សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ រយៈពេល៤ខែនៃឆ្នាំ២០២៤នេះ កម្ពុជារកចំណូលពីការលក់បណ្ណចូលទស្សនារមណីយដ្ឋានអង្គរ និងប្រាសាទកោះកេរបានជាង១៩លានដុល្លារអាម៉េរិក កើនឡើង ៤១,៩៥% ធៀបនឹងរយៈពេល៤ខែ ឆ្នាំ២០២៣។ នេះបើយោងតាមស្ថិតិរបស់គ្រឹះស្ថានអង្គរ។
ប្រភពដដែលនេះបានឱ្យដឹងទៀតថា៖ ក្នុងរយៈពេល៤ខែនេះ មានភ្ញៀវទេសចរបរទេសចំនួន៤២១ ៣៧៩នាក់ បានចូលទស្សនារមណីយដ្ឋានអង្គរ ដែលកើនឡើង៤០,៩៣%ធៀបនឹងរយៈពេលដូចគ្នានាឆ្នាំ២០២៣។
គ្រឹះស្ថានអង្គរ បានឱ្យដឹងផងដែរថា៖ក្នុងខែមេសា ឆ្នាំ២០២៤ មានភ្ញៀវទេសចរបរទេស បានទិញបណ្ណទស្សនាចំនួន ៧៣ ៨៤៥នាក់ កើន១៧,៨៦% និងទទួលបានចំណូល៣ ៣៨៤ ២៤០ ដុល្លារ ដែលកើនឡើង១៦,៨៧% ធៀបនឹងខែមេសាឆ្នាំ២០២៣។
ចំណែកចំណូលពីការលក់បណ្ណនៅប្រាសាទកោះកេរវិញ ក្នុងរយៈពេល៤ខែឆ្នាំ២០២៤ មានចំនួន១៣៧ ៥០៥ដុល្លារ ពីអ្នកទេសចរ៩១៦៧នាក់។ ដោយឡែកក្នុងខែមេសាឆ្នាំ២០២៤ មានទេសចរ១០៩០នាក់ រកចំណូលបាន១៦៣៥០ដុល្លារ។
យោងតាមគ្រឹះស្ថានអង្គរ ចំណូលឧបត្ថម្ភមូលនិធិគន្ធបុប្ផាកម្ពុជា រយៈពេល ០៤ខែ ក្នុងឆ្នាំ២០២៤ មានចំនួនសរុប ៨៤២ ៧៥៨ ដុល្លារ ។
ចំណូលពីការលក់សំបុត្រទូក ខែមេសា ក្នុងឆ្នាំ២០២៤ មានចំនួន ៥៧ ៣៤៥ ដុល្លារ ។ រីឯចំណូលលក់សំបុត្រទូក រយៈពេល០៤ខែ ក្នុងឆ្នាំ២០២៤ មានចំនួន ៣៦១ ៥៥៦ដុល្លារ ៕
Account
Security
Favourite Content