សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ក្រសួងទេសចរណ៍ បានបង្ហាញស៊ូចនាករទេសចរណ៍ និងស្ថិតិទេសចរណ៍ផ្លូវការឆ្នាំ២០២៤ ជាមួយនឹងការលើកឡើងថា វិស័យទេសចរណ៍បានរួមចំណែកផលិផលក្នុងស្រុកប្រមាណ ៩,៤% ដោយក្នុងនោះមានអ្នកដែលមានមុខរបរ និងការងារជាប់ពាក់ព័ន្ធនឹងវិស័យទេសចរណ៍សរុបប្រមាណជាង ៥១ម៉ឺននាក់។
យោងតាមរបាយការណ៍ប្រចាំឆ្នាំ២០២៤ របស់ក្រសួងទេសចរណ៍បានបង្ហាញថា នៅក្នុងឆ្នាំ២០២៤ កន្លងទៅនេះ កម្ពុជាទទួលបានភ្ញៀវទេសចរអន្តរជាតិចំនួន ៦,៧០ លាននាក់ កើនឡើងប្រមាណ ២២,៩ភាគរយ និងបានចាក់បញ្ចូលថវិកាទៅក្នុងសេដ្ឋកិច្ចជាតិប្រមាណ ៣ ៦៣៧ លានដុល្លារអាមេរិក កើនឡើង ១៨, 0% ប្រៀបធៀបទៅនឹងឆ្នាំ២០២៣។
ទន្ទឹមនឹងនោះដែរ តាមរយៈសូចនាករទេសចរណ៍ និងស្ថិតិទេសចរណ៍ផ្លូវការឆ្នាំ២០២៤ ការរីកចម្រើននៃវិស័យទេសចរណ៍កម្ពុជា អាចវាស់វែងបានពីចំណុចសំខាន់ៗមួយចំនួដូចមាននៅខាងក្រោម៖
១-ទេសចរអន្តរជាតិ ៦,៧០ លាននាក់ កើនឡើង ២២,៩%
២-ទេសចរជាតិ ២២,៥២ លាននាក់ កើនឡើង ២០,១%
៣-ទេសចរជាតិចេញក្រៅ ១,៨៥ លាននាក់ កើនឡើង ១,៤%
៤-មូលដ្ឋានអាជីវកម្មទេសចរណ៍ ១៣,៨៧៦អាជ្ញាប័ណ្ណ
៥- សេវាកម្មស្នាក់នៅ ៨៣ ៧៨៧ បន្ទប់
៦-ចំណូលទេសចរណ៍អន្តរជាតិ ៣,៦៣៧ លានដុល្លារអាមេរិក កើនឡើង១៨, 0%
៧-មុខរបរ និងការងារទេសចរណ៍ ៥១ ម៉ឺននាក់
៨-វិស័យទេសចរណ៍បានរួមចំណែកនៅក្នុងផលិតផលក្នុងស្រុកសរុបប្រមាណ ៩.៤%។
សូមជម្រាបថា តាមរយៈសូចនាករនេះ វិស័យទេសចរណ៍នៅតែជាវិស័យអាទិភាព និងជាមាសបៃតង វាមិនត្រឹមតែបង្កើតនូវកាលានុវត្តភាពការងារ លើកកម្ពស់ជីវភាពរស់នៅរបស់ប្រជាពលរដ្ឋ បង្កើនប្រាក់ចំណូលជាតិ និងបានជួយទប់លំនឹងផ្នែកជញ្ជីងទូទាត់ពាណិជ្ជកម្ម( Balance of payment- BOP) ប៉ុណ្ណោះទេ ប៉ុន្តែថែមទាំងទាក់ទាញការវិនិយោគផ្ទាល់ពីបរទេស និងក្នុងស្រុក រួមជាមួយនឹងរំហូរចូលនូវរូបិយប័ណ្ណអន្តរជាតិ។ បន្ថែមពីនេះ វិស័យទេសចរណ៍ ក៏បានចូលរួមចំណែកយ៉ាងសំខាន់ដល់សេដ្ឋកិច្ច សង្គម វប្បធម៌ និងពាណិជ្ជកម្មផងដែរ។
សូមបញ្ជាក់ដែរថា នៅរយៈពេល១២ខែក្នុងឆ្នាំ២០២៤ ប្រទេសកម្ពុជាទទួលបានជើងហោះហើរ ចេញ-ចូល (ទ្វេទិស) មានចំនួនជិត៦ម៉ឺនជើង ទទួលបានអ្នកដំណើរ ចេញ-ចូល ជាង ៦លាននាក់ និងទទួលដឹកជញ្ជូនទំនិញចេញ-ចូលបានជិត៨ម៉ឺនតោន។ ចំនួននេះ គឺជាចំនួនកើនឡើងបើធៀបនឹងឆ្នាំ២០២៣ សម្រាប់អាកាសយានដ្ឋានអន្តរជាតិទាំង៣ នៅកម្ពុជា មាន អាកាសយានដ្ឋានអន្តរជាតិ-ភ្នំពេញ, អាកាសយានដ្ឋានអន្តរជាតិ សៀមរាបអង្គរ- អាកាសយានដ្ឋានអន្តរជាតិកងកេង ក្រុងព្រះសីហនុ ។
Account
Security
Favourite Content