បច្ចេកទេសដាំគូលែនដែលកសិករគួរយល់ដឹង

គូលែន ជាប្រភេទដំណាំត្រូពិចម្យ៉ាង ដែលផ្លែរបស់រុក្ខជាតិនេះ មានរសជាតិផ្អែម ឆ្ងាញ់ និងមានភាពពេញនិយមច្រើនពីសំណាក់អ្នកទទួលទានផ្លែកឈើ។ ដើម្បីដាំដំណាំប្រភេទនេះឱ្យបានជោគជ័យ កសិករគួរយល់ដឹងពីបច្ចេកទេសសំខាន់ៗក្នុងការដាំ និងថែទាំមួយចំនួនដែលអ្នកបច្ចេកទេសកសិកម្មបានចងក្រង។

មុននឹងធ្វើការដាំដំណាំគូលែន កសិករត្រូវជីករណ្តៅទំហំ ៦ តឹកបួនជ្រុង និងជម្រៅ ៦ តឹក ឃ្លាតពីគ្នា ៨ ម៉ែត្រ បន្ទាប់មករោយកំបោរសប្រមាណ ២ ស្លាបព្រាបាយក្នុងរណ្តៅ។ ក្រៅពីនេះ គេត្រូវដាក់ផេះ ឬអង្កាម កំប្លោក ចំបើងពុក អាចម៍មាន់ ឬអាចម៍ជ្រូក ឬអាចម៍គោ មួយស្រទាប់កម្រាស់ ១ តឹក រួចដាក់ដីពីលើ ១ តឹកទៀត រហូតទាល់តែពេញរណ្តៅ ហើយទុកក្នុងរយៈពេល ២-៣ សប្តាហ៍។

ចំពោះកូនគូលែន កសិករត្រូវរក្សា និងផ្សាំទុក ១ សប្តាហ៍ មុនពេលដាំ ដោយផ្អាកស្រោចទឹក ២ ថ្ងៃមុនដាំ ដើម្បីកុំឱ្យបែកដី និងឫស។ មុនពេលដាំ កសិករត្រូវជញ្ជូនកូនគូលែនដាក់ក្បែររណ្តៅ និងបកថង់ចេញ ធ្វើយ៉ាងណាកុំឱ្យបែកដី បន្ទាប់មកកប់កូនគូលែនក្នុងរណ្តៅ ដោយធ្វើយ៉ាងណា ឱ្យដីកន្ទោងកូនគូលែនស្មើមាត់រណ្តៅ រួចយកមែកឈើដោតក្បែររណ្តៅចងទប់ជាមួយកូនគូលែន ទើបគេអាចលប់ដីបន្តិចម្តងៗ ដោយសង្កត់ថ្នមៗ ចៀសវាងធ្វើឱ្យដាច់ឫសកូនដំណាំ។

សម្រាប់ការថែទាំវិញ នៅខែវស្សា អ្នកដាំត្រូវពូនគល់ ដើម្បីការពារទឹកជាំនៅគល់បណ្តាលឱ្យរលួយឫស ចំណែកនៅដើមរដូវប្រាំង គេគួរដាក់ជីបំប៉ន ដោយប្រើជីអាចម៍មាន់ អាចម៍ជ្រូក ឬអាចម៍គោ លាយជាមួយអង្កាមពុក ចំបើង ឬកំប្លោករលួយកាយកប់ក្នុងដីធ្វើជាកំពែង។ ក្នុងករណីកូនគូលែនមានសត្វល្អិតស៊ីត្រួយ គេត្រូវប្រើថ្នាំសម្លាប់សត្វល្អិត (ណាតូ)។

ក្រៅពីនេះ កូនគូលែនក៏ត្រូវការការស្រោចទឹកតាមដំណាក់កាល ពិសេសចន្លោះកូនអាយុតិចជាង ២ ឆ្នាំ កសិករត្រូវស្រោចទឹក ១ សប្តាហ៍ម្ដង នៅរដូវប្រាំង។ ចំណែក នៅពេលដែលគូលែនចេញផ្កា គេត្រូវស្រោចទឹកតែម្តងបានហើយ។

យ៉ាងណាមិញ ការដាំដំណាំគូលែក៏មិនខុសពីដើមឈើហូបផ្លែផ្សេងទៀតដែរ ដែលកសិករត្រូវធ្វើការកាត់តែងមែក ពោលគឺត្រូវកាត់ត្រួយចេញនៅឆ្នាំទីមួយ ហើយកាត់មែកមិនសូវល្អចេញរៀងរាល់ឆ្នាំ ដោយទុកតាមប្រព័ន្ធ ១-៣-៦-១៨ (ដើម១ – មែកធំ ៣-ខ្នែងធំ ៦ និងខ្នែងត្រួយ១៨) បើអាចធ្វើបានជាការល្អ។ លុះពេលផ្លែគូលែនមានទំហំប៉ុនមេដៃ គេត្រូវបាញ់ថ្នាំសម្លាប់សត្វល្អិត (ណាតូ) ទៅលើផ្លែ ដើម្បីការពារដង្កូវស៊ីផ្លែ នៅពេលវាទុំ។ ចុងក្រោយគឺការប្រមូលផល កសិករមិនត្រូវបេះផ្លែគូលែនទម្លាក់លើដីទេ ហើយគេត្រូវបេះផ្លែគូលែនឱ្យមានជាប់ទង ដើម្បីឱ្យឈ្មួញងាយលក់ និងមានសោភណភាពស្អាត៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

បច្ចេកវិទ្យាទំនើបមនុស្សយន្ត Da vinci xi ជួយគ្រូពេទ្យវះកាត់កន្លែងស្មុគស្មាញ ចំគោលដៅ និងមានប្រសិទ្ធភាពខ្ពស់បំផុត

ព្រឹត្តិការណ៍, អាជីវកម្មថ្មី និងនវានុវត្ត

• 21/06/2024

បច្ចេកវិទ្យាទំនើបមនុស្សយន្ត Da vinci xi ជួយគ្រូពេទ្យវះកាត់កន្លែងស្មុគស្មាញ ចំគោលដៅ និងមានប្រសិទ្ធិភាពខ្ពស់បំផុត ។

កម្ពុជាអាចជាទីផ្សារយានយន្ដអគ្គិសនីដ៏សំខាន់មួយសម្រាប់ចិន

ព្រឹត្តិការណ៍, សេដ្ឋកិច្ច

• 21/06/2024

ប្រទេសកម្ពុជាកំពុងឈានទៅកាន់តំណែងជាប្រទេសដែលមានប្រាក់ចំណូលខ្ពស់នៅឆ្នាំ២០៥០ ខណៈដែលទាំងធនធានមនុស្ស ភាពរីកចម្រើន និងការអភិវឌ្ឍ ស្របនឹងនិន្នាការនៃតម្រូវការរថយន្តអគ្គិសនីត្រូវបានព្យាករណ៍​ថានឹងកើនឡើង

ជីធម្មជាតិអាចម៍ជន្លេន មានផលប្រយោជន៍ច្រើនលើការដាំដុះ ដែលកសិករគួរយល់ដឹង

ជំនួញ, ព្រឹត្តិការណ៍

• 21/06/2024

សត្វជន្លេន គេអាចទាញយកប្រយោជន៍បានច្រើនសម្រាប់អនុគ្រោះដល់ការដាំដុះតាមរយៈការចិញ្ចឹម និងទាញយកអាចម៍របស់វាមកកែច្នៃធ្វើជាជីធម្មជាតិដែលមានជីជាតិសម្រាប់ដំណាំយ៉ាងល្អប្រសើរ។

ស្វែង​យល់ពី​នីតិវិធី​នៃការ​ចុះបញ្ជី​ដីធ្លីមានលក្ខណៈជា​ប្រព័ន្ធ

ព្រឹត្តិការណ៍, អចលនទ្រព្យ

• 21/06/2024

ការ​ចុះបញ្ជីដីធ្លី​មានលក្ខណៈជា​ប្រព័ន្ធមានដំណាក់​សំខាន់ៗ៥ដំណាក់កាល ដែល​ប្រជាពលរដ្ឋ​និង​ម្ចាស់ដីធ្លីទាំងអស់​គួរ​ស្វែង​យល់​

ធនាគារពិភពលោក​អនុម័តកញ្ចប់​ឥណទាន​​ ២៧៥​ លានដុល្លារ ដើម្បីជួយទ្រទ្រង់ដល់កំណើន និងភាពធន់នៃសេដ្ឋកិច្ចកម្ពុជា

ព្រឹត្តិការណ៍, ហិរញ្ញវត្ថុ

• 21/06/2024

ក្រុមប្រឹក្សានាយកនៃធនាគារពិភពលោក នៅថ្ងៃទី២១ ខែមិថុនា ឆ្នាំ២០២៤ បានសម្រេចអនុម័តលើកញ្ចប់ឥណទានតម្លៃ ២៧៥ លានដុល្លារអាមេរិក សម្រាប់ជួយទ្រទ្រង់ដល់កិច្ចខិតខំប្រឹងប្រែងរបស់កម្ពុជា ក្នុងការជំរុញកំណើន និងភាពធន់របស់សេដ្ឋកិច្ច ក្នុងរយៈពេលវែងឆ្ងាយទៅមុខ

តម្លៃមាសបានបន្តឡើងថ្លៃ ១,៤ ភាគរយ ឬ ២ ៣៥៨ ដុល្លារក្នុងមួយអោន

ព្រឹត្តិការណ៍, សេដ្ឋកិច្ច

• 21/06/2024

តម្លៃមាសឡើងថ្លៃ ១,៤ ភាគរយ ឬ ២ ៣៥៨ ដុល្លារក្នុងមួយអោន ដែលជាកម្រិតខ្ពស់បំផុតក្នុងរយៈពេលពីរសប្តាហ៍ បន្ទាប់ពីរបាយការណ៍បង្ហាញថា ការលក់រាយរបស់សហរដ្ឋអាមេរិកចុះខ្សោយ

ឯកឧត្តមបណ្ឌិត ធន់ វឌ្ឍនា ៖ ច្បាប់ស្តីពីការវិនិយោគរបស់កម្ពុជាមានភាពអំណោយផលសម្រាប់ដៃគូវិនិយោគ

ព្រឹត្តិការណ៍, សេដ្ឋកិច្ច

• 21/06/2024

ឯកឧត្តមបណ្ឌិត ធន់ វឌ្ឍនា មានប្រសាសន៍បញ្ជាក់ថា គោលនយោបាយរបស់កម្ពុជាទាក់ទងនឹងការវិនិយោគផ្ទាល់ពីបរទេស (FDI) ជាពិសេសច្បាប់ស្តីពីវិនិយោគនៃព្រះរាជាណាចក្រកម្ពុជា គឺមានភាពអំណោយផលសម្រាប់ដៃគូវិនិយោគ

តម្លៃប្រេងធ្លាក់ចុះបន្តិច បន្ទាប់ពីឡើងដល់កម្រិតខ្ពស់ក្នុងរយៈពេល ៧ សប្តាហ៍ជាប់ៗគ្នា

ព្រឹត្តិការណ៍, សេដ្ឋកិច្ច

• 21/06/2024

ទន្ទឹមនឹងនេះ តម្លៃប្រេងឆៅម៉ាកធ្លាក់ចុះ ០,៦២ ភាគរយ ឬ ៨៥,៦០ ដុល្លារក្នុងមួយបារ៉ែល ខណៈតម្លៃប្រេងឆៅម៉ាក West Texas Intermediate (WTI) ធ្លាក់ចុះ ០,៧១ ភាគរយ ឬ ៨១,១៥ ដុល្លារក្នុងមួយបារ៉ែល

វិភាគ ៖ បេសកកម្មមេដឹកនាំរុស្ស៊ីសប្តាហ៍នេះអាចជាការទាក់ម៉ូយចាស់វៀតណាមយកលុយទិញគ្រាប់ពីកូរ៉េខាងជើង

ព្រឹត្តិការណ៍, អាជីវកម្មថ្មី និងនវានុវត្ត

• 21/06/2024

កាលពីឆ្នាំ២០២៣ វៀតណាមមិនមានធ្វើការបញ្ជាទិញអាវុធថ្មីបន្ថែមណាមួយគួរឲ្យកត់សំគាល់ឡើយ ហើយកំពុងសម្លឹងមើលដៃគូមួយចំនួនសម្រាប់បំពេញផែនការអាវុធ

ចំណេះដឹងហិរញ្ញវត្ថុជាបំណិនជីវិតមួយជួយឱ្យប្រជាពលរដ្ឋសម្រេចចិត្តផ្នែកហិរញ្ញវត្ថុហិរញ្ញវបានត្រឹមត្រូវ

ព្រឹត្តិការណ៍, ហិរញ្ញវត្ថុ

• 20/06/2024

ស្របពេលចំណេះដឹងហិរញ្ញវត្ថុក្លាយជាកម្លាំងចលករមួយដ៏សំខាន់ក្នុងការជួយជំរុញឱ្យមានការប្រើប្រាស់សេវាហិរញ្ញវត្ថុផ្លូវការក្នុងចំណោមប្រជាពលរដ្ឋកម្ពុជា ដែលជាប្រភពទុនដ៏សមស្រប មានតម្លៃទាប ហានិភ័យទាបសម្រាប់យកទៅប្រើប្រាស់ក្នុងគោលដៅផ្សេងៗ ធនាគារជាតិនៃកម្ពុជា ក៏ដូចជាសមាគមហិរញ្ញវត្ថុនៅកម្ពុជាបាននិងកំពុងយកចិត្តទុកដាក់លើការលើកកម្ពស់ចំណេះដឹងហិរញ្ញវត្ថុ ដល់ក្រុមគោលដៅ និងសាធារណៈជនទូទៅ។