សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពពីរ៉យទ័រ បានរាយការណ៍ថា ការជំនួសហ្គាសរុស្ស៊ីដោយឧស្ម័នធម្មជាតិរាវ (LNG) ពីសហរដ្ឋអាមេរិកនៅក្នុងប្រព័ន្ធថាមពលរបស់សហភាពអឺរ៉ុបអាចផ្តល់ការគំរាមកំហែងដល់ផ្នែកសន្តិសុខ។
បច្ចុប្បន្ននេះ សហរដ្ឋអាម៉េរិកគឺជាអ្នកផ្គត់ផ្គង់ហ្គាសធំបំផុតទីពីរទៅកាន់សហភាពអឹរ៉ុបបន្ទាប់ពីប្រទេសន័រវេស។ នៅឆ្នាំ២០២៣ សហរដ្ឋអាម៉េរិកបានក្លាយជាអ្នកនាំចេញឧស្ម័នធម្មជាតិរាវ LNG កំពូលរបស់ពិភពលោក ហើយសមាជិកសហភាពអឺរ៉ុបជាច្រើនបានបង្កើនការទិញ LNG យ៉ាងខ្លាំងនៅឆ្នាំ ២០២៣ ដដែលនោះ បន្ទាប់ពីដាក់ទណ្ឌកម្មបញ្ឈប់ការទិញពីរុស្ស៊ី និងការបំផ្លិចបំផ្លាញនៃបំពង់បង្ហូរ Nord Stream។
Ira Joseph សហការីស្រាវជ្រាវជាន់ខ្ពស់នៅសាកលវិទ្យាល័យ Columbia បាននិយាយថា ការពឹងផ្អែករបស់អឺរ៉ុបលើឧស្ម័នធម្មជាតិរាវ LNG របស់សហរដ្ឋអាម៉េរិកនឹងកើនឡើង ប្រសិនបើពួកគេបញ្ឈប់ការនាំចូលឧស្ម័នរុស្ស៊ី ហើយកាតារសម្រេចចិត្តមិនចូលរួមក្នុងការប្រកួតប្រជែងតម្លៃនៅក្នុងទីផ្សារ។ ប្រសិនបើអាម៉េរិកផ្លាស់ប្តូរគោលនយោបាយ នោះវាក៏អាចបង្កឱ្យមានហានិភ័យធំផងដែរ។
ថ្មីៗនេះ ប្រធានាធិបតីអាម៉េរិក លោក Joe Biden បានបញ្ជាឱ្យផ្អាកបណ្តោះអាសន្នលើការយល់ព្រម និងកម្មវិធីនាពេលអនាគតសម្រាប់ការនាំចេញ LNG ដោយលើកឡើងពីការព្រួយបារម្ភអំពីការប្រែប្រួលអាកាសធាតុ។ គេរំពឹងថា ការផ្អាកនេះនឹងអនុញ្ញាតឱ្យនាយកដ្ឋានថាមពលធ្វើបច្ចុប្បន្នភាពគោលការណ៍ណែនាំសេដ្ឋកិច្ច និងបរិស្ថានដែលខ្លួនប្រើនៅពេលអនុម័តអាជ្ញាប័ណ្ណនាំចេញថ្មី។ បន្ថែមពីនេះ សេតវិមានបានសន្យាចំពោះទីក្រុងប្រ៊ូសែល ដើម្បីពិនិត្យមើលឡើងវិញនូវពាក្យស្នើសុំសម្រាប់សមត្ថភាពនាំចេញថ្មី បន្ទាប់ពីប្លុកអឺរ៉ុបបានផ្តាច់ខ្លួនចេញពីការផ្គត់ផ្គង់ថាមពលពីរុស្ស៊ី។
លោក David Seduski អ្នកវិភាគខាងឧស្ម័នមកពី Energy Aspects លើកឡើងថា ការផ្អាកនេះអាចនឹងមិនបន្តសកម្មភាពឡើងវិញ ប្រសិនបើគណបក្សសាធារណរដ្ឋឈ្នះឆោ្នត ហើយការផ្អាកនេះគឺជាគោលបំណងនយោបាយ ដើម្បីសម្រួលដល់ការបោះឆ្នោតសកលរបស់លោក Joe Biden។ ម៉្យាងទៀត ការផ្អាករយៈពេលវែងអាចធ្វើឲ្យការអនុញ្ញាតនៃការនាំចេញឧស្ម័នធម្មជាតិរាវ LNG មានភាពតឹងរឹងជាងមុន។
យ៉ាងណាក៏ដោយ អ្នកវិភាគលើកឡើងពីបញ្ហាប្រឈមដែលមានសក្តានុពលនៅខាងមុខ ដោយបានព្រមានថាការពឹងផ្អែកកាន់តែខ្លាំងឡើងលើឧស្ម័នរបស់សហរដ្ឋអាមេរិកកំពុងបង្កើតហានិភ័យសម្រាប់វិស័យទាំងមូល៕
Account
Security
Favourite Content