ទី​ផ្សារ​វិស័យធានារ៉ាប់រងមានកំណើន ២៥% ​ ខណៈអាជីវកម្ម​តាម​ប្រព័ន្ធបច្ចេកវិទ្យាកំពុងត្រូវបានជំរុញ

ភ្នំពេញ ៖ វិស័យធានារ៉ាប់រង គឺជាសេវាហិរញ្ញវត្ថុមិនមែនធនាគារ ដែលបាន និងកំពុងដើរតួនាទីជាសមាសភាគមួយដ៏សំខាន់ក្នុងការទ្រ​ទ្រង់​​វិស័យសន្តិសុខសង្គម និងវិស័យ​សេដ្ឋ​កិច្ច​​ ខណៈដែលវិស័យមួយនេះ មានភាពរីកលូតលាស់យ៉ាងឆាប់រហ័សនៅក្នុងប្រទេសកម្ពុជា។

ឯកឧត្តម ប៊ូ ច័ន្ទភីរូ អគ្គនាយកនៃនិយ័តករធានារ៉ាប់រងកម្ពុជាបានលើកឡើងថា សេចក្តីព្រាងគោលនយោ​បាយអភិវឌ្ឍវិស័យបច្ចេកវិទ្យាហិរញ្ញវត្ថុកម្ពុជា បានចូលរួមកាលានុវត្តភាព រួមចំណែកវិស័យធានារ៉ាប់រងនៅកម្ពុជា គឺជាការកែប្រែផ្លាស់ប្តូរសង្គមការធ្វើអាជីវកម្មបែបថ្មី តាមរយៈការលក់បែបអនឡាញ ហើយដើម្បីកំណត់ ​និងរៀបចំផលិតផលទៅតាមរបត់បច្ចេកវិទ្យា ដើម្បីទទួលនូវផលប្រយោជន៍ ជំរុញសេដ្ឋកិច្ច។

ឯកឧត្តមបានមានប្រសាសន៍ថា ៖

“វិស័យធានារ៉ាប់រងកម្ពុជា នៅតែបន្តរីកចំរើនដោយរក្សាកំណើនវិជ្ជមាន ទោះបីជាវិបត្តិកូវីដ-១៩ នៅបន្តរាតត្បាត ធ្វើឱ្យប៉ះពាល់ដល់កំណើនសេដ្ឋកិច្ចសកល និងសេដ្ឋកិច្ចប្រទេសក៏ដោយ ក៏ទំហំទីផ្សារទាំងមូលរបស់កម្ពុជាមានបុព្វលាភដុលធានារ៉ាប់រងកម្ពុជា ប្រមាណ ៣០០លានដុល្លារ ដោយក្នុងរយៈពេល១០ឆ្នាំចុងក្រោយនេះ យើងមានកំណើនល្អ ដោយមានកំណើនជាមធ្យមប្រមាណ ២៥ ភាគរយ”

ឯកឧត្តមបានថ្លែងបញ្ជាក់ថា ៖

“ភាពសម្បូរ​បែប​នៃ​បច្ចេកវិទ្យា​ឌីជីថល និង​ការស្វែងរក​ឧត្តមភាព​ប្រកួត​ប្រជែង (Competitive Advantage) កំពុង​ជំរុញ​បច្ចេកវិទ្យា​ធានារ៉ាប់រង​នៅ​កម្ពុជា​ឱ្យ​កាន់តែ​រីកចម្រើន​។ ការណ៍​នេះ​បាននិង​កំពុង​ធ្វើឱ្យ​លេចឡើង​បញ្ហា​ប្រឈម​ជាច្រើន ដែល​មួយចំនួន​ទាមទារ​ឱ្យ​និយតករ​ធានា​រ៉ាប់រង​កម្ពុជា និង​ស្ថាប័ន​ពាក់ព័ន្ធ​បន្ត​ពង្រឹង និង​ធានា​ប្រសិទ្ធភាព​នៃ​ការគ្រប់គ្រង ការត្រួតពិនិត្យ និង​អភិវឌ្ឍន៍​វិស័យនេះ​”

លោក យក់ ចំរើនឬទ្ធិ អគ្គនាយកក្រុមហ៊ុនធានារ៉ាបរង Forte និយាយថា វិស័យធានារ៉ា់ប់រងកម្ពុជាបើធៀបជាមួយនឹងបណ្ដាប្រទេសជិតខាង និងប្រទេសជាច្រើនទៀតគឺនៅមានកម្រិតតិចតួចនៅឡើយ និងបានរូមចំណែកសេដ្ឋកិច្ចក៏តិចតួចដែរ និងត្រូវការមានការអភិវឌ្ឍបន្ថែមដើម្បី វិស័យនេះបានរួមចំណែកក្នុងសេដ្ឋកិច្ចឱ្យកាន់តែធំ  ។

លោក យក់ ចំរើនឬទ្ធិ បានមានប្រសាសន៍ថា៖

“បើធៀបប្រទេសវៀតណាមកាលពីឆ្នាំមុនទឹកប្រាក់ធានានៅលើទីផ្សារទាំងមូលរបស់កម្ពុជាមានប្រមាណ ៣០០លានដុល្លារចំណែកវៀតណាមមានដល់ទៅ១២០០ពាន់លានដុល្លារ តែយោងទៅបុព្វលាភដុលធានារ៉ាប់រងកម្ពុជា មានកំណើនជាមធ្យមប្រមាណ ២៥ ភាគរយ។ សម្រាប់យើងមានតែធានារ៉ាប់រងទូទៅ ហើយក្រោយមកមានធានារ៉ាប់រងអាយុជីវិត ។ ពលរដ្ឋកម្ពុជាកាន់តែច្រើនក៏ចាប់ផ្ដើមយល់ដឹងពីចំណេះដឹងវិស័យធានារ៉ាប់រង ព្រមទាំងបានទិញកញ្ចប់ធានារ៉ាប់រងសម្រាប់ការពារហិរញ្ញវត្ថុក្រុមគ្រួសាររបស់ខ្លួន ។ តែយ៉ាងណាបើធៀបនឹងប្រទេសអត្រាអ្នកយល់ដឹងនិងប្រើប្រាស់ធានារ៉ាប់រងនៅកម្ពុជានៅតែមានចំនួនតិចតួចនៅឡើយ”

ជាមួយគ្នានេះ តាមរយៈសមាគម​ធានារ៉ាប់រងកម្ពុជា​ (IAC) បាន​បង្ហាញពីភាព​រឹងមាំ​បុព្វលាភធានារ៉ាប់រង(ប្រាក់ចំណូលសរុបពីការលក់ធានារ៉ាប់រង)ជាមួយនឹង​ទំហំទឹកប្រាក់ជិត ៣០០លានដុល្លារនៅ​ឆ្នាំ២០២១​ កើនឡើង ៩% បើធៀបនឹងឆ្នាំ២០២០។ ក្នុងឆ្នាំ២០២១គឺ​ជាឆ្នាំជួប​វិបត្តិកូវីដ-១៩​ជាសកល​ ក៏​​វិស័យធានារ៉ាប់រងនៅកម្ពុជានៅតែមានភាព​រឹងមាំ​ដោយ​ទទួល​បានប្រាក់ចំណូលសរុប ២៩៧លាន​ ៦សែនដុល្លារ កើនឡើង ៩,៦ភាគរយបើធៀបនឹងឆ្នាំ២០២០។ នេះបើ​តាម​ទិន្នន័យ​ IAC។

សូមបញ្ជាក់ថា ការធ្វើបទបង្ហាញគឺនៅលើក្របខ័ណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជាឆ្នាំ ២០២១-២០៣៥ និងការអភិវឌ្ឍន៍គោលនយោបាយ FinTech បានបង្ហាញអំពីតួនាទីនៃវិស័យធានារ៉ាប់រង និង FinTech ក្នុងការអភិវឌ្ឍន៍សេដ្ឋកិច្ចឌីជីថល និងការអនុវត្តល្អបំផុតក្នុងការជំរុញការអភិវឌ្ឍន៍ InsurTech នៅក្នុងតំបន់៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អាជីវកម្មដាំដើមអម្ពិល បេះត្រួយលក់ អាចមានតម្លៃប្រមាណ ១៨០០០រៀល ទៅ ២០ ០០០ រៀល ក្នុងមួយគីឡូក្រាម

ជំនួញ, ព្រឹត្តិការណ៍

• 23/07/2024

មិនធម្មតា ទីផ្សារត្រួយអម្ពិលគេអាចលក់បានក្នុងចន្លោះពី ១៨០០០ - ២០០០០រៀលក្នុងមួយគីឡូក្រាម

យល់ដឹងពីគំនិតអាជីវកម្មមួយចំនួននៅក្រៅប្រទេសដែលមានភាពរឹងម៉ាំទៅនឹងវិបត្តិសេដ្ឋកិច្ច

ព្រឹត្តិការណ៍, អាជីវកម្មថ្មី និងនវានុវត្ត

• 23/07/2024

នៅក្នុងអំឡុងពេលវិបត្តិសកល មានក្រុមហ៊ុនខ្លះខាតបង់ធ្លាក់ចំណូល និងខ្លះទៀតឈានទៅដល់បិទទ្វារក៏មាន ប៉ុន្តែមានអាជីវកម្មខ្លះនៅតែអាចដំណើរការល្អ និងទាញបានប្រាក់ចំណេញ

វិវាទដីធ្លីជិត ១ម៉ឺន ៤ពាន់ ករណីបានត្រូវដោះស្រាយ

ព្រឹត្តិការណ៍, អចលនទ្រព្យ

• 23/07/2024

ពីឆ្នាំ២០២៣គិតមកដល់ពេលបច្ចុប្បន្ន ក្រសួងដែនដីបានដោះស្រាយវិវាទដីធ្លីសម្រេចជាង១៣០០០ករណី ស្មើនឹងជិត៩០​ភាគ​រយនៃជម្លោះ

ក្រសួងដែនដី រៀបចំកិច្ច​ប្រជុំជាមួយ​វិស័យ​ឯកជន​ក្នុងវិស័យ​សំណង់ និង​អច​លនទ្រព្យ​ ដើម្បី​រកបញ្ហា​ និ​ងដំណោះស្រាយ

ព្រឹត្តិការណ៍, អចលនទ្រព្យ

• 23/07/2024

ក្នុងគោលដៅជំរុញការ​អភិវឌ្ឍ​វិស័យ​សំណង់ ​និងអចលនទ្រព្យ ក្នុងប្រទេស​កម្ពុជា​បន្ថែម ក្រសួង​រៀបចំដែន ​និងវិស័យឯកជន ​បានជួ​បពិភាក្សារកដំណោះស្រាយរួមគ្នា

ផលិតផលជលផល កំពុងត្រូវបានយកចិត្តទុកដាក់លើខ្សែច្រវាក់ផលិតកម្មនៃការផលិត និងជំរុញការនាំចេញ

ព្រឹត្តិការណ៍, សេដ្ឋកិច្ច

• 23/07/2024

គម្រោងអភិវឌ្ឍន៍ក្រោយប្រមូលផល(CAPFISH-Capture) នៃវិស័យជលផលកំពុងជំរុញខ្សែច្រវាក់ផលិតកម្មឱ្យកាន់តែទូលាយដើម្បីនាំចេញទៅកាន់ទីផ្សារអន្តរជាតិ

សម្តេចធិបតី ហ៊ុន ម៉ាណេត កត់សម្គាល់ពីការនាំចេញផលិតផលកសិកម្មសំខាន់ៗរបស់កម្ពុជា

ព្រឹត្តិការណ៍, សេដ្ឋកិច្ច

• 23/07/2024

សម្តេចធិបតី ហ៊ុន ម៉ាណេត កត់សម្គាល់ពីការនាំចេញផលិតផលកសិកម្មសំខាន់ៗរបស់កម្ពុជា ខណៈឯកអគ្គរដ្ឋទូតចិនថ្មី កោតសរសើរពីរសជាតិស្វាយចន្ទីខ្មែរ

ប្រព័ន្ធធនាគារនៅកម្ពុជាបន្តរក្សាបានភាពធន់ និងរឹងមាំ

ព្រឹត្តិការណ៍, ហិរញ្ញវត្ថុ

• 23/07/2024

ប្រព័ន្ធធនាគារនៅកម្ពុជាបន្តរក្សាបានភាពធន់ និងភាពរឹងមាំ ខណៈសេដ្ឋកិច្ចពិភពលោកនៅមិនទាន់ប្រាកដប្រជា

ក្រុមហ៊ុនឧស្សាហកម្មវាយនភ័ណ្ឌចិន៤០ក្រុមហ៊ុន មកស្វែងយល់កាលានុវត្តភាពវិនិយោគនៅកម្ពុជា

ព្រឹត្តិការណ៍, សេដ្ឋកិច្ច

• 23/07/2024

ក្រុមហ៊ុនឧស្សាហកម្មវាយនភ័ណ្ឌចិនចំនួន៤០ក្រុមហ៊ុន បានមកស្វែងយល់ពីបរិយាកាស និង កាលានុវត្តភាពវិនិយោគនៅកម្ពុជា

ថៃអនុញ្ញាតឲ្យជនបរទេសមកពី ៩៣ ប្រទេសអាចស្នាក់នៅក្នុងប្រទេសបានរយៈពេល ៦០ ថ្ងៃដោយមិនចាំបាច់មានទិដ្ឋាការ ឬ Visa

ព្រឹត្តិការណ៍, សេដ្ឋកិច្ច

• 23/07/2024

ថៃអនុញ្ញាតឲ្យជនបរទេសមកពី ៩៣ ប្រទេសអាចស្នាក់នៅក្នុងប្រទេសបានរយៈពេល ៦០ ថ្ងៃដោយមិនចាំបាច់មានទិដ្ឋាការ ដើម្បីទាក់ទាញទេសចរ

ការរៀបចំយន្តការតាមដាន និងវាយតម្លៃការអនុវត្ដយុទ្ធសាស្រ្ដបញ្ចកោណដំណាក់កាលទី១ ជាដំណាក់កាលសំខាន់

ព្រឹត្តិការណ៍, សេដ្ឋកិច្ច

• 23/07/2024

ការរៀបចំយន្តការតាមដាន ត្រួតពិនិត្យ និងវាយតម្លៃការអនុវត្ដយុទ្ធសាស្រ្ដបញ្ចកោណដំណាក់កាល ទី១ គឺជាដំណាក់កាលសំខាន់នៃគោលនយោបាយរាជរដ្ឋាភិបាល