សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ផ្សិតប៉ក់ ជាផ្សិតម្យ៉ាងដែលដុះក្នុងធម្មជាតិ និងជាអនុផលព្រៃឈើដ៏សំខាន់សម្រាប់ប្រជាសហគមន៍ ដោយមួយឆ្នាំៗ ផ្សិតប៉ក់នេះអាចរកចំណូលចូលសហគមន៍រហូតដល់រាប់ម៉ឺនដុល្លារ។ ផ្សិតនេះ មានរូបរាងមូល តូចៗ និងដុះនៅតាមតំបន់ណាដែលធ្លាប់មានភ្លើងឆេះពីរដូវប្រាំង។
ដោយសារតែ ការរកផ្សិតនេះមានភាពលំបាក (ដុះខាងក្នុងស្រទាប់ដី) ហើយអត្ថប្រយោជន៍វាចំពោះ សុខភាពក៏មានច្រើន ទើបការប្រមូលទិញផ្សិតនេះមានតម្លៃថ្ងៃ។ ជាទូទៅផ្សិតប៉ក់ ត្រូវបានឈ្មួញទិញ ក្នុងតម្លៃ ៣ម៉ឺនរៀលទៅដល់ ៤ម៉ឺនរៀលក្នុងមួយគីឡូក្រាមឯណោះ។
ផ្សិតប៉ក់មានដុះចាប់ពីចុងខែមីនា រហូតដល់ពាក់កណ្ដាលខែឧសភា ទៅតាមទំហំទឹកភ្លៀង។ វាដុះនៅក្នុងព្រៃស្រោង កន្លែងដែលមានដើមឈើធំៗម្លប់ៗ និងនៅតាមស្មៅក្រាស់ៗដែលមានភាពសើម ដោយដុះផ្ដុំគ្នាប្រញឹកជាគុម្ពៗ។ ក្នុងការដុះម្ដងៗ គឺគេអាចប្រមូលផលបានត្រឹមតែប្រមាណជា ១០ថ្ងៃប៉ុណ្ណោះ ដូច្នេះហើយបានជា រដូវភ្លៀវឆ្នាំនេះ ប្រជាសហគមន៍មមាញឹកក្នុងការចូលព្រៃដើម្បីប្រមូលផលផ្សិតប្រភេទនេះ។
បើតាមក្រសួងបរិស្ថាន នាថ្ងៃទី២២ ខែឧសភា ឆ្នាំ២០២៣ ប្រជាពលរដ្ឋដែលខ្លះមកពីតំបន់ក្បែរៗនោះ និងខ្លះទៀតជាអ្នករស់នៅក្នុងតំបន់ស្រាប់ បានប្រមូលគ្នាចូលទៅប្រមូលផលនៅក្នុងសហគមន៍ ស្រែអំពិលដែលស្ថិតនៅក្នុងខេត្តកំពង់ឆ្នាំង។
លោក សោភា ដែលជាប្រធានសហគមន៍ស្រែអំពិល បានឲ្យដឹងថា ជាទូទៅពលរដ្ឋម្នាក់ អាចរកផ្សិតប៉ក់នេះ ២ ទៅ ៣គីឡូក្រាមក្នុងមួយថ្ងៃ ឬច្រើនជាងនេះ អាស្រ័យទៅតាមតំបន់ និងអាកាសធាតុ។
លោកបន្តឱ្យដឹងថា៖
“បន្ទាប់ពីប៉ះផ្សិតប៉ក់បានពីព្រៃរួចមកប្រជាសហគមន៍នៅទីនេះ គេធ្វើម្ហូបសម្រាប់ហូបចុកក្នុងគ្រួសារផង និង ជាម្ហូបបែបធម្មជាតិសម្រាប់ភ្ញៀវទេសចរណ៍ផង ហើយមុខម្ហូបដែលគេតែងពេញនិយមគឺយកមកស្ងោ រឺឆា ក៏បាន ដោយវាមានរសជាតិឆ្ងាញ់ខុសប្លែកពីផ្សិតទូទៅ។ ក្រៅពីធ្វើម្ហូប ពួកគាត់អាចរកចំណូលពីការលក់ផ្សិតប៉ក់នេះចាប់ពី ៣៧ ០០០រៀល ទៅ ៤០ ០០០ ក្នុងមួយគីឡូក្រាមទៅឱ្យឈ្មួញផងដែរ។”
គួរបញ្ជាក់ថា សហគមន៍ទេសចរណ៍ធម្មជាតិស្រែអំបិលមានសក្កានុពលទេសចរណ៍ដូចជា ទឹកជ្រោះ ព្រៃឈើ រមណីយដ្ឋាន ហើយសហគមន៍នេះក៏ស្ថិតនៅក្នុងតំបន់ការពារធម្មជាតិផងដែរ៕
Account
Security
Favourite Content