អាជីវកម្មបរិយាបន្នចំនួន ៤ ដែលជួយដល់កសិករខ្នាតតូចនៅប្រទេសឥណ្ឌា

បរទេស ៖ យោងតាមប្រភពពីគណៈកម្មការសេដ្ឋកិច្ច និងសង្គមប្រចាំតំបន់អាស៊ីប៉ាស៊ីហ្វិក (ESCAP) របស់អង្គការសហប្រជាជាតិបានបង្ហាញពីអាជីវកម្មបរិយាបន្នចំនួន ៤ ជាគំរូនៅក្នុងប្រទេសឥណ្ឌា ដែលរួមចំណែកដល់វិស័យកសិកម្មរបស់ឥណ្ឌាប្រកបដោយនិរន្តរភាព សមភាព និងវិបុលភាព។

ស្របពេលដែលអាជីវកម្មបរិយាបន្នទាំងនោះបន្តរីកចម្រើន និងច្នៃប្រតិដ្ឋ ពួកគេមិនត្រឹមតែលើកកំពស់កសិករប៉ុណ្ណោះទេ ប៉ុន្តែថែមទាំងត្រួសត្រាយផ្លូវសម្រាប់អនាគតដ៏ត្រចះត្រចង់សម្រាប់កសិកម្មឥណ្ឌាផងដែរ។ ជាមួយនឹងការគាំទ្រ និងការវិនិយោគ អាជីវកម្មទាំងនេះមានសក្តានុពលក្នុងការជំរុញការផ្លាស់ប្តូរយ៉ាងទូលំទូលាយ និងផ្លាស់ប្តូរជីវិតមនុស្សរាប់លាននាក់នៅទូទាំងប្រទេស។ យ៉ាងណាក៏ដោយ ទោះបីជាវិស័យកសិកម្មគឺជាបេះដូងនៃប្រទេសឥណ្ឌា ប៉ុន្តែកសិករខ្នាតតូចមានចំណែកប្រហែល ៧០ នៅក្នុងឧស្សាហកម្មបានប្រឈមមុខនឹងឧបសគ្គធំមួយ គឺលទ្ធភាពទទួលបានកម្ចី និងធនធានពីស្ថាប័នផ្លូវការនៅមានកម្រិត។ ផ្ទុយទៅវិញ ពួកគេត្រូវបង្ខំចិត្តងាកទៅរកកម្ចីក្រៅផ្លូវការ ដែលមានអត្រាការប្រាក់ខ្ពស់ហួសហេតុ។ ការពឹងផ្អែកលើហិរញ្ញវត្ថុក្រៅផ្លូវការនេះបង្កឱ្យមានការជំពាក់បំណុលដ៏ធ្ងន់ធ្ងរ និងប៉ះពាល់ដល់កម្រិតសមត្ថភាពរបស់ពួកគេក្នុងការចូលរួមបណ្តាក់ទុនដែលអាចបង្កើនប្រាក់ចំណូល។ មិនត្រឹមតែប៉ុណ្ណោះ ភាគច្រើនកសិកស្ត្រីមិនត្រូវបានរាប់បញ្ចូលក្នុងផ្នែកហិរញ្ញវត្ថុនោះទេ ដោយពួកគេប្រឈមមុខនឹងលទ្ធភាពទាបក្នុងការទទួលបានឥណទាន ខណៈដែលពួកគេខ្វះចំណេះដឹងទាក់ទងនឹងសេវាកម្មហិរញ្ញវត្ថុ និងការគ្រប់គ្រងផងដែរ។

ខុសគ្នាពីបណ្តាអាជីវកម្មដូចដែលបានលើកឡើងខាងលើនេះ អាជីវកម្មបរិយាបន្ន Dvara E-Registry ដែលអាជីវកម្ម Agri FinTech ត្រូវបានបង្កើតឡើងក្នុងឆ្នាំ២០១៩ បានផ្តល់នូវដំណោះស្រាយហិរញ្ញវត្ថុ សេវាកម្មកសិកម្ម និងការវិភាគ ស្របតាមតម្រូវការរបស់កសិករដែលខ្វះខាតដោយផ្តោតលើការពង្រឹងសមត្ថភាពរបស់កសិករតាមរយៈអង្គការកសិករផលិតករ (FPOs)។ លើសពីនេះ កសិករជាង ៦១ ០០០ នាក់ ដោយក្នុងនោះមានស្ត្រី ១៥ ០០០ នាក់បានចុះឈ្មោះនៅក្នុង Dvara E-Registry រួចហើយ។

មិនត្រឹមតែប៉ុណ្ណោះ ភាគច្រើនៃកសិករចិញ្ចឹមគោយកទឹកដោះទទួលរងយ៉ាងខ្លាំងពីផលិតភាពទឹកដោះទាប ដោយសារកត្តាមួយចំនួនដូចជា ពូជខ្សោយ, ចំណីគ្មានគុណភាព, និងកង្វះចំណេះដឹងទាក់ទងនឹងការអនុវត្តការគ្រប់គ្រងទឹកដោះគោប្រកបដោយគុណភាព។ លើសពីនេះ ផលិតភាពទាបនៅក្នុងវិស័យនេះរារាំងដល់ប្រាក់ចំណូលរបស់កសិករ និងរារាំងការប្រកួតប្រជែងរបស់ពួកគេ ខណៈដែលមនុស្សជាច្រើនខ្វះការបណ្តុះបណ្តាលជាផ្លូវការនៅក្នុងផ្នែកសំខាន់ៗដូចជា ការថែទាំសុខភាពសត្វ ការអនុវត្តការយកទឹកដោះគោ និងចំណេះដឹងទីផ្សារ។

ដោយឡែក អាជីវកម្មបរិយាបន្ន Sids Farm ក៏បានចូលរួមចំណែកជួយដល់កសិករផងដែរតាមរយៈការផ្តល់ជូននូវសេវាកម្មដូចជា បង្កើនសមត្ថភាព ការបណ្តុះបណ្តាលក្នុងការគ្រប់គ្រងទឹកដោះគោ ការទិញដោយផ្ទាល់ និងការរួមបញ្ចូលកសិករទៅក្នុងខ្សែសង្វាក់តម្លៃរបស់ពួកគេ។ តាមរយៈវិធីសាស្រ្តនេះ Sids Farm គាំទ្រកសិករចិញ្ចឹមគោយកទឹកដោះខ្នាតតូចជាង ៤ ៥០០ នាក់ ដោយផ្តល់ជំនួយសំខាន់ទៅកាន់ពួកគេក្នុងការថែទាំសត្វ ទំនាក់ទំនងហិរញ្ញវត្ថុ និងការចូលទៅក្នុងទីផ្សារ។

មួយក្នុងចំណោម៤នៃអាជីវកម្មបរិយាបន្នដែលបានចូលរួមជួយដោះស្រាយបញ្ហា និងភាពប្រឈមរបស់កសិករក្នុងវិស័យកសកម្មនៅឥណ្ឌា Cornext ដែលជាប្រភេទក្រុមហ៊ុន AgriTech ក៏បានជួយដោះស្រាយបញ្ហាឱនភាពផ្នែកចំណីដែលកសិករចិញ្ចឹមគោយកទឹកដោះប្រឈមមុខ។ កង្វះខាតចំណីគុណភាពនៅឥណ្ឌាបានបង្កជាបញ្ហាប្រឈមយ៉ាងសំខាន់ចំពោះវិស័យផលិតទឹកដោះគោ។ មិនត្រឹមតែប៉ុណ្ណោះ ឱនភាព​នេះ​​នាំ​ឱ្យ​តម្លៃ​ចំណី​ឡើង​ថ្លៃ​ធ្វើ​ឱ្យ​បន្ទុក​ហិរញ្ញវត្ថុរបស់​កសិករកាន់តែធ្ងន់ធ្ងរ។ យ៉ាងណាក៏ដោយ ទោះបីជាមានបច្ចេកវិទ្យា baling និងដំណោះស្រាយ silage ក៏ដោយ ដោយសារតែការចំណាយច្រើនហួសហេតុ ទំហំធំ និងបញ្ហាផ្នែកដឹកជញ្ជូន ពួកគេនៅតែមិនអាចចូលទៅជួយដោះស្រាយដល់កសិករខ្នាតតូចដោយផ្ទាល់នៅឡើយ។ ដូច្នោះហើយ Cornext បានរៀបចំបច្ចេកវិទ្យាវេចខ្ចប់ និងការផលិតចំណីរបស់ខ្លួនដើម្បីជួយកសិករ កាត់បន្ថយការចំណាយលើហេដ្ឋារចនាសម្ព័ន្ធ និងដើម្បីអាចចូលទៅដល់កសិករខ្នាតតូចនៅតំបន់ដាច់ស្រយាល។ តាមរយៈការផ្តល់ដំណោះស្រាយសមស្របដល់កសិករដើម្បីកែលម្អបច្ចេកទេសថែរក្សាចំណីរបស់ពួកគេ ក្រុមហ៊ុនបានគ្រប់គ្រងកសិករចិញ្ចឹមគោយកទឹកដោះ ១៦ ០០០ នាក់នៅក្នុងប្រទេសឥណ្ឌា ហើយអាចជួយបង្កើនផលិតភាពការផលិតទឹកដោះ និងការផ្តល់អត្ថប្រយោជន៍បន្ថែមទៀតដល់កសិករដែលខ្វះខាត។

ក្រៅពីបញ្ហាខាងលើដែលត្រូវបានដោះស្រាយ គេសង្កេតឃើញនៅមានបញ្ហាផ្សេងទៀត ដោយបើទោះបីជាឥណ្ឌាមានភាពសម្បូរបែបទៅដោយគ្រឿងទេសក៏ដោយ ប៉ុន្តែនេះមិនមានន័យថា វាបានជួយបង្កើនប្រាក់ចំណូលសម្រាប់កសិករខ្នាតតូចដែលជាអ្នកដាំដុះនោះទេ។ ប្រសិនបើវិធីសាស្រ្តធ្វើកសិកម្មឡើងវិញត្រូវបានអនុវត្តនៅក្នុងខ្សែសង្វាក់ផ្គត់ផ្គង់ប្រកបដោយនិរន្តរភាពជាងនេះ កសិករនឹងទទួលបានផលចំណេញផ្នែកសេដ្ឋកិច្ច និងបរិស្ថាន។ យ៉ាងណាមិញ ការផ្លាស់ប្តូររបរកសិកម្មលក្ខណៈគ្រួសារតច្រើនជំនាន់វាមិនមែនជាកិច្ចការងាយស្រួលនោះទេ។ សូម្បីតែក្មេងជំនាន់ក្រោយដែលមានបំណងធ្វើដូច្នេះក៏នៅខ្វះការបណ្តុះបណ្តាលចំណេះដឹង និងសេវាកម្មនៅក្នុងដំណាក់កាលក្រោយផលិតកម្ម ដែលនឹងផ្តល់ឱ្យពួកគេនូវប្រាក់ចំណូលកាន់តែប្រសើរសម្រាប់ការខិតខំនៅឡើយ។

ជាការឆ្លើយតប និងដោះស្រាយបញ្ហានេះ ក្រុមហ៊ុន Jayanti Herbs & Spices បានផ្តោតលើការលើកកម្ពស់ការដាំដុះគ្រឿងទេសប្រកបដោយនិរន្តរភាព ការបង្កើតឡើងវិញ ផ្តល់ការបណ្តុះបណ្តាល ការគាំទ្រ និងការទិញពីកសិករដោយផ្ទាល់ ដែលជាគន្លឹះក្នុងការបង្កើនទីផ្សារ និងប្រាក់ចំណូលរបស់កសិករខ្នាតតូចទាំងនោះ។ មិនត្រឹមតែប៉ុណ្ណោះ តាមវិធីសាស្ត្រទាំងនេះអាចធ្វើឲ្យសង្វាក់ផ្គត់ផ្គង់នឹងកាន់តែមាននិរន្តរភាព ហើយគ្រឿងទេសដែលដាំដុះនឹងសមស្របតាមស្តង់ដារទីផ្សារអន្តរជាតិ ដោយផ្តល់ឱ្យកសិករទាំងនេះនូវលទ្ធភាពទទួលបានទីផ្សារកាន់តែប្រសើរឡើង តម្លៃកាន់តែខ្ពស់។

ទោះជាយ៉ាងណាក្តី លទ្ធភាពទទួលបានហិរញ្ញវត្ថុនៅតែជាបញ្ហាប្រឈមសម្រាប់អាជីវកម្មបរិយាបន្នដែលមានគោលបំណងពង្រីកប្រតិបត្តិការរបស់ពួកគេ។ ប្រសិនបើមានការពិភាក្សាពីភាគីពាក់ព័ន្ធច្រើននៅក្នុងវិស័យអាជីវកម្មបរិយាបន្ននេះ វាអាចដើរតួជាកត្តាជំរុញសម្រាប់អាជីវកម្មទាំងនេះក្នុងការភ្ជាប់ទំនាក់ទំនងជាមួយអ្នកវិនិយោគ អង្គការ និងក្រុមគាំទ្រនានា ដែលនឹងជួយឱ្យអាជីវកម្មរបស់ពួកគេកាន់តែរីកចម្រើន៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

កម្ពុជា នឹងធ្វើជាម្ចាស់ផ្ទះ«វេទិកាសហគ្រិន និងពានរង្វាន់សហគ្រិនអាស៊ាន២០២៤» ជាលើកដំបូង

ព្រឹត្តិការណ៍, សេដ្ឋកិច្ច

• 18/07/2024

ព្រះរាជាណាចក្រកម្ពុជា នឹងធ្វើជាម្ចាស់ផ្ទះរៀបចំ«វេទិកាសហគ្រិន និងពានរង្វាន់សហគ្រិនអាស៊ាន២០២៤» ជាលើកដំបូងក្នុងប្រវត្តិសាស្ត្រ

ក្រុមប្រទេស​ G7 គ្រោងផ្តល់កម្ចី ៥០ ពាន់លានដុល្លារជួយអ៊ុយក្រែនកសាងប្រទេសឡើងវិញ

ព្រឹត្តិការណ៍, សេដ្ឋកិច្ច

• 18/07/2024

ក្រុមប្រទេស G7 បានឈានដល់កិច្ចព្រមព្រៀងមួយស្តីពីការប្រើប្រាស់ការប្រាក់ពីការបង្កកមូលនិធិរុស្ស៊ី ដោយគ្រោងផ្តលកម្ច ៥០ ពាន់លានដុល្លារក្នុងការជួយអុយក្រែ

​គម្រោង​ខុនដូ​​ចំនួន​៤​ រំពឹងថានឹង​បញ្ចប់​នៅក្នុងឆ្នាំ២០២៤​នេះ ដោយមានជិត​២៥០០យូនីត​បន្ថែម​

ព្រឹត្តិការណ៍, អចលនទ្រព្យ

• 18/07/2024

គម្រោង​ខុនដូ​ចំនួន​៤ទៀត រំពឹងថា​នឹង​បញ្ចប់​ទាំងស្រុង និងដាក់ចូលទីផ្សារនៅក្នុងឆ្នាំ២០២៤ ដែលនឹងកើនឡើងប្រមាណ ​២៥០០យូនីតបន្ថែមទៀត

តម្លៃមាសឡើងថ្លៃដល់កម្រិតខ្ពស់ជិតដល់ ២ ៥០០ ដុល្លារក្នុងមួយអោន

ព្រឹត្តិការណ៍, សេដ្ឋកិច្ច

• 18/07/2024

តម្លៃមាសនៅលើទីផ្សារអន្តរជាតិបានឡើងថ្លៃដល់កម្រិតខ្ពស់ ២ ៤៨០ ដុល្លារក្នុងមួយអោន ហើយតម្លៃមាសអាចនឹងឡើងថ្លៃដល់ ៣ ០០០ ដុល្លារក្នុងមួយអោនក្នុងរយៈពេល ១២ខែបន្ទាប់

ស្វែងយល់ពីប្រភេទសេវាប្រាក់បញ្ញើចម្បងៗចំនួន ៣​ ដែលកំពុងដំណើរការនៅកម្ពុជា

ព្រឹត្តិការណ៍, ហិរញ្ញវត្ថុ

• 18/07/2024

សេវាប្រាក់បញ្ញើ គឺសេវាហិរញ្ញវត្ថុដែលផ្តល់ដោយគ្រឹះស្ថានធនាគារ និងហិរញ្ញវត្ថុ ដើម្បីឱ្យសាធារណជនអាចដាក់ប្រាក់រក្សាទុកក្នុងគណនីធនាគារ ដើម្បីសន្សំ ទូទាត់

អ្នកជាប់ពន្ធត្រៀម ! ពន្ធដារ នឹងចុះធ្វើសវនកម្មដល់ទីកន្លែងលើសហគ្រាសជាង៣០០០ ក្នុងឆ្នាំ២០២៤

ព្រឹត្តិការណ៍, សេដ្ឋកិច្ច

• 18/07/2024

អគ្គនាយកដ្ឋានពន្ធដារ បានចេញសេចក្តីប្រកាសថា មន្ត្រីជំនាញពន្ធដារនឹងចុះធ្វើសវនកម្មដល់ទីកន្លែងលើសហគ្រាសជាង៣០០០ ក្នុងឆ្នាំ២០២៤

សម្ដេចធិបតី ហ៊ុន ម៉ាណែត ណែនាំឱ្យធនាគារជាតិនៃកម្ពុជាជួយសម្រួលដល់ការធ្វើចរាចរណ៍ប្រាក់ដុល្លារ

ព្រឹត្តិការណ៍, ហិរញ្ញវត្ថុ

• 18/07/2024

សម្ដេចធិបតី ណែនាំឱ្យធនាគារជាតិនៃកម្ពុជាជួយសម្រួលដល់ការធ្វើចរាចរណ៍ប្រាក់ដុល្លាររបស់ភ្ញៀវទេសចរក្នុងករណីទក់ ចាស់ ឬដាច់បន្ដិចបន្តួច

ហ្វីលីពីន និងចិន កាត់បន្ថយកំដៅនៃភាពប្រឈមមុខដាក់គ្នាផ្នែកយោធានៅសមុទ្រចិនខាងត្បុង

ព្រឹត្តិការណ៍, អាជីវកម្មថ្មី និងនវានុវត្ត

• 18/07/2024

ភាគីចិន និងហ្វីលីពីន បានឈានទៅដល់ការសម្រេចចិត្តរួមគ្នាមួយក្នុងការបង្កើនប្រសិទ្ធភាពនៃទំនាក់ទំនងគ្នាឡើងវិញ

កិច្ចប្រជុំពេញអង្គលើកទី៣នៃបក្សកុម្មុយនីស្តចិនធ្វើឡើងចំពេលសេដ្ឋកិច្ចមានកំណើនយឺតយ៉ាវ

ព្រឹត្តិការណ៍, សេដ្ឋកិច្ច

• 18/07/2024

ចិនបន្តជួបបញ្ហារាំងស្ទះជាច្រើនក្រោយពេលវិបត្តិកូវីដដែលរួមមានបញ្ហាបំណុលក្នុងវិស័យអចលនទ្រព្យ និងបញ្ហានៃការធ្លាក់ចុះទំនុកចិត្តទីផ្សារជាដើម

សម្ដេចតេជោ ហ៊ុន សែន ស្នើជប៉ុន​បង្កើន​ការ​វិនិយោគ​បន្ថែម​នៅ​កម្ពុជា​ ដើម្បីជំរុញកំណើនសេដ្ឋកិច្ច

ព្រឹត្តិការណ៍, សេដ្ឋកិច្ច

• 17/07/2024

សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានស្នើឱ្យជប៉ុនបង្កើនការវិនិយោ​គ​​បន្ថែមទៀតនៅកម្ពុជា ដើម្បីជំរុញកំណើនសេដ្ឋកិច្ច