សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភព័ត៌មានពីរ៉យទ័របានរាយការណ៍ថា មានករណីផ្ទុះម៉ាស៊ីនផ្ញើសារ Pager ចំនួន ៥ ០០០ គ្រឿង ដែលលីបង់កំពុងចោទប្រកាន់ថា អ៊ីស្រាអែល គឺជាអ្នកនៅពីក្រោយហេតុការណ៍នេះ។
កាលពីថ្ងៃអង្គារ៍កន្លងទៅនេះ មានករណីផ្ទុះម៉ាស៊ីនផ្ញើសារ Pager ដែលបានសម្លាប់មនុស្ស ៩ នាក់ និងរបួសជិត ៣ ០០០ នាក់នៅក្នុងប្រទេសលីបង់។ ប្រភពពីសន្តិសុខរបស់លីបង់បាននិយាយថា ក្រុមប្រយុទ្ធលីបង់ហេសបូឡាសបាននាំទំនិញម៉ាស៊ីនផ្ញើសារ Pager ៥ ០០០ គ្រឿង មានប្រភពមកពីក្រុមហ៊ុន Gold Apollo ដែលមានមូលដ្ឋាននៅតៃវ៉ាន់។ យ៉ាងណាមិញ ក្រុមហ៊ុននេះបានលើកឡើងថា មិនបានផលិតឧបករណ៍នេះទេ ប៉ុន្តែម៉ាស៊ីនទាំងនេះត្រូវបានផលិតដោយក្រុមហ៊ុននៅអឹរ៉ុបមួយឈ្មោះថា BAC ដែលមានអាជ្ញាប័ណ្ណប្រើប្រាស់ម៉ាកយីហោរបស់ខ្លួន។
ក្រុម ហេសបូឡាស បានប្រើប្រាស់ម៉ាស៊ីនផ្ញើសារ Pager ជាមធ្យោបាយទំនាក់ទំនងដែលមានបច្ចេកវិទ្យាទាបដើម្បីគេចពីការតាមដានទីតាំងរបស់អ៊ីស្រាអែល។ យ៉ាងណាមិញ ប្រភពពីសន្តិសុខជាន់ខ្ពស់លីបង់ បានចោទប្រកាន់ថា ឧបករណ៍ទាំងនោះត្រូវបានកែប្រែដោយសេវាកម្មចារកម្ម Mossad របស់អ៊ីស្រាអែលនៅកម្រិតផលិតកម្ម ដោយពួកគេបានចាក់សារជាតិផ្ទុះចូលទៅក្នុងឧបករណ៍ទាំងនោះ។ បន្ថែមពីនេះ មានប្រភពមួយបាននិយាយថា Pager ចំនួន ៣ ០០០ គ្រឿងបានផ្ទុះឡើង នៅពេលដែលសារកូដត្រូវបានផ្ញើចូលទៅក្នុងម៉ាស៊ីន ដោយសារវិទ្យុសកម្ម។ ទន្ទឹមនឹងនោះ ក្រុម ហេសបូឡាសបានចោទប្រកាន់ទៅលើ អ៊ីស្រាអែល ចំពោះប្រតិបត្តិការនេះ ប៉ុន្តែ អ៊ីស្រាអែល មិនបានប្រតិកម្មអ្វីឆ្លើយតបវិញនោះទេ។ ពួកគេចាត់ទុកថា ការបំផ្ទុះនេះគឺជាការរំលោភសន្តិសុខដ៏ធំបំផុតតាំងពីជម្លោះនៅតំបន់ ហ្គាហ្សា រវាង អ៊ីស្រាអែល និងក្រុម ហាម៉ាស ដែលជាសម្ព័ន្ធមិត្តរបស់ ហេសបូឡាហាម៉ាស។
គួរបញ្ជាក់ថា នៅប៉ុន្មានម៉ោងមុនមានករណីផ្ទុះនេះ គណៈរដ្ឋមន្ត្រីសន្តិសុខរបស់អ៊ីស្រាអែលបាននិយាយថា ពួកគេនឹងបញ្ឈប់ការវាយប្រហាររបស់ក្រុមហេសបូឡានៅលើភាគខាងជើងនៃប្រទេស ដើម្បីឱ្យពលរដ្ឋបានវិលត្រឡប់ទៅផ្ទះពួកគេវិញដោយសុវត្ថិភាព។ ចាប់តាំងពីមានសង្រ្គាមរវាងអ៊ីស្រាអែល និងក្រុមហាម៉ាស កាលពីថ្ងៃទី៧ ខែតុលា ឆ្នាំកន្លងទៅ វាបានបង្កឲ្យមានការបាញ់ប្រហារស្ទើររាល់ថ្ងៃនៅព្រំដែនអ៊ីស្រាអែល-លីបង់។ ដោយឡែក ក្រុមហេសបូឡា និងក្រុមហាម៉ាស់ ត្រូវបានចាត់ទុកជាក្រុមភេរវករ ដោយអ៊ីស្រាអែល ចក្រភពអង់គ្លេស និងប្រទេសដទៃទៀត។ ស្របពេលនេះដែរ អ្នកនាំពាក្យរបស់អង្គការសហប្រជាជាតិបាននិយាយថា ហេតុការណ៍ថ្មីចុងក្រោយបង្អស់នៅក្នុងប្រទេសលីបង់បានបង្កឲ្យមានការព្រួយបារម្ភយ៉ាងខ្លាំងសាជាថ្មី ជាពិសេសដោយសារតែរឿងរ៉ាវដែលកំពុងកើតឡើងនៅក្នុងបរិបទដែលកំពុងតែមានការប្រែប្រួលយ៉ាងខ្លាំងមួយនេះ៕
Account
Security
Favourite Content