹងពាណិជ្ជកម្មជាមួយនឹងប្រទេសចិន ខណៈប្រសិនបើលោក Biden បន្តឈរតំណែងអាណត្តិថ្មីវិញនោះអាស៊ីនឹងនៅតែជាដៃគូសេដ្ឋកិច្ចដ៏សំខាន់បំផុតរបស់រដ្ឋបាលអាមេរិក។
ទី២ គេអាចមើលឃើញថា ផលប៉ះពាល់នឹងកើតឡើងតិច ឬច្រើនអាស្រ័យទៅលើទំនាក់ទំនងនៃបណ្តាប្រទេសនីមួយៗក្នុងតំបន់អាស៊ី បើទោះជាមេដឹកនាំរូបណាឈ្នះឆ្នោតក៏ដោយ ខណៈដែលកត្តាទី៣ គេនឹងមើលឃើញបញ្ហាសេដ្ឋកិច្ចអាស៊ីមិនស្ថិតនៅលើលទ្ធផលឆ្នោតអាមេរិកទាំងស្រុងនោះទេ ប៉ុន្តែក្នុងនោះក៏វាអាចចូលរួមចំណែកដោយសារតែបញ្ហាវិបត្តិសកលផង បញ្ហាអតិផរណាផង និងបញ្ហាតានតឹងផ្នែកភូមិសាស្ត្រនយោបាយរបស់មហាអំណាចផង។
សម្រាប់វិស័យពាណិជ្ជកម្ម និងវិនិយោគពិតជាមានផលប៉ះពាល់ខ្លាំងជាងគេប្រសិនបើស្ថិរភាពនយោបាយ និងសេដ្ឋកិច្ចអាមេរិកមិនរលូនបើទោះបីជាអាចទទួលបានមេដឹកនាំថ្មីរូបណាក្តី ហើយក្នុងនោះទាំងសេដ្ឋកិច្ចសកល និងសេដ្ឋកិច្ចក្នុងតំបន់អាស៊ីប្រាកដជាទទួលរងផលប៉ះពាល់។ ដោយឡែកបញ្ហាសន្តិសុខវិញ ប្រទេសអាមេរិកនៅតែដើរតួយ៉ាងសំខាន់ជាពិសេសប្រទេសមួយចំនួនដែលចិនកំពុងមានជម្លោះដែនសមុទ្រ បូករួមទាំងបញ្ហាកោះតៃវ៉ាន់ផងដែរ។
ទោះបីជាយ៉ាងណាក្តី ផលប៉ះពាល់ជារួមនៃលទ្ធផលការបោះឆ្នោតអាមេរិកក្នុងឆ្នាំ២០២៤នេះពាក់ព័ន្ធទៅលើសេដ្ឋកិច្ចក្នុងតំបន់អាស៊ីគឺពិតជាមានភាពលំបាកក្នុងការព្យាករណ៍ណាស់ថាស្ថិតនៅក្នុងកម្រិតណា ពីព្រោះថាក្រៅតែពីកត្តាទំនាក់ទំនងរវាងសេដ្ឋកិច្ចទាំងពីរហើយនោះ កត្តាខាងក្រៅផ្សេងទៀតជាច្រើន រាប់ចាប់តាំងពីវិបត្តិសកល វិបត្តជម្លោះដោយយោធា អតិផរណា ព្រមទាំងបញ្ហាពាណិជ្ជកម្មសកលផងនោះ ក៏អាចធ្វើឲ្យប៉ះពាល់ដល់សេដ្ឋកិច្ចរបស់អាស៊ីផងដែរ៕
Account
Security
Favourite Content