សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានស្វាគមន៍យ៉ាងកក់ក្តៅ និងគាំទ្រចំពោះកិច្ចសហប្រតិបត្តិការជាមួយវិទ្យាស្ថានអភិវឌ្ឍន៍បៃតងសកល Global Green Growth Institute (GGGI) លើទស្សនទានសំខាន់ៗពាក់ព័ន្ធអគារបៃតង (green building) និងការរៀបចំក្រុងដែលមានការបំភាយកាបូនទាបបំផុត (low carbon urban design) ដើម្បីការរស់នៅប្រកបដោយសុខដុមក្នុងទីក្រុងទំនើប ស្អាត ឆ្លាត នៃសង្គមសហសម័យក្រោមម្លប់សន្តិភាព។
ការគាំទ្ររបស់ឯកឧត្តមឧបនាយករដ្ឋមន្ត្រី ចំពោះកិច្ចសហប្រតិបត្តិការជាមួយវិទ្យាស្ថានអភិវឌ្ឍន៍បៃតងសកលនេះបានធ្វើឡើងក្នុងជំនួបជាមួយលោកស្រី Kim Shomi តំណាងវិទ្យាស្ថានអភិវឌ្ឍន៍បៃតងសកល កាលពីថ្ងៃទី២៣ខែតុលាឆ្នាំ២០២៣។
នៅក្នុងជំនួបដដែលនោះ ឯកឧត្តម សាយ សំអាល់ បានលើកទឹកចិត្តក្នុងការស្វែងរកប្រភពហិរញ្ញប្បទានបៃតង (green finance) ដើម្បីរួមចំណែកក្នុងការរៀបចំក្រុង និងនគរូបនីយកម្មប្រកបដោយនិរន្តរភាព។
គួរកត់សម្គាល់ថា ការអភិវឌ្ឍបៃតងផ្ដោតលើការអភិវឌ្ឍសេដ្ឋកិច្ចដើរទន្ទឹមនឹងការថែរក្សាធនធានធម្មជាតិ និងប្រព័ន្ធអេកូឡូស៊ីឲ្យមាននិរន្តរភាព ដោយយកវិស័យបរិស្ថានជាស្នូលក្នុងការអភិវឌ្ឍប្រទេសដែលជួយបង្កើនប្រសិទ្ធភាពប្រើប្រាស់ធនធានធម្មជាតិ ប្រើប្រាស់ថាមពលកកើតឡើងវិញ សន្សំសំចៃថាមពល និងប្រសិទ្ធភាពថាមពល អភិរក្សធនធានទឹក និងប្រើប្រាស់ទឹកដោយសន្សំសំចៃ គ្រប់គ្រងដីធ្លីប្រកបដោយក្នុងទិសដៅកាត់បន្ថយភាពក្រីក្រ ធ្វើឲ្យមានកំណើនម៉ាក្រូសេដ្ឋកិច្ចថេរ បង្កើនគុណភាពជីវិត សុខភាពសាធារណៈ និងសុខភាពបរិស្ថាន៕ អត្ថបទដោយ ៖ ញ៉ែម សុផល
Account
Security
Favourite Content