ភ្នំពេញ ៖ រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងថ្នាក់ដឹកនាំ បានជួបពិភាក្សាការងារជាមួយប្រតិភូ EU-ASEAN Business Council និង EuroCham កម្ពុជា និងបានស្វាគមន៍សម្រាប់កិច្ចសហប្រតិបត្តិការ ស្វែងរកឱកាសវិនិយោគវិស័យកសិកម្មនៅកម្ពុជា ខណៈកម្ពុជាកំពុងផ្តោតសំខាន់លើគុណភាព រសជាតិ សុវត្ថិភាព តាមរយៈការផលិតផលិតផល ដែលមានតម្លៃបន្ថែមខ្ពស់ ជាជាងការបង្កើនបរិមាណ។

ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានគូសបញ្ជាក់អំពីគោលនយោបាយស្នូលរបស់កម្ពុជា ដែលផ្ដោតលើការអភិវឌ្ឍ ព្រមទាំងនិរន្តរភាពសន្តិសុខ និងសុវត្ថិភាពស្បៀង។ កម្ពុជាមានសក្តានុពលនៅកម្រិត Up Stream និងមានសន្តិសុខស្បៀង ព្រមទាំងមានអតិរេកស្រូវប្រមាណ ៦.៥លានតោនក្នុងមួយឆ្នាំ ដែលជាឱកាសសម្រាប់អ្នកវិនិយោគលើការកែច្នៃប្រកបដោយគុណភាព និងមានតម្លៃបន្ថែមខ្ពស់សម្រាប់នាំចេញ។

ឯកឧត្តម ឌិត ទីណា ក៏បានលើកឡើងអំពីសហគមន៍កសិកម្មតាមគំរូថ្មី នៅក្នុងវិស័យកសិកម្ម ដែលនឹងដើរតួនាទីយ៉ាងសំខាន់ក្នុងខ្សែច្រវាក់ផ្គត់ផ្គង់ក្នុងកម្រិតទ្រង់ទ្រាយធំ ធានាគុណភាព តាមស្តង់ដារគោលនយោបាយសម្រាប់នាំចេញ និងមានលទ្ធភាពគ្រប់គ្រាន់ក្នុងការអនុវត្តកសិកម្មតាមកិច្ចសន្យា ដែលនឹងផ្តល់ផលចំណេញដល់កសិ​ករ និងអ្នកវិនិយោគ ជាមួយនឹងផលិតផលកសិកម្ម មានជាអាទ៍ ម្រេចកំពត អង្ករផ្ការំដួល និងសែនក្រអូបជាដើម និងបានណែនាំឱ្យភាគីដៃគូ សហការជាមួយអគ្គនាយកដ្ឋានជំនាញសិក្សា និងស្វែងយល់បន្ថែមក្នុងការវិនិយោគនាំចេញកសិផលកម្ពុជា ទៅសហគមអឺរ៉ុប ពិសេសអង្ករ និងស្វាយចន្ទី ព្រមទាំងផលិតផលកសិកម្មដែលមានសក្តានុពលផ្សេងៗទៀត។

​ក្នុងរយៈប៉ុន្មាន​ឆ្នាំចុងក្រោយនេះ​​ ​ ​កម្ពុជា​បាន​ក្លាយ​ជា​តួអង្គ​សំខាន់នៃប្រទេស ​ក្នុង​ឧស្សាហកម្ម​អង្ករ ​ដោយវិ​ស័​យ​ស្រូវ​អង្ករ​របស់​​កម្ពុជា​មាន​ជាង​៧​០​% ​នៃ​ផ្ទៃដី​ដាំ​ដុះ​កសិកម្ម​របស់​ខ្លួន​ ​ហើយ​រួមចំណែក​ប្រហែល​ ​៥​០​% ​ដល់​ទិន្ន​ផល​កសិកម្ម​របស់​ប្រទេស​។​ ​ជាង​នេះ​ទៅទៀត​ ​ទី​ផ្សារ​អង្ករ​កម្ពុជា​មានការ​រីក​ចម្រើន​យ៉ាង​ខ្លាំង​ក្នុងរយៈពេល​ពីរ​   ទ​ស​វត្សរ៍​ចុងក្រោយ​នេះ​ ​ដោយ​អ​តិ​រេ​ក​ការ​ផលិត​ ​រក​ច្រក​ចូល​ទៅកាន់​ទី​ផ្សារ​អន្តរជាតិ​ធំ​ៗ​ ​ជាពិសេស​ទី​ផ្សារ​អឺរ៉ុប​។​

រដ្ឋាភិបាល​កម្ពុជា​ ​ទទួលស្គាល់​គន្លង​កើន​ឡើង​នេះ​ ​ដោយ​បាន​ដាក់​ចេញ​កំណែ​ទម្រង់​គោល​នយោបាយ​ដើម្បី​បង្កើន​ផលិតកម្ម​ស្រូវ​ ​និង​ដាក់​អង្ករ​កម្ពុជា​ឱ្យ​លេចធ្លោ​នៅ​លើ​ផែនទីពិភពលោក​។​ ជាមួយនឹង​រោងចក្រ​ ​និង​សមត្ថភាព​ប្រតិបត្តិការ​ទំនើប​ៗ​របស់​ខ្លួន​ ​គឺក្រុមហ៊ុន​ ​Long​ ​Grain​ ​Co​. ​L​t​d​ ​ ជា​សហគ្រាស​ផលិត​ ​និង​ចែកចាយ​អង្ករ​ពិសេស​មួយ ​មាន​ទីតាំងនៅ​ក្នុង​ខេត្ត​កំពង់ស្ពឺ​នៃ​ប្រទេស​កម្ពុជា​ ​​ត្រូវ​បាន​បង្កើត​ឡើង​ដើម្បីធ្វើការ​ផលិត ​និង​ចែកចាយ​អង្ករ​ចូល​ទៅ​ក្នុង​ទី​ផ្សារ​អង្ករ​សកល​ ​។​

​ក្រុមហ៊ុន​រំពឹង​ថា​ ​រោងចក្រ​​នឹង​បង្កើន​ផលិតកម្ម​ ​ពី​ ​៣​៣​ ០​០​០​តោន​ក្នុង​មួយ​ឆ្នាំ​ ​ដល់​ ​២​០​០​ ០​០​០​តោន​នៅ​ឆ្នាំ​២​០​២​៥​ ​ទន្ទឹម​នឹង​ពង្រីក​ទៅ​ផ្នែក​ផ្សេងទៀត​ដូចជា​ទឹកដោះគោ​អង្ករ​ ​នំ​អង្ករ​ ​គ្រាប់អង្ករ ​និង​ប្រេង​អង្ករ​ ដែលជាឧត្តមភាព​ ​និង​ចក្ខុវិស័យ​សម្រាប់​អនាគត​។​ ​

ដោយឡែក សហព័ន្ធស្រូវអង្ករកម្ពុជា (CRF) កាលពីពេលថ្មីៗនេះបានចូលរួមពិព័រណ៍នៅទីក្រុងខឹឡូញ​Colo​g​ne ប្រទេសអាល្លឺម៉ង់ ។ ពួកគេរំពឹងថានឹងទទួលបានចំណែកទីផ្សារកាន់តែច្រើននៅអឺរ៉ុប សម្រាប់អង្ករក្រអូបនាពេលខាងមុខ។ ក្នុងក្តីរំពឹងខ្ពស់សហព័ន្ធស្រូវអង្ករកម្ពុជា (CRF) ជាឧស្សាហកម្មឈានមុខគេថាអង្ករក្រអូប និងអង្ករសរីរាង្គរបស់ប្រទេសកម្ពុជា អាចពង្រីកទីផ្សារអឺរ៉ុបរបស់ខ្លួន បន្ទាប់ពីពិព័រណ៍ពាណិជ្ជកម្មអាហារ Anuga ឆ្នាំ ២០២៣ នៅទីក្រុងCologneប្រទេសអាល្លឺម៉ង់។

ឧកញ៉ា ចាន់ សុខឃាង ប្រធានសហព័ន្ធស្រូវអង្ករកម្ពុជា CRF រួមជាមួយនឹងក្រសួងពាណិជ្ជកម្ម ក្រសួងសេដ្ឋកិច្ច និងហិរញ្ញវត្ថុ និងដៃគូអភិវឌ្ឍន៍នានា បានសម្របសម្រួលដល់ការចូលរួមរបស់រោងម៉ាស៊ីនកិនស្រូវកំពូលទាំង ៨ នៅក្នុងព្រឹត្តិការណ៍ថ្ងៃទី ៦-១១ ខែតុលា ឆ្នាំ២០២៣កន្លងទៅ។

សូមបញ្ជាក់ថា កម្ពុជាមានអង្ករក្រអូប និងអង្ករស ដូចជា សែនក្រអូប០១ និងពូជផ្ការំដួល ដែលបានឈ្នះពានរង្វាន់អង្ករល្អបំផុតរបស់ពិភពលោកក្នុងឆ្នាំ២០២២ សម្រាប់ការនាំចេញទៅកាន់ទីផ្សារ EU និងបណ្តាប្រទេសមួយចំនួនទៀត៕