ទទួលផលពីអាជីវកម្មបរិយាបន្ន សហគមន៍កសិកម្មមួយអាចផ្គត់ផ្គង់បន្លែបានជាង១តោន ក្នុងមួយខែ

អាជីវកម្មបរិយាបន្ន គឺជាប្រភេទអាជីវកម្មគំរូថ្មីមួយដែលអាចផ្ដល់អត្ថប្រយោជន៍ជាច្រើនដល់អ្នកពាក់ព័ន្ធ និងអាចជំរុញសេដ្ឋកិច្ចទាំងក្នុងសហគមន៍ និងប្រទេសជាតិមួយ។

ជាមួយនឹងគោលដៅប្រែក្លាយខ្លួនទៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និងមានចំណូលកម្រិតខ្ពស់នៅឆ្នាំ២០៥០ រាជរដ្ឋាភិបាលកម្ពុជាបានជំរុញនូវការអនុវត្តគំរូអាជីវកម្មថ្មីមួយនេះ​ សំដៅជាពិសេសដល់ប្រភេទអាជីវកម្មធុនតូច និងមធ្យម (SMEs)។ ដោយទើបនឹងចាប់អនុវត្តអាជីវកម្មដែលជាប់ជាប្រភេទអាជីវកម្មបរិយាបន្ននៅកម្ពុជា​​ គឺនៅមាន​កម្រិតតិចតួចនៅឡើយ។ មួយក្នុងចំណោមអាជីវកម្មបរិយាបន្នទាំង១៨ គឺក្រុមហ៊ុន CSDS ជាក្រុមហ៊ុនផ្គត់ផ្គង់កសិផលមួយដែលធ្វើការយ៉ាងជិតស្និទ្ធជាមួយកសិករ។

រហូតមកដល់បច្ចុប្បន្ន ក្រុមហ៊ុនមួយនេះមានកុងត្រាទិញកសិផលពីក្រុមកសិករ និងពីសហគមន៍កសិកម្ម ដើម្បីផ្គត់ផ្គង់ទៅកាន់ទីផ្សារដូចជា ភោជនីយដ្ឋាន និងសណ្ឋាគារជាដើម។ តាមរយៈកុងត្រាទាំងនោះ ក្រុមហ៊ុនខាងលើបានរួមចំណែកជួយកសិករដែលធ្លាប់តែប្រឈមមុខជាមួយនឹងទីផ្សារមិនច្បាស់លាស់ទៅជាមានទីផ្សារជាក់លាក់។

លោក ចក់ ធឿន ប្រធានសហគមន៍កសិកម្មបឹងលាចសំបូរផល ដែលជាសហគមន៍ផ្គត់ផ្គង់កសិផលដល់ក្រុមហ៊ុន CSDS បានឱ្យដឹងថា សហគមន៍របស់លោកបានបង្កើតឡើងនៅក្នុងឆ្នាំ២០១២ ជាមួយនឹងសមាជិកប្រមាណជាង ១០០គ្រួសារ។

បើតាមប្រធានសហគមន៍រូបនេះបានឱ្យដឹងថា កាលណោះសហគមន៍របស់លោកមានទីផ្សារ​សម្រាប់លក់ចេញនូវកសិផលដែរ គ្រាន់តែថាតម្លៃលក់មិនសូវបានថ្លៃ ហើយជារឿយៗតែងជួបបញ្ហាលើភាពយឺតយ៉ាវក្នុងការទូទាត់ប្រាក់។

ក្នុងការចុះកុងត្រាផ្គត់ផ្គង់កសិផលជូនក្រុមហ៊ុន CSDS លោកបានឱ្យដឹងដែរថា៖

«ជារួមគឺមានភាពល្អប្រសើរច្រើន ដោយសារតែក្រុមហ៊ុនទូទាត់ឱ្យយើងទាន់ពេលវេលា ហើយយើងមិនពិបាកដាំដំណាំចម្រុះច្រើនមុខទៀត។»

សម្រាប់សហគមន៍ដែលស្ថិតនៅខេត្តកំពង់ឆ្នាំងមួយនេះ បច្ចុប្បន្នផ្គត់ផ្គង់ត្រឹមតែបន្លែសាឡាត់មួយមុខប៉ុណ្ណោះ ដែលធ្វើឱ្យប្រជាសហគមន៍មានពេលវេលាច្រើនក្នុងការផ្ដោតលើដំណាំតែមួយមុខ ដែលមានគុណភាព និងជាបន្លែសុវត្ថិភាព។

លោក ចក់ ធឿន បានឱ្យដឹងដែរថា សហគមន៍របស់លោកផ្គត់ផ្គង់សាឡាត់ពេញមួយឆ្នាំតែម្ដងទៅឱ្យក្រុមហ៊ុនខាងលើ ដោយមួយគីឡូគឺមានតម្លៃ១ដុល្លារ ហើយជាមធ្យមសហគមន៍របស់លោកអាចផ្គត់ផ្គង់បានជាង១តោនក្នុងមួយខែ។

តាមរយៈការចុះកុងត្រាជាមួយក្រុមហ៊ុនបែបនេះ រូបលោកផ្ទាល់ ក៏ដូចជាសមាជិកផ្សេងទៀត បានទទួលផលប្រយោជន៍ច្រើន ជាពិសេសគឺមិនព្រួយបារម្ភអំពីកង្វះទីផ្សារពេលដាំដុះដំណាំរួច។ ម្យ៉ាងទៀត ការដាំដុះក៏មានភាពងាយស្រួលច្រើន ដោយប្រជាសហគមន៍រួមគ្នាដាំដុះដំណាំតែមួយមុខ អាចផ្គត់ផ្គង់គ្រប់គ្រាន់តាមតម្រូវការ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

រដ្ឋមន្ត្រីឧស្សាហកម្មណែនាំសហគ្រិនស្ត្រីរៀបចំអាជីវកម្មចូលក្នុងប្រព័ន្ធ ដើម្បីបង្កើនលទ្ធភាពទទួលបានទុន

ព្រឹត្តិការណ៍, សេដ្ឋកិច្ច

• 23/05/2024

រដ្ឋមន្ត្រីឧស្សាហកម្មបានណែនាំសហគ្រិនស្ត្រី រៀបចំអាជីវកម្មចូលក្នុងប្រព័ន្ធ ដើម្បីបង្កើនលទ្ធភាពទទួលបានទុន ហិរញ្ញវត្ថុ និងឱកាសអភិវឌ្ឍន៍ជំនាញ

Uglyfood គំនិតអាជីវកម្មថ្មីដើម្បីដោះស្រាយបញ្ហាកាកសំណល់អាហារ និងជំរុញនិរន្តរភាពប្រព័ន្ធផ្គត់ផ្គង់ម្ហូបអាហារ

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 23/05/2024

Uglyfood មិនត្រឹមតែព្យាយាមរកទីផ្សារដើម្បីលក់ផលិតផលបន្លែ ផ្លែឈើ ដែលខ្វះស្តង់ដារប៉ុណ្ណោះទេ ថែមទាំងបានប្រើប្រាស់បច្ចេកវិទ្យាដើម្បីធ្វើការច្នៃប្រតិដ្ឋទៀតផង

កម្ពុជា​កំពុង​ធ្វើការ​ផ្លាស់ប្តូរ​លើ​ក្របខ័ណ្ឌ​នៃ​ភាព​ធន់​នឹងការប្រែប្រួល​អាកាសធាតុ ​នៅ​ក្នុង​ឧស្សាហកម្ម​ស្រូវ​ អង្ករ​

ព្រឹត្តិការណ៍, សេដ្ឋកិច្ច

• 21/05/2024

តំណាងកម្ពុជាថ្លែងក្នុងកិច្ចពិភាក្សាអំពីការអភិវឌ្ឍវិស័យស្រូវអង្ករក្នុងកិច្ចប្រជុំ ADFIAP ​ថា កម្ពុជាកំពុងធ្វើការលើការផ្លាស់ប្តូរក្របខ័ណ្ឌនៃភាពធន់ទៅនឹងអាកាសធាតុក្នុងវិស័យស្រូវ

ជប៉ុន និងអាស៊ាន ត្រៀមចាប់ដៃគ្នាធ្វើការងារលើឧស្សាហកម្មផលិត និងលក់រថយន្តអគ្គិសនី

ព្រឹត្តិការណ៍

• 21/05/2024

សមាគមប្រជាជាតិអាស៊ីអាគ្នេយ៍អាស៊ាន(ASEAN) និងមហាយក្សឧស្សាហកម្មជប៉ុន អាចនឹងសហការគ្នាក្នុងវិស័យផលិត និងលក់រថយន្តអគ្គិសនីដើម្បីចូលរួមចំណែកជាយុទ្ធសាស្ត្រក្នុងការទប់ទល់ទៅនឹងការហូរចូល និងហក់ឡើងខ្លាំងពេកនៃតម្លៃរថយន្តអគ្គិសនីដែលផលិតនៅប្រទេសចិន។

Mountain Hazelnuts អនុវត្តអាជីវកម្មបរិយាបន្ន ដើម្បីបង្កើនកម្លាំងពលកម្មផ្នែកកសិកម្មនៅជនបទ

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 21/05/2024

បេសកកម្មរបស់ Mountain Hazelnuts គឺបង្កើតអាជីវកម្មដែលរកប្រាក់ចំណេញ និងផ្តល់ប្រាក់ចំណូលរយៈពេលវែងដល់សហគមន៍ជនបទដែលងាយរងគ្រោះ ព្រមទាំងជួយស្តារដីដែលខូចគុណភាពរបស់ប្រទេសជាតិផងដែរ

វិស័យ​សំណង់ និងអចលនទ្រព្យ រំពឹង​ថា​នឹង​បន្តមានកំណើនទាបក្នុងឆ្នាំ២០២៤​នេះ​

ព្រឹត្តិការណ៍, អចលនទ្រព្យ

• 21/05/2024

ទោះបីជា​ស្ថានភាព វិបត្តិកូវីដ​១​៩​បាន​បញ្ចប់ស្ទើរតែទាំងស្រុងទៅហើយក្ដី តែ​វិស័យ​សំណង់ និងអចលនទ្រព្យ​នៅតែបន្ត​មានកំណើតទាបដដែល​ក្នុងឆ្នាំនេះ

តម្លៃមាសបន្តឡើងថ្លៃជិតដល់ ២ ៥០០ ដុល្លារក្នុងមួយអោន

ព្រឹត្តិការណ៍, សេដ្ឋកិច្ច

• 21/05/2024

តម្លៃមាសបានឡើងថ្លៃដល់ ២ ៤៥០ ដុល្លារមួយអោន បន្ទាប់ពីព័ត៌មានរាយការណ៍ថា ប្រធានាធិបតីថ្មីរបស់អឺរ៉ុង់ Ebrahim Raisi បានស្លាប់នៅក្នុងហេតុការណ៍ធ្លាក់ឧទ្ធម្ភាគចក្រកាលពីថ្ងៃអាទិត្យ

កសិករកាន់តែទទួលបានជំនួយផ្នែកកសិកម្ម ក្រោមគម្រោងលើកកម្ពស់សន្តិសុខស្បៀង អាហារូបត្ថម្ភ និងជីវភាពដល់គ្រួសារក្រីក្រ

ជំនួញ, ព្រឹត្តិការណ៍

• 21/05/2024

កសិករក្នុងសហគមន៍នៅកំពតកំពុងទទួលបានផលប្រយោជន៍ទាំងផ្នែកអាហារូបត្ថម្ភ និងជីវភាព ក្រោមគម្រោងលើកកម្ពស់សន្តិសុខស្បៀង អាហារូបត្ថម្ភ និងជីវភាព

​ស្ថានភាពបញ្ញើ​ជាប្រាក់​រៀលក្នុងប្រព័ន្ធធនាគារ​កំពុងមានភាព​ប្រសើរ​ឡើង

ព្រឹត្តិការណ៍, ហិរញ្ញវត្ថុ

• 21/05/2024

ប្រាក់បញ្ញើជាប្រាក់រៀលក្នុងប្រព័ន្ធធនាគារនៅកម្ពុជាមានភាពប្រសើរឡើងក្នុងឆ្នាំ ២០២៣ បើទោះបីជាប្រាក់បញ្ញើក្នុងវិស័យធនាគារភាគច្រើននៅតែជាប្រាក់ដុល្លារអាមេរិកក៏ដោយ

ពាណិជ្ជករកម្ពុជា ទៅស្វែងយល់ពីការបង្កើតតំបន់សេដ្ឋកិច្ចគាំទ្រដល់អាជីវកម្មដែលទើបបង្កើតថ្មី

ព្រឹត្តិការណ៍, សេដ្ឋកិច្ច

• 21/05/2024

ក្នុងអំឡុងពេលដំណើរទស្សនកិច្ចជាផ្លូវការនៅកូរ៉េរបស់សម្តេចធិបតី ហ៊ុន ម៉ាណែត នាយករដ្ឋមន្ត្រី ប្រតិភូសភាពាណិជ្ជកម្ម ទស្សនកិច្ចតំបន់សេដ្ឋកិច្ចកូរ៉េ