សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពព័ត៌មានពីរ៉យទ័របានរាយការណ៍ថា ក្រុមហ៊ុនចម្រាញ់ប្រេងឥណ្ឌាកំពុងប្រើប្រាស់រូបិយប័ណ្ណអារ៉ាប៊ីសាអូឌីតឌៀរហាំ (dirham) ជំនួសឱ្យប្រាក់ដុល្លារអាមេរិក ដើម្បីចំណាយលើប្រេងរុស្ស៊ីដែលពួកគេទិញតាមរយៈពាណិជ្ជករដែលមានមូលដ្ឋាននៅអារ៉ាប់រួម។
ប្រទេសឥណ្ឌាមិនគាំទ្រលើវិធានការប្រឆាំងរុស្ស៊ីដើម្បីកាត់បន្ថយប្រាក់ចំណូលថាមពលរបស់ទីក្រុងម៉ូស្គូដែលអនុម័តដោយ G7 ក្នុងការឆ្លើយតបនឹងជម្លោះនៅអ៊ុយក្រែននោះទេ។ ការកំណត់តម្លៃ ៦០ ដុល្លារក្នុងមួយបារ៉ែលលើការនាំចេញប្រេងសមុទ្ររបស់រុស្ស៊ី ដែលត្រូវបានណែនាំដោយប្រទេស G7 សហភាពអឺរ៉ុប និងអូស្ត្រាលីកាលពីខែធ្នូកន្លងទៅ ដែលហាមឃាត់ក្រុមហ៊ុនលោកខាងលិចមិនឱ្យផ្តល់ការធានារ៉ាប់រង និងសេវាកម្មផ្សេងទៀតដល់អ្នកដឹកជញ្ជូនប្រេងរុស្ស៊ី លុះត្រាតែទំនិញត្រូវបានទិញនៅត្រឹម ឬក្រោមតម្លៃដែលបានកំណត់។
វិធានការស្រដៀងគ្នានេះ ត្រូវកំណត់ជាធរមានម្តងទៀតនៅថ្ងៃទី ៥ ខែកុម្ភៈកន្លងទៅនេះ ដែលកំណត់តម្លៃផលិតផលប្រេងចម្រាញ់ដែលនាំចូលពីប្រទេសរុស្ស៊ីនៅ ១០០ ដុល្លារក្នុងមួយបារ៉ែលសម្រាប់ប្រេងម៉ាស៊ូត និង ៤៥ ដុល្លារក្នុងមួយធុងសម្រាប់ប្រេងឥន្ធនៈ។
ទោះបីជាទីក្រុងញូវដែលីបានសម្រេចចិត្តមិនចូលរួមក្នុងការរឹតបន្តឹងក៏ដោយ ប៉ុន្តែធនាគារ និងស្ថាប័នហិរញ្ញវត្ថុឥណ្ឌានៅតែប្រុងប្រយ័ត្នចំពោះការទូទាត់ប្រាក់របស់ខ្លួន ដើម្បីចៀសវាងពីវិធានការណ៍ផ្សេងទៀតដែលបានដាក់ចេញប្រឆាំងនឹងប្រទេសរុស្ស៊ី។
ផែនការក្នុងការបង់ប្រាក់ឱ្យឈ្មួញសម្រាប់ប្រេងឆៅរបស់រុស្ស៊ីជារូបិប័ណ្ណឌៀរហាំពីមុន តាមរយៈធនាគារឌូបៃត្រូវបានបរាជ័យ ដោយបង្ខំឱ្យក្រុមហ៊ុនចម្រាញ់ប្រេងឥណ្ឌាទាំងនោះប្តូរទៅរូបិយប័ណ្ណអាមេរិកវិញ។ ឥឡូវនេះ ធនាគារកណ្តាលរបស់ឥណ្ឌាដែលជាធនាគារកំពូលរបស់ប្រទេស កំពុងប្តូរមកធ្វើការទូទាត់ប្រាក់ជារូបិយប័ណ្ណឌៀរហាំ។ ក្រុមហ៊ុនចម្រាញ់ប្រេងឥណ្ឌាភាគច្រើន គឺជាអ្នកទិញប្រេងឆៅរុស្ស៊ីពីពាណិជ្ជករដែលមានមូលដ្ឋាននៅទីក្រុងឌូបៃ រួមទាំងក្រុមហ៊ុន Everest Energy និង Litasco ដែលជាអង្គភាពនៃក្រុមហ៊ុនប្រេងធំរបស់រុស្ស៊ី Lukoil ។ កាលពីឆ្នាំ ២០២២ កន្លងទៅនេះ រុស្ស៊ីក៏ធ្លាប់រំពឹងថាអ្នកទិញឥណ្ឌាមួយចំនួននឹងចំណាយទិញប្រេងឆៅក្នុងជាលុយឌៀរហាំផងដែរ។ ក្រោយមកទៀត ក៏មានការរាយការណ៍ថា រោងចក្រចម្រាញ់ប្រេងរបស់ឥណ្ឌាក៏បានងាកទៅរកប្រាក់យន់ និង ឌៀរហាំ សម្រាប់ការទិញធ្យូងថ្មរបស់រុស្ស៊ីផងដែរ៕
Account
Security
Favourite Content