សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ក្នុងអំឡុងពេលពេញមួយឆ្នាំ២០២៥កន្លងទៅនេះ កម្ពុជារកចំណូលបានជាង៤៤លានដុល្លារ(៤៤ ៧១១ ៦៧៥ ដុល្លារ) ពីការលក់សំបុត្រចូលទស្សនារមណីយដ្ឋានអង្គរទៅដល់ភ្ញៀវទេសចរអន្តរជាតិជាង៩៥ ម៉ឺននាក់(៩៥ ៥១៣១នាក់) បើធៀបនឹងរយៈពេលដូចគ្នានៅឆ្នាំ២០២៤ ចំណូលនេះបានធ្លាក់ចុះ ៦,៥១% ខណៈចំនួនទេសចរអន្តរជាតិបានថយចុះ៦,៧០% ។ នេះបើយោងតាមរបាយការណ៍របស់គ្រឹះស្ថានអង្គរចេញផ្សាយកាលពីថ្ងៃដើមខែមករា ឆ្នាំ២០២៦ ។
របាយការណ៍របស់គ្រឹះស្ថានអង្គរបានបង្ហាញផងដែរថា សម្រាប់ខែធ្នូ ឆ្នាំ២០២៥ ភ្ញៀវទេសចរអន្តរជាតិមានចំនួន ៨៧ ៩៣៦ នាក់ បានទិញសំបុត្រចូលទស្សនាអង្គរ ដែលគិតជាចំណូលបានប្រមាណ ៤,២ លានដុល្លារ ធ្លាក់ចុះ ២៨,៥១% ។
ទាក់ទងនឹងការថយចុះចំនួនទេសចរអន្តរជាតិនេះ លោកជំទាវ ឆាយ ស៊ីវលីន ប្រធានទីភ្នាក់ងារទេសចរណ៍កម្ពុជា បានលើកឡើងថា៖ ការវាយប្រហារឈ្លានពានរបស់យោធាថៃមកលើកម្ពុជាតាមរយៈប្រើយន្តហោះចម្បាំង កាំភ្លើងធំ និងអាវុធទំនើបៗ បានធ្វើឱ្យប៉ះពាល់ធ្ងន់ធ្ងរដល់វិស័យទេសចរណ៍កម្ពុជា និងធ្វើឱ្យភ្ញៀវភ័យខ្លាច ដោយខ្លះផ្អាកដំណើរ ហើយខ្លះទៀតលុបចោលគម្រោងទស្សនកិច្ច ព្រមទាំងផ្លាស់ប្តូរគោលដៅទេសចរណ៍។
លោក ធួន ស៊ីណាន ប្រធានសមាគមទេសចរណ៍អាស៊ីប៉ាស៊ីហ្វិកកម្ពុជា (PATA) បានមានប្រសាសន៍ថា៖ កត្តាសេដ្ឋកិច្ចសកល ជម្លោះភូមិសាស្ត្រនយោបាយ សង្រ្គាម ជំងឺឆ្លង និងគ្រោះធម្មជាតិ បានជះឥទ្ធិពលដល់កំណើនភ្ញៀវទេសចរ ជាពិសេសសង្រ្គាមឈ្លានពានរបស់ប្រទេសថៃមកលើកម្ពុជា។
ទោះយ៉ាងណាក៏ដោយ លោក ធួន ស៊ីណាន យល់ឃើញថា ៖ ចំនួនទេសចរអន្តរជាតិនេះ មិនតិចនោះទេ បើយើងក្រឡេកទៅមើលការវិវត្តរបស់ពិភពលោកទាំងមូល ដូចជា ភូមិសាស្ត្រនយោបាយ និងបញ្ហាកើតឡើងថ្មីៗជាច្រើន។ ការធ្លាក់ចុះចំនួនទេសចរនេះ មិនមែនធ្លាក់តែនៅកម្ពុជាទេ នៅស្រុកថៃ បានធ្លាក់ដល់ ៣០ភាគរយឯណោះ។ សង្រ្គាមថៃ-ខ្មែរនេះ វាប៉ះពាល់ខ្លាំងណាស់មិនមែនត្រឹមតែទេសចរនោះទេ សេដ្ឋកិច្ចក៏រងផលប៉ះពាល់ធ្ងន់ដែរ។
អ្នកជំនាញរូបនេះបានបញ្ជាក់ថា៖
«កម្សួលដែលវាយប្រហារពីខាងក្រៅមកលើកម្ពុជា គឺខ្លាំងណាស់ មិនមែនតែថៃវាយប្រហារមកលើកម្ពុជាប៉ុណ្ណោះទេ សូម្បីតែនៅចិន និងបណ្តាប្រទេសមួយចំនួនទៀត ក៏គេខ្លាចមិនហ៊ានមកខ្មែរដែរ។ ដូច្នេះ ការធ្លាក់ចុះចំនួនទេសចរប៉ុណ្ណេះ មិនធ្លាក់នោះទេ»។
Account
Security
Favourite Content