សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ អ៊ីរ៉ង់ បានវាយប្រហារលើតំបន់ឧស្សាហកម្មពិសេស Fujairah ដែលជាកំពង់ផែស្តុកប្រេងដ៏សំខាន់ និងធំមួយរបស់អារ៉ាប់រួម ព្រមទាំងវាយប្រហារទៅលើអាកាសយានដ្ឋានអន្តរជាតិរបស់ទីក្រុងឌូបៃផងដែរ ខណៈដែលការកំណត់គោលដៅវាយប្រហារទៅលើហេដ្ឋារចនាសម្ព័ន្ធប្រេងផ្សេងៗទៀតនៅឈូងសមុទ្រកំពុងបន្ត នេះបើយោងតាមសេចក្ដីរាយការណ៍ពី BBC ។
កាលពីថ្ងៃចន្ទ សប្ដាហ៍នេះ ជើងហោះហើរនៅអាកាសយានដ្ឋានអន្តរជាតិរបស់ទីក្រុងឌូបៃត្រូវបានផ្អាកជាបណ្ដោះអាសន្ន ដោយសារទទួលរងការវាយប្រហារដោយយន្តហោះគ្មានមនុស្សបើក និងបង្កជាអគ្គីភ័យឆាបឆេះនៅក្បែរទីតាំងហោះហើរ។ ការវាយប្រហារដោយយន្តហោះគ្មានមនុស្សបើកកាលពីថ្ងៃចន្ទ គឺជាព្រឹត្តិការណ៍លើកទី ៣ កើតឡើងនៅជិតព្រលានយន្តហោះឌូបៃ ដែលជាកន្លែងដ៏មមាញឹកបំផុតសម្រាប់អ្នកដំណើរអន្តរជាតិ។ មិនត្រឹមតែប៉ុណ្ណោះ អ៊ីរ៉ង់ បានវាយប្រហារលើតំបន់ឧស្សាហកម្ម Fujairah ដែលជាកំពង់ផែ និងជាកន្លែងស្តុកប្រេងដ៏ធំបំផុតមួយទៀតនៅក្នុងតំបន់មជ្ឈិមបូព៌ា។
ក្រសួងការពារជាតិរបស់អារ៉ាប់រួម បានលើកឡើងថា ប្រព័ន្ធការពារដែនអាកាសរបស់អារ៉ាប់រួមបានស្ទាក់ចាប់មីស៊ីលផ្លោងចំនួន ៦ គ្រាប់ និងយន្តហោះគ្មានមនុស្សបើកចំនួន ២១ គ្រឿងកាលពីថ្ងៃចន្ទ សប្ដាហ៍នេះ។ សូមជម្រាបថា ចាប់តាំងពីមានសង្រ្គាមមក អ៊ីរ៉ង់ បានបាញ់មីស៊ីល និងយន្តហោះគ្មានមនុស្សបើកជាង ១ ៩០០ គ្រឿងមកលើអារ៉ាប់រួម។ កាលពីថ្ងៃសៅរ៍ យន្តហោះគ្មានមនុស្សបើកបានបុកធុងផ្ទុកប្រេង និងវាយប្រហារកន្លែងស្តុកប្រេងបន្ថែមទៀតនៅ Fujairah កាលពីថ្ងៃចន្ទ ដែលធ្វើឲ្យវិស័យថាមពលរបស់អារ៉ាប់រួមរងការវាយប្រហារជាបន្តបន្ទាប់។ ក្រោយការវាយប្រហារនៅ Fujairah សកម្មភាពដឹកប្រេងត្រូវបានផ្អាកមួយរយៈ និងត្រូវការវាយតម្លៃពីការខូចខាត។ Fujairah ស្ថិតនៅឆ្នេរសមុទ្រភាគខាងកើតរបស់អារ៉ាប់រួម និងនៅជិតឈូងសមុទ្រពែរ្ស ជាប់ជាមួយនឹងប្រទេសអូម៉ង់។ កំពង់ផែនេះបានដើរតួនាទីសំខាន់ក្នុងការធានាដល់ការផ្គត់ផ្គង់នៅទូទាំងពិភពលោក ខណៈដែលច្រកសមុទ្រ Hormuz ត្រូវបានបិទដោយអ៊ីរ៉ង់។
លោក Matt Stanley អ្នកវិភាគទីផ្សារប្រេងរបស់ក្រុមហ៊ុន Kpler បានលើកឡើងថា កំពង់ផែនេះបានជំនួសឱ្យដំណើរការដឹកជញ្ជូនប្រេងឆ្លងកាត់ច្រកសមុទ្រ Hormuz ហើយក្រុមហ៊ុនប្រេងរបស់រដ្ឋ UAE Adnoc ក៏មានកន្លែងស្តុកប្រេងឆៅនៅទីនោះដែរ។ យ៉ាងណាមិញ អ៊ីរ៉ង់ បានវាយប្រហារកន្លែងស្តុកប្រេងដ៏សំខាន់នៅ Fujairah ដែលធ្វើឱ្យខូចខាត់ហេដ្ឋារចនាសម្ព័ន្ធ ជាពិសេសបង្អាក់លំហូរថាមពលប្រេងនៅលើពិភពលោក៕
Account
Security
Favourite Content