ម៉ាឡេស៊ីកំពុងត្រៀមខ្លួនក្នុងការចូលរួមជាសមាជិកក្រុមប្រទេស BRICS

បរទេស៖ យោងតាមប្រភពព័ត៌មានពី CNA បានរាយការណ៍ថា ប្រទេសម៉ាឡេស៊ីកំពុងរៀបចំខ្លួនដើម្បីចូលរួមជាមួយក្រុម BRICS ដែលជាក្រុមប្រទេសសេដ្ឋកិច្ចកំពុងរីកចម្រើន ដោយការចូលរួមជាសមាជីក BRICS នឹងជួយម៉ាឡ់េស៊ីឱ្យមានភាពចម្រុះបន្ថែមទៀតលើពាណិជ្ជកម្ម និងការវិនិយោគរបស់ខ្លួន ក៏ដូចជាលើកកម្ពស់លទ្ធភាពទទួលបានទីផ្សារទូលំទូលាយជាងមុន។

ក្រុម BRICS ត្រូវបានបង្កើតឡើងដោយប្រទេសចំនួន ៥ រួមមាន៖ ប្រេស៊ីល រុស្សី ឥណ្ឌា ចិន និងអាហ្វ្រិកខាងត្បូង។ កាលពីឆ្នាំមុន BRICS បានចាប់ផ្តើមពង្រីកសមាជិកភាពរបស់ខ្លួន ក្នុងកិច្ចខិតខំប្រឹងប្រែងពង្រឹងសសណ្តាប់ធ្នាប់ពិភពលោកដែលគ្រប់គ្រងដោយសេដ្ឋកិច្ចលោកខាងលិច ហើយប្រទេសជាង ៤០ រួមមាន អារ៉ាប៊ីសាអូឌីត អ៊ីរ៉ង់ អេត្យូពី អេហ្ស៊ីប អាហ្សង់ទីន និងអារ៉ាប់រួមជាដើម បានបង្ហាញពីចំណាប់អារម្មណ៍ក្នុងការចូលរួម។

នាយករដ្ឋមន្រ្តីម៉ាឡាស៊ី លោក អាន់វ៉ា អ៊ីប្រាហ៊ីម លើកឡើងថា ម៉ាឡេស៊ីបានបានធ្វើការសម្រេចចិត្តក្នុងការចូលរួមជាមួយ BRICS ហើយនឹងដាក់នីតិវិធីជាផ្លូវការក្នុងពេលឆាប់ៗនេះ ខណៈដែលកំពុងរង់ចាំលទ្ធផលចុងក្រោយពីរដ្ឋាភិបាលអាហ្វ្រិកខាងត្បូង។ ទន្ទឹមនឹងនេះ នាយករដ្ឋមន្រ្តីម៉ាឡាស៊ី អាន់វ៉ា អ៊ីប្រាហ៊ីម នឹងទទួលការស្វាគមន៍នៃដំណើរទស្សនកិច្ចរយៈពេល ៣ថ្ងៃរបស់នាយករដ្ឋមន្ត្រីចិន Li Qiang ក្នុងសប្តាហ៍នេះ ដែលជាផ្នែកមួយនៃការប្រារព្ធពិធីរំលឹកខួបលើកទី ៥០ នៃទំនាក់ទំនងការទូតរវាងម៉ាឡេស៊ី និងចិន។ គេរំពឹងថា ម៉ាឡេស៊ី និងចិន នឹងចុះហត្ថលេខាលើកិច្ចព្រមព្រៀងជាច្រើនក្នុងអំឡុងពេលដំណើរទស្សនកិច្ច រួមទាំងការបន្តកិច្ចព្រមព្រៀងពាណិជ្ជកម្ម និងកិច្ចសហប្រតិបត្តិការសេដ្ឋកិច្ចរយៈពេល ៥ឆ្នាំផងដែរ។

មិនត្រឹមតែប៉ុណ្ណោះ ក្នុងចំណោមប្រជាជាតិអាស៊ីអាគ្នេយ៍ ឥណ្ឌូណេស៊ី ថៃ មីយ៉ាន់ម៉ា ឡាវ កម្ពុជា ពីមុនបានបង្ហាញចំណាប់អារម្មណ៍ក្នុងការចូលរួមសម្ព័ន្ធភាពពាណិជ្ជកម្ម ខណៈដែលវៀតណាមបាននិយាយថា ពួកគេកំពុងតាមដានយ៉ាងដិតដល់នូវដំណើរការពង្រីកសមាជិកភាព BRICS ។ បន្ទាប់ពីបានចូលរួមក្នុងកិច្ចប្រជុំកំពូល BRICS កាលពីខែសីហាឆ្នាំមុន ប្រធានាធិបតីឥណ្ឌូនេស៊ី លោក Joko Widodo បានបញ្ជាក់យ៉ាងច្បាស់ថា រដ្ឋបាលរបស់លោកកំពុងពិនិត្យ និងពិចារណាពីលទ្ធភាពរបស់ប្រទេសក្នុងការចូលរួមក្រុមប្រទេស BRICS។ កាលពីខែមករា លោក Retno Marsudi រដ្ឋមន្ត្រីការបរទេសឥណ្ឌូនេស៊ី បានលើកឡើងថា ឥណ្ឌូណេស៊ីកំពុងបន្តសិក្សាពីលទ្ធភាពនៃការចូលរួមសម្ព័ន្ធភាពពាណិជ្ជកម្ម ហើយកំពុងថ្លឹងថ្លែងអំពីអត្ថប្រយោជន៍ដែលខ្លួននឹងទទួលបានពីសមាជិកភាព ដោយបន្ថែមថាពួកគេនឹងមិនប្រញាប់ប្រញាល់នោះតេ។ កាលពីខែមុន គណៈរដ្ឋមន្ត្រីថៃបានអនុម័តលិខិតព្រាងរបស់រដ្ឋាភិបាលដែលបង្ហាញពីគោលបំណងរបស់ទីក្រុងបាងកកក្នុងការក្លាយជាសមាជិកនៃ BRICS ផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

ចំណេះដឹង ៖ ផ្អកដំឡូងឈើ ជាចំណីដ៏ល្អសម្រាប់ការចិញ្ចឹមជ្រូក មាន់ និងទា

ជំនួញ, ព្រឹត្តិការណ៍

• 19/07/2024

ជំនួសឱ្យការប្រើប្រាស់ចំណីសម្រេចដែលមានតម្លៃថ្លៃ គេអាចកែច្នៃមើម និងស្លឹកដំឡូងឈើ ធ្វើជាចំណីដ៏មានប្រូតេអ៊ីនខ្ពស់សម្រាប់ចិញ្ចឹមសត្វជ្រូក មាន់ និងទា

លុចសំបួរ ជាប្រទេស​តូច​​មួយ​ក្នុង​សហភាព​អឺរ៉ុប​ ប៉ុន្តែជា​ប្រទេស​មានជាងគេ​បំផុត​លើ​ពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 19/07/2024

យោងតាម IMF បានឲ្យដឹងថា ​ផលិតផលសរុបក្នុងស្រុក (GDP) នៅប្រទេសលុចសំបួរមានជាង ១៣០ ០០០ ដុល្លារសម្រាប់មនុស្សម្នាក់

ចំណេះដឹង ៖ ស្វែងយល់ពីអាជ្ញាធរហិរញ្ញវត្ថុនៅកម្ពុជា

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជា គឺជាធនាគារកណ្ដាលតែមួយគត់របស់កម្ពុជា ដែលដើរតួនាទីជាអាជ្ញាធររូបិយវត្ថុ និងអាជ្ញាធរត្រួតពិនិត្យប្រព័ន្ធធនាគារនៅកម្ពុជា

​៦ខែ ដើមឆ្នាំ២០២៤​ ​ចិន​ឈរ​លើលំដាប់ទី​២ ក្នុងការបណ្តាក់ទុន​វិនិយោគនៅកម្ពុជា​ច្រើន​ជាង​គេ​

ព្រឹត្តិការណ៍, អចលនទ្រព្យ

• 19/07/2024

ចិននៅតែឈរ​លំដាប់ខ្ពស់​ដែលមាន​វិនិយោគិន​ដាក់ទុន​វិនិយោគ​នៅកម្ពុជា​ច្រើនជាងគេ ជាក់ស្ដែង​៦ខែ ចិនបានដាក់ទុន​ជាង ​១,៣ពាន​លានដុល្លារ​

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

វិស័យធានារ៉ាប់រង ជាសូចនាករក្នុងការវាស់វែងភាពរីកចម្រើនរបស់ប្រទេសមួយ

ព្រឹត្តិការណ៍, ហិរញ្ញវត្ថុ

• 19/07/2024

នៅក្នុងប្រទេសដែលមានការអភិវឌ្ឍតិចតួច វិស័យធានារ៉ាប់រងមិនទាន់អាចមានលទ្ធភាពរីកលូតលាស់ខ្លាំងក្លានោះទេ

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគង ដើម្បីសម្រួលដល់ការទូទាត់របស់ភ្ញៀវទេសចរ

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគងសម្រាប់ភ្ញៀវទេសចរអន្តរជាតិ ដើម្បីដោះស្រាយបញ្ហាការប្រើប្រាស់រូបិយបណ្ណចាស់ៗ ទក់ រហែក

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល