សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងទៅតាមប្រភពព័ត៌មានពីរ៉យទ័រ បានរាយការណ៍ថា ធនាគារកណ្តាលនៅបណ្តាប្រទេសជុំវិញពិភពលោកកំពុងចៀសឆ្ងាយពីប្រាក់ដុល្លារអាមេរិក ហើយបង្វែរការយកចិត្តទុកដាក់ទៅរកមាសវិញ ដែលជាទ្រព្យសម្បត្តិដែលមានសុវត្ថិភាព ខណៈដែលក្នុងរយៈពេល ៦ ខែកន្លងមកនេះ តម្លៃទំនិញបានឡើងថ្លៃ ២០ ភាគរយ ដោយតម្រូវការមិនមែនមកពីអ្នកវិនិយោគធំ និងតូច ដែលស្វែងរកអត្រាការប្រាក់ទាបនោះទេ ប៉ុន្តែមកពីធនាគារកណ្តាល។
យោងតាមអ្នកជំនាញវិនិយោគមួយចំនួន បានលើកឡើងថា អ្នកមានទ្រព្យសម្បត្តិ និង អ្នកមានអំណាចកំពុងកាត់បន្ថយការទុកដាក់ប្រាក់ដុល្លាររបស់ពួកគេយ៉ាងខ្លាំង ហើយស្វែងរកជម្រើសផ្សេងដែលមានសុវត្ថិភាព។ បច្ចុប្បន្ននេះ ធនាគារកណ្តាលមានកំណត់ត្រាមួយដែលបង្ហាញថា តម្រូវការមាសជាសកលប្រចាំខែមានអត្រា ៣៣ ភាគរយ ហើយអត្រាទិញមាសកំពុងកើនឡើងដូចគ្នា ដែលកំណត់ត្រានេះចាប់ផ្តើមមានតាំងពីឆ្នាំ ១៩៥០ មកម៉្លេះ។
យោងតាមប្រភពដដែលបានបង្ហាញថា ការកើនឡើងនៃការទិញនេះបានជួយជំរុញឱ្យតម្លៃមាសឡើថ្លៃ និង ម៉ូតមាសច្រើនជាង ៥០ ភាគរយពឹងផ្អែកលើអត្រាការប្រាក់។ អ្នកទិញមាសទាំងនោះ គឺជាធនាគារកណ្តាលកំពូលទាំងប្រាំបួនគឺនៅក្នុងបណ្តាប្រទេសអភិវឌ្ឍន៍ ដែលរួមទាំងប្រទេសរុស្ស៊ី ឥណ្ឌា និងចិន ហើយមិនមែនចៃដន្យទេដែលប្រទេសទាំងបីនេះកំពុងពិភាក្សាជាមួយប្រេស៊ីល និងអាហ្វ្រិកខាងត្បូង អំពីការបង្កើតរូបិយប័ណ្ណថ្មីដើម្បីប្រជែងនឹងប្រាក់ដុល្លារ។ ទោះជាយ៉ាងណាក្តី មាសក៏អាចបង្កើនសម្ពាធទណ្ឌកម្មដែលធ្វើឡើងដោយសហរដ្ឋអាមេរិក និងសម្ព័ន្ធមិត្តរបស់ខ្លួនជាមួយ ដោយប្រទេសជាច្រើនរហូតដល់ ៣០ ភាគរយប្រឈមមុខនឹងការពិន័យអន្តរជាតិ ពោលគឺឡើងថ្លៃជាង ១០ ភាគរយ។
ដូច្នេះហើយ មាសគឺជាទ្រព្យសម្បត្តិមានតម្លៃបំផុត ដែលឥឡូវជាគ្រឿងដ៏មានតម្លៃមួយរបស់ធនាគារកណ្តាលសម្រាប់ទប់ទល់នឹងប្រាក់ដុល្លារ។ ស្របពេលនេះដែរ ប្រទេសមួយចំនួនបានចាប់ផ្តើមស្វែងរកជម្រើសផ្សេងក្រៅពីប្រាក់ដុល្លារ បន្ទាប់ពីឃើញទ្រព្យសម្បត្តិរបស់រុស្ស៊ីត្រូវបានបង្កកនៅបរទេស រួមទាំងត្រូវបានកាត់ផ្តាច់ពីប្រព័ន្ធផ្លាស់ប្តូរហិរញ្ញវត្ថុសកល SWIFT ទៀតផង។ តាមរយៈការមើលឃើញបែបនេះ ប្រទេសទាំងនោះគិតថាប្រទេសណាមួយអាចជាគោលដៅបន្ទាប់ ហើយអ្នកជំនាញជាច្រើនបានយល់ឃើញថា អាមេរិកបានមើលឃើញថាការដាក់ទណ្ឌកម្មគឺជាវិធីមិនចំណាយប្រាក់ក្នុងការប្រយុទ្ធជាមួយរុស្ស៊ី ប៉ុន្តែជាក់ស្តែងខ្លួនបានចំណាយប្រាក់ដុល្លារាប់លានសម្រាប់ទីក្រុងវ៉ាស៊ីនតោន ខណៈដែលសម្ព័ន្ធមិត្តដូចជាថៃ និងហ្វីលីពីន បានចាប់ផ្តើមស្វែងរកជម្រើសផ្សេងមកជំនួសប្រាក់ដុល្លារ៕
Account
Security
Favourite Content