សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ ឥណ្ឌា បានចុះហត្ថលេខាលើកិច្ចព្រមព្រៀងតម្លៃ ៣ ពាន់លានដុល្លារ ដើម្បីទិញឧស្ម័នធម្មជាតិរាវ (LNG) ពីអារ៉ាប់រួម ខណៈដែលមេដឹកនាំទាំងពីរបានប្តេជ្ញាពង្រឹងទំនាក់ទំនងពាណិជ្ជកម្ម និងការពារជាតិជាមួយគ្នាទៅវិញទៅមក នេះបើយោងតាមសេចក្ដីរាយការណ៍ពី CNBC ។
នៅក្នុងកិច្ចព្រមព្រៀងដែលត្រូវបានចុះហត្ថលេខានាអំឡុងពេលដំណើរទស្សនកិច្ចរបស់ប្រធានាធិបតីអារ៉ាប់រួម Sheikh Mohammed bin Zayed Al Nahyan អមដំណើរដោយគណៈប្រតិភូរួមមាន រដ្ឋមន្ត្រីការពារជាតិ និងរដ្ឋមន្ត្រីការបរទេសទៅកាន់ប្រទេសឥណ្ឌា ដើម្បីពិភាក្សាជាមួយនាយករដ្ឋមន្ត្រី លោក Narendra Modi ។ តាមរយៈនៃការចុះហត្ថលេខាលើកិច្ចព្រមព្រៀងនេះ ឥណ្ឌាកំពុងក្លាយជាអតិថិជនដ៏ធំបំផុតរបស់អារ៉ាប់រួម អាចមានចំណែកដល់ទៅ ២០% នៃការលក់សរុបនៅត្រឹមឆ្នាំ២០២៩។ មេដឹកនាំទាំងពីរក៏បានសន្យាដែរថា នឹងពង្រីកពាណិជ្ជកម្មទ្វេភាគីឲ្យឈានដល់ ២០០ ពាន់លានដុល្លារត្រឹមឆ្នាំ ២០៣២ ជាមួយនឹងការបង្កើតភាពជាដៃគូលើវិស័យការពារជាតិ។ លើសពីនេះ ក្រុមហ៊ុនរដ្ឋ Abu Dhabi ADNOC Gas នឹងផ្គត់ផ្គង់ឧស្ម័នធម្មជាតិរាវ (LNG) កន្លះលានតោនជារៀងរាល់ឆ្នាំ ដែលចាប់ផ្តើមពីឆ្នាំ ២០២៨ ដល់ក្រុមហ៊ុនឥណ្ឌា Hindustan Petroleum Corp សម្រាប់រយៈពេល ១០ឆ្នាំ។
លោកនាយករដ្ឋមន្ត្រីឥណ្ឌា Modi បានបង្ហោះនៅលើបណ្តាញ X ថា ភាគីទាំងពីរបានពិភាក្សាអំពីបញ្ហាជាច្រើនក្នុងគោលបំណងពង្រឹងទំនាក់ទំនងរវាងឥណ្ឌា-អារ៉ាប់រួមបន្ថែមទៀត។ វាគឺជាដំណើរទស្សនកិច្ចប្រកបដោយផលិតភាព និងមានលទ្ធផលល្អ ខណៈដែលទំនាក់ទំនងឥណ្ឌា និងអារ៉ាប់រួមបានវិវត្តដល់ចំណុចខ្ពស់មួយ។ ទន្ទឹមនឹងនេះ អារ៉រាប់រួម បានក្លាយជាដៃគូពាណិជ្ជកម្មធំជាងគេទី ៣ របស់ឥណ្ឌា ដោយទំហំពាណិជ្ជកម្មទ្វេរភាគីបានឈានដល់ ១០០ ពាន់លានដុល្លារក្នុងឆ្នាំ២០២៥។
សេដ្ឋវិទូបានមើលឃើញថា ផែនការរបស់ឥណ្ឌាក្នុងការពង្រីកពាណិជ្ជកម្មជាមួយអារ៉ាប់រួម បានកើតឡើងបន្ទាប់ពីការនាំចេញរបស់ឥណ្ឌាទៅកាន់អាម៉េរិករងផលប៉ះពាល់ក្រោមការដំឡើងពន្ធរហូតដល់ ៥០% ចាប់តាំងពីខែសីហាឆ្នាំមុន។ មិនត្រឹមតែប៉ុណ្ណោះ ការចរចាពាណិជ្ជកម្មឥណ្ឌាជាមួយអាម៉េរិក តែងតែជាប់គាំង និងអូសបន្លាយ បង្កើតជាភាពមិនច្បាស់លាស់ ដែលជំរុញឲ្យឥណ្ឌាចរចាកិច្ចព្រមព្រៀងពាណិជ្ជកម្មជាមួយប្រទេសដទៃទៀត។ ជាលទ្ធផល កាលពីឆ្នាំ២០២៥ ឥណ្ឌាបានចូលសន្ធិសញ្ញាពាណិជ្ជកម្មជាមួយចក្រភពអង់គ្លេស និងអូម៉ង់ រួចរាល់ ដោយឡែក នៅក្នុងឆ្នាំ២០២៦ខាងមុខនេះ ឥណ្ឌា អាចមានគម្រោងចុះហត្ថលេខាលើកិច្ចព្រមព្រៀងជាមួយ នូវែលសេឡង់បន្ថែមទៀតផង៕
Account
Security
Favourite Content