សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នៅក្នុងរយៈពេល៦ខែកន្លងទៅនេះ កម្ពុជាទទួលបានគម្រោងវិនិយោគថ្មីៗជាច្រើនបន្ថែមពីលើគម្រោងចាស់ដែលមានស្រាប់ពង្រីកដើមទុនបន្ថែមដើម្បីបង្កើនចង្វាក់ផលិតកម្មរបស់ខ្លួន។ នេះបើតាមការផ្សព្វផ្សាយរបស់ក្រុមប្រឹក្សាអភិវឌ្ឍន៍កម្ពុជាកាលពីពេលថ្មីៗនេះ។
ដូចគ្នាទៅនឹងការផ្សព្វផ្សាយរបស់ក្រុមអភិវឌ្ឍន៍កម្ពុជា (CDC) សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាកម្ពុជា ក្នុងឱកាសអញ្ជើញដឹកនាំកិច្ចប្រជុំពេញអង្គគណៈរដ្ឋមន្ត្រីកាលពីថ្ងៃចុងសប្ដាហ៍កន្លងទៅនេះ ក៏បានថ្លែងឱ្យដឹងដែរថា រយៈពេល៦ខែមកនេះ រាជរដ្ឋាភិបាល អាណត្តិទី៧ មានរោងចក្រសហគ្រាស ដែលបានបើកថ្មីចំនួន ៣ ៣១៣ និងបានបង្កើតឱកាសការងារថ្មីជូនប្រជាពលរដ្ឋចំនួន ៧៧ ២០៩នាក់ ដោយក្នុងនោះមានវិស័យកាត់ដេរចំនួន ១៦៤រោងចក្រ ។
សម្តេចធិបតី ហ៊ុន ម៉ាណែត បានគូសបញ្ជាក់ថា ៖
«បើយើងមើលពាក់ព័ន្ធទៅនឹងសហគ្រាស ទាំងចុះនៅក្នុង CDC ទាំងមិនបានចុះនៅ CDC ប្រភពពីក្រសួងការងារ ក្នុងរយៈពេល៦ខែនេះ (ថ្ងៃទី៣១-០៨-២០២៣ ដល់ថ្ងៃទី២៩-0២-២០២៤ រោងចក្រសហគ្រាសសរុប ដែលបានបើកថ្មី គឺមាន ៣ ៣១៣ ក្នុងនោះក្នុងវិស័យកាត់ដេរមាន ១៦៤រោងចក្រ បង្កើតការងារ ៥២ ៥៩៧កន្លែង និងសហគ្រាសក្រៅពីវិស័យកាត់ដេរ មាន ៣ ១៤៩ មានតូច មានធំ ដែលបង្កើតការងារជាង ២៤ ៦១២នាក់ ហើយសរុបទាំងអស់ គឺ ៧៧ ២០៩នាក់ »។
សម្តេចធិបតី ហ៊ុន ម៉ាណែត បានបញ្ជាក់ថា ៖
«ក្នុងនាមជាប្រមុខដឹកនាំ ក៏មិនបានបដិសេធជុំវិញការផ្សព្វផ្សាយតាមបណ្តាញសង្គមថា កម្ពុជាកំពុងបន្តមានការបិទរោងចក្រ តែក៏សុំក្រឡេកទៅមើលរោងចក្រកំពុងតែបើកដំណើរថ្មីផងដែរ។ មានមនុស្សមួយចំនួនតូចគាត់នៅតែមើលឃើញពីរោងចក្រដែលបានបិទទ្វារ ហើយនាំគ្នាស្រែកថា រោងចក្របន្តបិទទ្វារហូរហែ ធ្វើឱ្យកម្មករ កម្មការិនី អត់មានការងារធ្វើជាដើម។ តែក៏មានរោងចក្របើកដំណើរថ្មី ត្រូវការជ្រើសកម្មករធ្វើការរាប់ម៉ឺនកន្លែង នៅលើប្រទេសណាក៏ដូចគ្នាតែមានក្រុមហ៊ុនបើកថ្មី និងបិទទៅវិញដោយមិនអាចធានានិរន្តរភាពនៃដំណើរការអាជីវកម្មក្រុមហ៊ុននោះរហូតបានទេ»។
សម្តេចធិបតី ហ៊ុន ម៉ាណែត បានគូសបញ្ជាក់ថា បច្ចុប្បន្ននេះ រាជរដ្ឋាភិបាល កំពុងខិតខំប្រឹងប្រែងដើរទាក់ទាញវិនិយោគកិន ក្រុមហ៊ុននៅក្រៅប្រទេសជាច្រើន ក្នុងគោលបំណងដើម្បីជំរុញកំណើនសេដ្ឋកិច្ចជាតិ និងបង្កើតឱកាសការងារជូនប្រជាពលរដ្ឋ។
Account
Security
Favourite Content