សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ អាជីវផ្សារទំនើបនៅក្នុងរាជធានីភ្នំពេញ គិតមកដល់បច្ចុប្បន្ននេះ នៅតែបន្តមានដំណើរការរបស់ខ្លួនជាធម្មតា ដោយមិនទាន់មានផលប៉ះពាល់អ្វីជាដុំកំភួននោះទេ ស្របនឹងផ្នែកមួយចំនួនក្នុងវិស័យអចលនទ្រព្យបានជួបប្រទះនឹងបញ្ហាប្រឈមដោយសារតែស្ថានភាពសេដ្ឋកិច្ច ទាំងក្នុង និងក្រៅប្រទេស ។
បើតាមលោកឧកញ៉ា នួន រឹទ្ធី ប្រធានក្រុមប្រឹក្សាភិបាលនៃក្រុមហ៊ុន KFA បានឱ្យដឹងថា ពាក់ព័ន្ធនឹងសកម្មភាពផ្សារទំនើបនៅក្នុងប្រទេសកម្ពុជា ជាពិសេសនៅក្នុងរាជធានីភ្នំពេញ ឃើញថានៅតែដំណើរការជាធម្មតាដោយមិនមានផលប៉ះពាល់អ្វីធ្ងន់ធ្ងរនោះឡើយ ជាក់ស្ដែងផ្សារទំនើបអ៊ីអនម៉ល ទាំងអ៊ីអនម៉ល១ អ៊ីអន២ និងអ៊ីអនម៉ល៣ ផ្សារទំនើបជីបម៉ុង ក៏ដូចជាផ្សារទំនើបដទៃទៀតផងដែរ ។
លោកឧកញ៉ាបន្តថា ទន្ទឹមនឹងនេះដែរ ផ្សារទំនើបផ្សេងៗទៀតក៏បាន និងកំពុងសាងសង់ និងគ្រោងដំណើរការនៅពេលខាងមុខនេះដែរ ដូចជាផ្សារទំនើប ស៊ិនជូរីផ្លាហ្សា ផ្សារទំនើប Big C របស់ថៃនៅជ្រោយចង្វារ ផ្សារទំនើបតូចៗជាច្រើនទៀត ។
យ៉ាងណាក្ដី បើតាមអ្នកនាង ជិន ច័ន្ទដាលុច្ស ប្រធានផ្នែកវាយតម្លៃនៃក្រុមហ៊ុន CBRE Cambodia បានលើកឡើងថា ក្នុងបរិបទនេះ អ្នកវិនិយោគផ្សារទំនើបគួរតែផ្អាកសកម្មភាពបន្ថែមការផ្គត់ផ្គង់មួយរយៈសិន ដោយសារតែផ្សារទំនើបដែលមាននៅរាជធានីភ្នំពេញមានច្រើនហើយ និងកំពុងត្រូវការអាជីវករដើម្បីដាក់លក់ទំនិញនៅក្នុងផ្សារទំនើបទាំងនោះ ។ ទន្ទឹមនឹងនោះក៏មានផ្សារទំនើបមួយចំនួនមិនសូវទទួលបានការគាំទ្រពីប្រជាពលរដ្ឋច្រើនដែរ ដោយសារតែកត្តា ការរចនាផ្នែកខាងក្នុង ចំណតយានយន្ត និងមិនសូវបង្កើតអ្វីដែលថ្មីទាក់ទាញអតិថិជន ។
បើតាមរបាយការណ៍របស់ក្រុមហ៊ុន CBRE Cambodia បានឱ្យដឹងថា ទាំង Shopping Mall , Shopping center និង Community Mallគិតត្រឹមដំណាច់ឆ្នាំ ២០២៣ មានចំនួនប្រមាណ ៧០ម៉ឺនម៉ែត្រក្រឡា ដោយបានកើនឡើងពីប្រមាណ ៣០ម៉ឺនម៉ែត្រក្រឡានៅក្នុងឆ្នាំ២០១៨កន្លងទៅ ហើយក្នុងឆ្នាំ ២០២៤នេះ ការផ្គត់ផ្គង់ទីតាំងលក់រាយរាប់ទាំងផ្សារទំនើបផងនោះ រំពឹងកើនឡើងដល់ ៧៥ម៉ឺនម៉ែត្រក្រឡា ក្នុងនោះShopping Mall មានចំណែកធំជាងគេ បន្ទាប់មកគឺ ផ្សារទំនើប ។
ក្នុងរយៈពេលប៉ុន្មានមកនេះ ឃើញថាវិនិយោគិនជាច្រើនបានសម្រុកទៅអភិវឌ្ឍន៍ផ្សារទំនើបនៅប៉ែកខាងត្បូងរាជធានីភ្នំពេញ ក្នុងនោះ រួមមានផ្សារទំនើបអ៊ីអនម៉លមានជ័យឬអ៊ីអន៣ និងផ្សារទំនើបជីបម៉ុងមេហ្គាម៉ល ២៧១ ដែលផ្សារទំនើបធំៗទាំងពីរនេះ បាន និងកំពុងធ្វើឱ្យអាជីវកម្មផ្សារទំនើបខ្នាតតូចៗ កំពុងប្រឈមនឹងបញ្ហាទីផ្សារផងដែរ៕
Account
Security
Favourite Content