សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ម្រេចកំពត (Kampot Peppter) ជាម៉ាកសញ្ញាសម្គាល់ភូមិសាស្ត្រដ៏ល្បីល្បាញរបស់កម្ពុជាដែលកំពុងផ្សព្វផ្សាយនៅលើទីផ្សារយ៉ាងទូលាយជាងគេក្នុងចំណោមម្រេចដែលមានប្រភពមកពីប្រទេសដទៃទៀតនៅលើពិភពលោកដោយសារតែវាមានគុណប្រយោជន៍យ៉ាងច្រើន ជាពិសេសមានគុណភាពខ្ពស់ស្របតាមស្ដងទីផ្សារសកលរហូតមានបណ្តាញផ្សព្វផ្សាយអន្តរជាតិជាច្រើនយកទៅផ្សព្វផ្សាយបន្ត។
ថ្មីៗនេះ Insider Business បានចេញផ្សាយអំពីភាពលេចធ្លោនៃម្រេចកំពត Kampot Peppter ដែលមានអ្នកចូលទស្សនាដល់ទៅ៤០ម៉ឺនដងរួចមកហើយត្រឹមពេល៣សប្តាហ៍ប៉ុណ្ណោះ។ ប៉ុស្តិ៍យូធូបដ៏ល្បីរបស់ The Insider Business ដែលមានអ្នកចុះឈ្មោះតាមដានដល់ទៅ៧,៧លាននាក់ ជាធម្មតាតែងតែផ្សព្វផ្សាយពីអាជីវកម្មល្អៗ ដំណាំកសិកម្ម ដែលមានលក្ខណៈពិសេសបំផុតរបស់ពិភពលោកដោយក្នុងនោះប្រព័ន្ធផ្សព្វផ្សាយនេះបានដាក់ចំណងជើងយ៉ាងគួរឲ្យទាក់ទាញថា «ហេតុអ្វីបានជាម្រេចកំពតមានតម្លៃថ្លៃខ្លាំង (Why Kampot white pepper is so expensive)?
ក្រៅពី Insider Business កន្លងមកក៏មានការផ្សព្វផ្សាយនៅតាមបណ្តាសារព័ត៌មានអន្តរជាតិល្បីៗជាច្រើនផ្សេងទៀតដូចជា Serious Eats ដែលភ្ជាប់មកជាមួយនឹងចំណងជើងធំៗថា៖ How the World’s Best Pepper is Grown in Kampot, Cambodia ហើយលើសពីនេះក៏មានការចេញផ្យាយលើបណ្តាញទូរទស្សន៍អន្តរជាតិកំពូលរបស់អង់គ្លេស BBC ដែលមានចំណងជើងថា ៖ The world’s most prized pepper ផងដែរ។
លក្ខណៈអាកាសធាតុ និងលក្ខខណ្ឌដីដ៏ល្អរបស់តំបន់ បូករួមនឹងកិច្ចខិតខំប្រឹងប្រែងរបស់កសិករក្នុងស្រុក ព្រមទាំងរដ្ឋាភិបាលកម្ពុជា ដើម្បីទទួលទទួលបាននូវលិខិតសម្គាល់ភូមិសាស្ត្រពីសហភាពអឺរ៉ុប ឬហៅកាត់ថា GI ក៏ជាកត្តាជួយឲ្យមានការលើកកម្ពស់ការទទួលស្គាល់ និងប្រជាប្រិយភាពរបស់ម្រេចកំពតបន្ថែមទៀតលើឆាកអន្តរជាតិ។
ទំនិញសម្គាល់ភូមិសាស្ត្រ គឺជាសញ្ញាសម្គាល់ប្រភពកំណើតរបស់ផលិតផលក្នុងតំបន់ជាក់លាក់ណាមួយ ដែលបញ្ជាក់ពីគុណភាពពិសេស កិត្តិនាម ឬលក្ខណៈពិសេសផ្សេងៗនៃផលិតផលនោះ។ គួរឲ្យដឹងដែរថា កិត្តិស័ព្ទរបស់ប្រទេសកម្ពុជាត្រូវបានផ្សព្វផ្សាយ និងល្បីរន្ទឺនៅលើឆាកអន្តរជាតិ ដែលក្រៅតែពីប្រាង្គប្រាសាទ និងអរិយធម៍ដ៏រុងរឿងកម្ពុជាជាប្រទេសតូច ប៉ុន្តែបេះដូងធំ កំពុងបន្តភាពល្បីល្បាញនៅលើឆាកអន្តរជាតិកាន់តែខ្លាំងឡើងទោះបីជាក្នុងអំឡុងពេលដែលជួបវិបត្តិ និងក្រោយវិបត្តិកូវិដ-១៩កន្លងមកក្តី ជាពិសេសនាតាមរយៈព្រឹត្តិការណ៍ជាប្រវត្តិសាស្ត្រស៊ីហ្គេមលើកទី៣២ដ៏មានមោទនាភាពដែលកម្ពុជាធ្វើជាម្ចាស់ផ្ទះក្រោមពាក្យស្លោក «កីឡារស់ក្នុងសន្តិភាព Sport Lives in Peace» ៕
Account
Security
Favourite Content