សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ចាប់តាំងតែពីជម្លោះឆ្នាំ២០២២ ដោយប្រទេសរុស្ស៊ីទៅលើប្រទេសអ៊ុយក្រែនរួចមក គេសង្កេតឃើញមានបណ្តាក្រុមហ៊ុនជាង ១ ០០០មកហើយដែលបានសម្រេចចិត្តបិទប្រតិបត្តិការ ឬផ្អាកអាជីវកម្មនៅក្នុងប្រទេសរុស្ស៊ី។ ស្ថានភាពនេះហាក់ដូចជាធូរស្រាលមកវិញបន្តិចនៅពេលនេះក្រោយជម្លោះដែលបានអូសបន្លាយអស់រយៈពេលជិត២ឆ្នាំកន្លងមកនេះ ហើយចុងក្រោយនេះក្រុមហ៊ុនយីហោធំៗរបស់ពិភពលោកកំពុងបង្ហាញថាពួកគេមិនចង់បោះបង់ចោលទីផ្សាររបស់ប្រទេសរុស្ស៊ីទាំងស្រុងនោះទេ។
កាលពីសប្តាហ៍កន្លងទៅនេះ ក្រុមហ៊ុនយក្ស Coca Cola បានដាក់ពាក្យក្នុងស្នើសុំបន្តសិទ្ធិថែរក្សាម៉ាកយីហោ trademark របស់ខ្លួននៅក្នុងទីផ្សាររុស្ស៊ីឡើងវិញ ខណៈដែលខ្លួនធ្លាប់បានបង្ហាញវត្តមាននៅទីនេះអស់រយៈពេលជាង៤ទសវត្សរ៍មកហើយក្តី។
តាមរបាយការណ៍ក្រុមហ៊ុនដែលមានមូលដ្ឋាននៅក្នុងទីក្រុង Atlanta នេះបានដាក់ស្នើសុំសិទ្ធិក្នុងការរក្សាម៉ាកយីហោទៅលើផលិតផលរបស់ខ្លួនចំនួន៣ដែលក្នុងនោះមានដូចជាភេសជ្ជៈ Coca Cola, Fanta និង Sprite។
គួរឲ្យដឹងដែរថា ច្បាប់ពាណិជ្ជកម្មរបស់ប្រទេសរុស្ស៊ីក្នុងករណីដែលយីហោទាំងឡាយណាដែលបានផ្អាក ឬមិនបានប្រតិបត្តិការរបស់ខ្លួនក្នុងប្រទេសចំនួន៣ឆ្នាំនោះ រុស្ស៊ីមានសិទ្ធិក្នុងការលុបចោលស្លាកយីហោទាំងស្រុង ខណៈដែលគិតមកទល់ពេលនេះមានន័យថា Coca Cola នៅសល់តែ១ឆ្នាំទៀតប៉ុណ្ណោះមុននឹងច្បាប់ត្រូវបានអនុវត្ត។
សូមរំលឹកដែរថា Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ ហើយឆ្នាំ១៩៩០ វាបានបង្ហាញវត្តមាននៅតាមហាងអាហារ McDonald’s នៅក្នុងអំឡុងសម័យកាលសហភាពសូវៀត។
មុនពេលដែលសម្រេចចិត្តចាកចេញពីប្រទេសរុស្ស៊ីកាលពីឆ្នាំ២០២២ ក្រុមហ៊ុនអាមេរិកមួយនេះបានប្រតិបត្តិការរបស់ខ្លួនដល់ទៅ១០រោងចក្រនៅទូទាំងប្រទេស ហើយក្រោយការចាកចេញរបស់ក្រុមហ៊ុនយក្សមួយនេះ គេឃើញមានក្រុមហ៊ុនក្នុងស្រុករបស់រុស្ស៊ីបានចាប់យកឳកាសនេះ ហើយបង្កើតយីហោភេសជ្ជៈថ្មី ដែលមានរសជាតិស្រដៀងនឹង CoCa Cola នោះគឺ Dobry Cola ហើយក្រុមហ៊ុននេះបានទទួលសិទ្ធិក្នុងការប្រតិបត្តិការ និងផលិតនៅតាមរោងចក្រទាំងអស់របស់ Coca Cola ទៀតផង។
Coca Cola មិនមែនជាក្រុមហ៊ុនយីហោធំរបស់ពីភពលោកដែលបានស្នើសុំច្បាប់រក្សាសិទ្ធិម៉ាកពាណិជ្ជកម្មម្នាក់ឯងនោះទេ ដោយក្នុងនោះសូម្បីតែក្រុមហ៊ុនអាមេរិកមួយទៀតគឺ Starbucks និងក្រុមហ៊ុន ស៊ុយអែត IKEA ក៏បានស្នើសុំរក្សាសិទ្ធិនេះបន្ថែម១០ឆ្នាំទៀតផងដែរ។
យ៉ាងណាក៏ដោយ បើទោះបីជាមិនបានបញ្ជាក់ថាពួកគេនឹងអាចវិលត្រឡប់វិញទៅកាន់ទីផ្សាររុស្ស៊ី ឬយ៉ាងណានោះទេ ប៉ុន្តែអ្វីដែលយើងអាចសន្មត់បាននៅពេលនេះក្នុងករណីទី១ដែលពួកគេមិនចង់កាត់ផ្តាច់ចេញពីទីផ្សាររុស្ស៊ីដែលជាទីផ្សារដ៏ធំបំផុតមួយផង និងមួយករណីទៀតដោយសារតែពួកគេមិនចង់បាត់បង់ម៉ាកពាណិជ្ជកម្មរបស់គេនៅក្នុងប្រទេសរុស្ស៊ី ដែលវានឹងអាចធ្វើឲ្យប៉ះពាល់ដល់កេរ្ត៍ឈ្មោះរបស់ក្រុមហ៊ុននៅក្នុងទីផ្សារប្រើប្រាស់សកល៕
Account
Security
Favourite Content