សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ រយៈពេល៥ខែ ឆ្នាំ២០២៥ ការដឹកជញ្ជូនតាមផ្លូវអាកាសនៅកម្ពុជាមានជាង ២៧ ០០០ជើង កើនឡើងជាង ១៤% ចំណែកអ្នកដំណើរមានជាង ៣ លាននាក់ កើនជាង១៨%។ នេះបើយោងតាមឯកឧត្តម ស៊ីន ចាន់សិរីវុត្ថា រដ្ឋលេខាធិការ និងជាអ្នកនាំពាក្យអាកាសចរណ៍ស៊ីវិល ។
ឯកឧត្តម ស៊ីន ចាន់សិរីវុត្ថា បានឲ្យដឹងថា គិតចាប់ពី ខែមករា ដល់ខែឧសភា ឆ្នាំ២០២៥ អាកាសយានដ្ឋានអន្តរជាតិទាំង៣របស់កម្ពុជា (ភ្នំពេញ-សៀមរាបអង្គរ-ព្រះសីហនុ) ទទួលបានជើងហោះហើរចេញ-ចូល (ទ្វេទិស) មានចំនួន ២៧ ៦៧០ជើង មានការកើនឡើងជាង១៤% បើធៀបទៅនឹងរយៈពេល ៥ខែដូចគ្នាទៅនឹងឆ្នាំ២០២៤។
សម្រាប់អ្នកដំណើរចេញ-ចូល (ទ្វេទិស) មានចំនួនជាង ៣លាននាក់ (៣,០៤២,៥៤៨ នាក់) កើនឡើងជាង ១៨% បើធៀបទៅនឹងរយៈពេល៥ខែដូចគ្នាទៅនឹងឆ្នាំ២០២៤។ ដោយឡែកទំនិញតាមផ្លូវអាកាសចេញ-ចូល (ទ្វេទិស) មានចំនួនជិត៣ម៉ឺនតោន (២៩,០១៩ តោន) មានការកើនឡើង ៥% បើធៀបទៅនឹងរយៈពេល៥ខែដូចគ្នាទៅនឹងឆ្នាំ២០២៤។
គួររំលឹកថា៖ គិតចាប់ពី ខែមករា ដល់ ខែធ្នូ ឆ្នាំ២០២៤ អាកាសយានដ្ឋានអន្តរជាតិទាំង៣របស់កម្ពុជា ទទួលបានអ្នកដំណើរចេញ-ចូល(ទ្វេទិស)សរុបចំនួន ៦,២៤១,៨៤២ នាក់ កើនឡើងជាង ២២% បើធៀបទៅនឹងរយៈពេល១២ខែដូចគ្នាទៅនឹងឆ្នាំ២០២៣ និងទទួលបានជើងហោះហើរសរុបចំនួន ៥៨ ៣៥៤ ជើង កើនឡើងជាង១៤% បើធៀបទៅនឹងរយៈពេល១២ខែដូចគ្នា។
សូមជម្រាបដែរថា សម្រាប់តែអាកាសយានដ្ឋានអន្តរជាតិ តេជោ ក្រុងតាខ្មៅ នឹងជំនួសដំណើរប្រតិបត្តិការអាកាសយានដ្ឋានអន្តរជាតិ-ភ្នំពេញ នាព្រឹកថ្ងៃទី៩ ខែកញ្ញា ខណៈពិធីសម្ពោធផ្លូវការនឹងធ្វើឡើងនៅថ្ងៃទី២០ ខែតុលា ឆ្នាំ២០២៥ ក្រោមអធិបតីដ៏ខ្ពង់ខ្ពស់របស់សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។ នេះជាការជូនដំណឹងថ្មីចុងក្រោយមួយទៀត ដែលពីដំបូងឡើយបានកំណត់យកថ្ងៃទី១០ ខែកក្កដា ឆ្នាំ២០២៥ ដើម្បីបើកដំណើរការហោះហើរសាកល្បង។
ឯកឧត្តម ស៊ីន ចាន់សិរីវត្ថា រដ្ឋលេខាធិការដ្ឋានអាកាសចរណ៍ស៊ីវិល បានបញ្ជាក់ថា ការផ្លាស់ប្តូរកាលបរិច្ឆេទនេះ ធ្វើឡើងក្រោយក្រុមការងារជំនាញ ពិនិត្យឃើញមានចំណុចខ្លះនៅមិនទាន់បញ្ចប់រួចរាល់ទាំងស្រុង ទើបរដ្ឋាភិបាលសម្រេចផ្លាស់ប្តូរកាលបរិច្ឆេទថ្មីឡើងវិញ៕
Account
Security
Favourite Content