សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពព័ត៌មានពីរ៉យទ័របានរាយការណ៍ថា Amazon បានក្លាយជាក្រុមហ៊ុនម៉ាកយីហោដ៏មានតម្លៃថ្លៃបំផុតរបស់ពិភពលោក បើទោះបីជាទីផ្សារបានធ្លាក់ចុះ ១៥ ភាគរយនៅក្នុងឆ្នាំ២០២២ ក៏ដោយ។
យោងតាមចំណាត់ថ្នាក់ប្រចាំឆ្នាំរបស់ Brand Finance Global 500 ដែលមានក្រុមហ៊ុនបច្ចេកវិទ្យាចំនួន ៤៨ គឺក្រុមហ៊ុន Amazon ដណ្តើមបានតំណែងកំពូល ខណៈដែលតម្លៃម៉ាកយីហោរបស់ខ្លួនធ្លាក់ចុះជាង ៥០ ពាន់លានដុល្លារ ដែលធ្លាក់ចុះពី ៣៥០,៣ ពាន់លានដុល្លារមកសល់ត្រឹមតែ ២៩៩,៣ ពាន់លានដុល្លារក៏ដោយ។ ការស្រាវជ្រាវបានរកឃើញថា ក្រុមហ៊ុនបានខាតបង់រាប់ពាន់លានដុល្លារគឺមកពីការធ្លាក់ចុះនៃសេវាកម្មអតិថិជន ដោយសារពេលវេលាដឹកជញ្ជូនមានរយៈពេលយូរ ដែលធ្វើឲ្យអ្នកប្រើប្រាស់ភាគច្រើនមិនសូវណែនាំ Amazon ដល់អ្នកដទៃនោះទេ ខណៈដែលមនុស្សជាច្រើនត្រលប់ទៅទិញទំនិញដោយផ្ទាល់ និងបានកាត់បន្ថយការទិញអនឡាញ។
មិនត្រឹមតែប៉ុណ្ណោះ Amazon បានយកឈ្នះលើក្រុមហ៊ុន Apple ដែលបានធ្លាក់មកចំណាត់ថ្នាក់លេខ ២ ដោយតម្លៃម៉ាកយីហោរបស់ Apple បានធ្លាក់ចុះ ១៦ ភាគរយពី ៣៥៥,១ ពាន់លានដុល្លារមកត្រឹមតែ ២៩៧,៩ ពាន់លានដុល្លារ។ ការធ្លាក់ចុះនេះ គឺដោយសារតែការព្យាករណ៍ប្រាក់ចំណូលទាប ការរំខាននៃខ្សែសង្វាក់ផ្គត់ផ្គង់ និងទីផ្សារការងារមានកម្រិត។
ស្របពេលនេះដែរ Google ជាប់ចំណាត់ថ្នាក់ជាម៉ាកយីហោដែលមានតម្លៃបំផុតទី ៣ របស់ពិភពលោកជាមួយនឹងការកើនឡើងតម្លៃ ៧ ភាគរយ ឬ ២៨១,៤ ពាន់លានដុល្លារ។ ក្រុមហ៊ុនធំៗមួយចំនួនទៀតដែលជាប់ចំណាត់ថ្នាក់ផ្នែកតម្លៃម៉ាកយីហោ រួមមានក្រុមហ៊ុនផលិតរថយន្តអគ្គិសនី Tesla ដែលឃើញតម្លៃរបស់វាកើនឡើង ៤៤ ភាគរយ ឬ ៦៦,២ ពាន់លានដុល្លារ ចំណែកឯតម្លៃម៉ាកយីហោ BYD បានកើនឡើង ៥៧ ភាគរយ ឬ ១០,១ ពាន់លានដុល្លារ ដោយសារតម្រូវការរថយន្តអគ្គិសនីកើនឡើងទូទាំងពិភពលោក។
ក្រុមហ៊ុនម៉ាកល្បីៗដែលជាប់ចំណាត់ថា្នក់មិនសូវល្អ រួមមាន Samsung ដែលមានការធ្លាក់ចុះ ៧ ភាគរយ ឬ នៅត្រឹម ៩៩,៧ ពាន់លានដុល្លារ Alibaba ធ្លាក់ចុះ ៥៦ ភាគរយ ឬ នៅត្រឹម ១០ ពាន់លានដុល្លារ និង Facebook ដែលធ្លាក់ចុះ ៤២ ភាគរយ ឬ នៅត្រឹម ៥៩ ពាន់លានដុល្លារ។
ទោះជាយ៉ាងណាក្តី បើផ្អែកខាងមូលធននីយកម្មទីផ្សារ Apple នៅតែជាក្រុមហ៊ុនដ៏មានតម្លៃរបស់ពិភពលោកដែលមានទីផ្សារមូលធន ២,១៦៣ ទ្រីលានដុល្លារ ខណៈដែល Amazon មានទីផ្សារមូលធន ៩៧៩,៨ ពាន់លានដុល្លារ។
Account
Security
Favourite Content