តោះ ! មកស្គាល់ក្រុមហ៊ុនដែលជាប់ជាអាជីវកម្មបរិយាបន្ន (Inclusive Business) ទាំង១៨ នៅកម្ពុជា

ភ្នំពេញ ៖ នៅក្នុងដំណាក់កាលទី១ ក្រោមការត្រួតពិនិត្យ និងវាយតម្លៃពីសំណាក់គណៈកម្មការយ៉ាងលម្អិត ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានចាត់ក្រុមហ៊ុន សហគ្រាស ចំនួន១៨ ជាប់ជាប្រភេទអាជីវកម្មបរិយាបន្ន។

ក្រុមហ៊ុន និងសហគ្រាសទាំង១៨ ដែលត្រូវបានចាត់ចូលជាអាជីវកម្មបរិយាបន្នក្រោមកិច្ចគាំទ្រពីសំណាក់ក្រសួង ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ រួមមាន ៖ ក្រុមហ៊ុន ម៉ាយឌ្រីម ហូម, ក្រុមហ៊ុនប្រេវ័រ (កម្ពុជា) ម៉ាយក្រូឡាហ្វ៍ អ៊ិនសួរេន ភីអិលស៊ី, ក្រុមហ៊ុន អេស៊ីអ៊ី អេនើជី សឹលូសិន (ខេមបូឌា)ឯ.ក, ក្រុមហ៊ុន អុករ៉ា សូឡា ឯ.ក, ក្រុមហ៊ុន អេមរុរ៉ាយ ខេមបូឌា ឯ.ក , ក្រុមហ៊ុន លីលី ហ៊្វូដ អ៊ិនដាសទ្រី ឯ.ក, ក្រុមហ៊ុន ខ្មែរហ្គ្រីន ឆាលខូល ឯ.ក ,​ ក្រុមហ៊ុន ខ្មែរ វ៉ធើរ សឹបផ្លាយ ហូលឌីង ឯ.ក , ក្រុមហ៊ុន ហ្វតតេ អ៊ិនសួរិនស៍ (ខេមបូឌា) ភីអិលស៊ី, ក្រុមហ៊ុន ហ្វា ភើហ្វមមីង សូសល អេនធើប្រាយ, ក្រុមហ៊ុន ហ្វេតរ៉ាយស៍ បាត់ដំបង អិលធីឌី , ក្រុមហ៊ុន វើលដ៍ប្រ៊ីដ ហូម ឯ.ក , ក្រុមហ៊ុនបញ្ជី ហ្វាញថេត ឯ.ក, ក្រុមហ៊ុន ស៊ីកនេតឈ័រ អហ្វ អេស៊ា ឯ.ក , សាខាក្រុមហ៊ុន សាន់ អ៊ីអ៊ីអ៊ី ភីធីអ៊ី អិលធីឌី, ក្រុមហ៊ុន សិប្បករអង្គរ ឯ.ក, ក្រុមហ៊ុន អេហ្គ្រីបាឌី ឯ.ក, និងក្រុមហ៊ុន ឡៃធីង អេនជីនារី ។

លោក អិន រដ្ឋា អនុប្រធានការិយាល័យ សហប្រតិបត្តិការ នៃនាយកដ្ឋានផែនការ ស្ថិតិ សហប្រតិបត្តិការ និងការងារអាស៊ាន ចំណុះអគ្គនាយកដ្ឋានកិច្ចការទូទៅ នៃក្រសួង ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានឱ្យដឹងថា នៅពេលបច្ចុប្បន្ននេះ ដោយសារមានការផ្លាស់ប្ដូរ និងកែប្រែនូវលក្ខខណ្ឌមួយចំនួន ក្រសួងបាន និងកំពុងរៀបចំសមាសភាពក្រុមការងារតម្រង់ទិសអាជីវកម្មបរិយាបន្ន ក៏ដូចជាគណៈកម្មការវាយតម្លៃ និងទទួលស្គាល់អាជីវកម្មបរិយាបន្ន ព្រមទាំងរៀបចំលេខាធិការដ្ឋានថ្មី ដើម្បីឈានដល់ការប្រកាសជាសាធារណៈក្នុងការជ្រើសរើសអាជីវកម្មបរិយាបន្នក្នុងដំណាក់កាលទី២។

លោកបានបន្តថា ក្រសួងឧស្សាហកម្ម បាន និងកំពុងសហការជាមួយដៃគូផ្សេងទៀត ដើម្បីបង្កើតការបណ្ដុះបណ្ដាលជំនាញចាំបាច់ដល់ម្ចាស់អាជីវកម្ម ហើយក្រសួងក៏បានធ្វើការជាមួយក្របខណ្ឌអាស៊ានក្នុងការរៀបចំកម្មវិធីប្រកួតប្រជែង និងកិច្ចប្រជុំធុរកិច្ចធំៗផងដែរ។

លោក អិន រដ្ឋា បានបញ្ជាក់បន្ថែមទៀតថា៖ «តាមរយៈកម្មវិធីដែលយើងរៀបចំ ម្ចាស់អាជីវកម្មគាត់អាចយកអាជីវកម្មរបស់គាត់ទៅប្រកួតប្រជែង ហើយប្រសិនបើគាត់ឈ្នះ គាត់នឹងទទួលបានការ គាំទ្រទាំងផ្នែកបច្ចេកទេស និងហិរញ្ញវត្ថុបន្ថែមទៀត»។

គួររំលឹកដែរថា អាជីវកម្មបរិយាប័ន្ន គឺជាអាជីវកម្មឈរលើគោលការណ៍ធុរកិច្ចដែលបង្កើតដំណោះស្រាយជា​ប្រព័ន្ធ មានភាពច្នៃប្រឌិត និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈមពាក់ព័ន្ធរបស់​ប្រជាជនក្រីក្រ និងប្រជាជនមានចំណូលទាប (BoP និង B40)។ បន្ទាត់អាជីវកម្មបរិយាប័ន្ន ត្រូវបានបង្កើតឡើងក្នុងគោលបំណងផ្តល់ប្រាក់ចំណូលខ្ពស់​គួរសម និងបង្កើន​នូវស្តង់ដារ​ជីវភាពរស់នៅប្រសើរជាងមុនដល់ក្រុមមនុស្សដែលមានចំណូលទាបនៅបាតពីរ៉ាមីត ៤០% និងក្រុមមនុស្សដែលងាយរងគ្រោះ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សម្តេចធិបតី ៖ ការគ្រប់គ្រងធនធានទឹកបានកាន់តែល្អ អាចជួយដល់ការអភិវឌ្ឍសង្គម និងសេដ្ឋកិច្ច

ព្រឹត្តិការណ៍, សេដ្ឋកិច្ច

• 11/04/2024

ទឹកគឺជាធនធានដ៏មានសារៈសំខាន់សម្រាប់ការអភិវឌ្ឍសង្គម និងសេដ្ឋកិច្ច ហើយការប្រើប្រាស់ធន​ធានទឹកប្រកបដោយប្រសិទ្ធភាព និងស័ក្ដិសិទ្ធិភាព គឺពិតជារបៀបវារៈសំខាន់ខ្លាំងបំផុត។

ស្លឹកទ្រាំង មានប្រយោជន៍ច្រើន និងធ្វើកាបូបបានស្អាតប្លែក និងប្រើបានយូរ

ជំនួញ, ព្រឹត្តិការណ៍

• 11/04/2024

ទ្រាំង ជាដំណាំមួយប្រភេទដែលមានអត្ថប្រយោជន៍ច្រើន សូម្បីស្លឹកក៏អាចយកទៅវិញកែច្នៃជាសម្ភារប្រើប្រាស់ ជាពិសេសធ្វើជាការបូបដ៏មានសោភ័ណភាពស្រស់ស្អាត។

វិស័យកម្មន្តសាល និងការងើបឡើងវិញ ជួយជំរុញកំណើនសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 11/04/2024

ADB ព្យាករថាសេដ្ឋកិច្ចកម្ពុជានឹងកើនឡើងក្នុងអត្រា ៥,៨% ក្នុងឆ្នាំ២០២៤និង៦,០%ក្នុងឆ្នាំ២០២៥ ដោយសារកំណើនក្នុងវិស័យកម្មន្តសាល និង វិស័យទេសចរណ៍ ។

ភាពរីកចម្រើននៃប្រព័ន្ធធនាគារនៅកម្ពុជាបង្ហាញយ៉ាងច្បាស់នូវជំនឿទុកចិត្តរបស់សាធារណជន និងវិនិយោគិនមកលើវិស័យនេះ

ព្រឹត្តិការណ៍, ហិរញ្ញវត្ថុ

• 11/04/2024

ក្នុងរយៈពេល ៣០ឆ្នាំនេះ ប្រព័ន្ធធនាគារនៅកម្ពុជារក្សាបានភាពរីកចម្រើឥតឈប់ឈរ ដោយបន្តរក្សាបាននូវភាពធន់ និងបោះជំហានទៅមុខជាលំដាប់ ក្នុងការរួមចំណែកជំរុញសកម្មភាពសេដ្ឋកិច្ច

តម្លៃប្រេងឡើងថ្លៃ ១​ ដុល្លារបន្ថែមក្នុងមួយបារ៉ែល បន្ទាប់ពីមានការវាយប្រហារនៅតំបន់ហ្គហ្សា

ព្រឹត្តិការណ៍, សេដ្ឋកិច្ច

• 11/04/2024

តម្លៃប្រេងឆៅម៉ាក Brent ឡើងថ្លៃ ១,២ ភាគរយ ឬ ៩០,៤៨ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ១,២ ភាគរយ ឬ ៨៦,២១ ដុល្លារក្នុងមួយបារ៉ែល

កម្ពុជា និងតំបន់ឈូងសមុទ្រពិសេស ចុះអនុស្សរណៈនៃការយោគយល់គ្នាជំរុញកិច្ចសហប្រតិបត្តិការសេដ្ឋកិច្ច

ព្រឹត្តិការណ៍, សេដ្ឋកិច្ច

• 11/04/2024

ក្រសួងឧស្សាហកម្ម វិទ្យាសាស្ត្រ បច្ចេកវិទ្យានិងនវានុវត្តន៍និងតំបន់ឈូងសមុទ្រពិសេសចុះអនុស្សរណៈយោគយល់គ្នាជំរុញកិច្ចសហប្រតិបត្តិការសេដ្ឋកិច្ច

តួកគីកំពុងមានជម្លោះពាណិជ្ជកម្មជាមួយនឹងអ៊ីស្រាអែល ទាក់ទងទៅនឹងសង្រ្គាមនៅតំបន់ហ្គាហ្សា

ព្រឹត្តិការណ៍, សេដ្ឋកិច្ច

• 11/04/2024

ទីក្រុងអង់ការ៉ាបានដាក់ការរឹតបន្តឹងលើពាណិជ្ជកម្មសម្រាប់ការនាំចេញផលិតផល ៥៤​ ប្រភេទទៅកាន់អ៊ីស្រាអែល ​បន្ទាប់​ពី​រដ្ឋាភិបាល​អ៊ីស្រាអែល​បដិសេធ​មិន​អនុញ្ញាត​ឲ្យ​ជំនួយ​តួកគី​ទម្លាក់​ចូល​ក្នុង​តំបន់​ហ្គាហ្សា

សម្ដេច​ធិបតី ៖ គម្រោង​ព្រែកជីកហ្វូណន​តេជោ​ ជីកថ្មីតែ​៧គីឡូម៉ែត្រ​ប៉ុណ្ណោះ

ព្រឹត្តិការណ៍, អចលនទ្រព្យ

• 11/04/2024

គម្រោងព្រែកជីកហ្វូណនតេជោ​​ គ្រោង​នឹង​បើក​ការដ្ឋាន​នៅ​ពាក់​កណ្ដាល​ឆ្នាំ ២០២៤​នេះ ហើយគម្រោងនេះ មានប្រវែង​ប្រមាណ១៨០គ.ម ប៉ុន្តែជីក​ថ្មីតែ៧គ.មប៉ុណ្ណោះ

សម្តេចធិបតី ៖ តម្លៃទីផ្សារកសិផលប្រែប្រួលមិនទៀងទាត់ ខណៈរាជរដ្ឋាភិបាលប្រឹងប្រែងរក្សាលំនឹងទីផ្សារ​

ព្រឹត្តិការណ៍, សេដ្ឋកិច្ច

• 11/04/2024

សម្តេចធិបតីបានគូសបញ្ជាក់ថា វិស័យកសិកម្មនៅតែដើរតួនាទីយ៉ាងសំខាន់ក្នុងសេដ្ឋកិច្ចកម្ពុជា ហេតុនេះហើយរាជរដ្ឋាភិបាលនៅតែបន្តយកចិត្តទុកដាក់ជំរុញ និងលើកកម្ពស់

ចង្ក្រានបរិស្ថាន ៖ ជួយពលរដ្ឋជាច្រើនគ្រួសារឱ្យសន្សំសំចៃថវិកាបានច្រើនជាងមុន

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 11/04/2024

តាមរយៈចង្ក្រាននេះ គេអាចប្រើអុសតិចជាងមុន អាចតម្លើង ឬបន្ថយកម្ដៅបាន និងអាចកាត់បន្ថយផ្សែងរហូតទៅដល់ ៩៥% ដែលជាការគិតគូដល់សុខមាលភាពអ្នកប្រើប្រាស់