សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ជាការពិត ការហូរចូលមកនូវប្រព័ន្ធឌីជីថលបានធ្វើឱ្យមានការប្រែប្រួលយ៉ាងខ្លាំងនៅក្នុងស្ថានភាពរស់នៅប្រចាំថ្ងៃរបស់ប្រជាជនកម្ពុជាដែលកាន់តែមានភាពទំនើបកម្មជាងមុន ជាពិសេសបណ្តាមិត្តយុវវ័យកាន់តែមានទំនោរគាំទ្រទៅលើអ្វីដែលថ្មី ប្លែក និងទំនើប។ ជាក់ស្ដែង ចំពោះអាជីវកម្មណាដែលមានបញ្ចូលនូវភាពច្នៃប្រតិដ្ឋ ការតុបតែងបែបទំនើប ថ្មី ហើយប្លែក គេតែងឃើញយុវជនមានការចាប់អារម្មណ៍ និងគាំទ្រយ៉ាងកុះករ។ និយាយជារួម ចង់ ឬមិនចង់ ម្ចាស់អាជីវកម្មក្នុងសម័យបច្ចុប្បន្ននេះ ចាំបាច់ត្រូវដើរតាមទំនោររបស់មនុស្សសម័យថ្មី។
ជាក់ស្ដែង កាលពីថ្ងៃទី២៧ ខែមីនា កន្លងទៅនេះ គេឃើញមានបណ្តាយុវជនដែលភាគច្រើនជាសិស្ស និស្សិត បានចូលរួមគាំទ្រយ៉ាងកុះករនូវការដាក់សម្ពោធទីតាំងលក់តែគុជមួយកន្លែង ដែលមានឈ្មោះ ធីឡាយ ស្ថិតនៅជិតសកលវិទ្យាល័យភូមិន្ទភ្នំពេញ ខណៈដែលគេក៏បានដឹងច្បាស់ថា ទីតាំងហាងតែគុជបែបទំនើបមួយនេះជាសាខាទី៣ និងមានប្រភពមកពីប្រទេសម៉ាឡេស៊ី ។
ជាយុទ្ធសាស្ត្រក្នុងការចាប់យកចំណែកទីផ្សារគោលដៅរបស់ខ្លួន និងស្របទៅនឹងទំនោរថ្មីរបស់យុវជនសម័យថ្មីនាពេលបច្ចប្បន្ននេះដែរ យីហោតែគុជធីឡាយបានផ្ដល់ជូននូវសេវាកម្មជាច្រើនរួមជាមួយនឹងកម្មវិធីលើកទឹកចិត្តអតិថិជនមួយចំនួនទៀតដូចជាការលក់បញ្ចុះតម្លៃ ការបន្ថែមជូននូវការដូភ្លាមៗគ្រប់ពេលមានការជាវផលិតផលរបស់ខ្លួន។
ជាមួយនឹងសាខាថ្មីនេះផងដែរ ទីតាំងលក់តែគុជបែបយុវវ័យមួយនេះ ក៏បានផ្ដោតការយកចិត្តទុកដាក់ទៅលើការរៀបចំទីធ្លាឱ្យធំទូលាយ ស្រស់ស្អាត ក៏ដូចជាផ្ដល់ជូននូវសេវាអ៊ីនធឺណេតរហ័ស ដែលកាន់តែផ្ដល់ភាពងាយស្រួលក្នុងការអង្គុយធ្វើកិច្ចការងារបែបឯកជនភាព ក៏ដូចជាក្រុមផ្សេងៗ។ ក្រៅពីនេះ ជាគំនិតថ្មីខុសប្លែកពីអាជីវកម្មផ្សេង ធីឡាយ ថែមទាំងផ្ដល់ជូនសេវាព្រីនឯកសារសម្រាប់សិស្ស-និស្សិតដោយមិនគិតថ្លៃទៀតផង។ ចំណុចទាំងអស់នេះហើយ ដែលអាជីវកម្មបែបទំនើបព្យាយាមផ្ដល់ជូនដើម្បីទាក់ទាញអតិថិជនសម័យឌីជីថលនេះ។
គួរបញ្ជាក់ថា យីហោតែគុជធីឡាយនេះ ត្រូវបាននាំចូលមកកម្ពុជាតាមរយៈក្រុមហ៊ុន HSC Food and Beverage កាលពីឆ្នាំ២០២១ ហើយក្រៅពីកម្ពុជា យីហោតែគុជមួយនេះ បាន និងកំពុងចរាចរណ៍នៅតាមបណ្ដាប្រទេសមួយចំនួនដូចជា ប្រទេសអង់គ្លេស កាណាដា មីយ៉ាន់ម៉ា វៀតណាម ហ្វីលីពីន ព្រុយណេ ម៉ាឡេស៊ី អូស្ត្រាលី ម៉ូរូទីស៕
Account
Security
Favourite Content