សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ខេត្តធំៗចំនួន៣របស់ព្រះរាជាណាចក្រកម្ពុជា គឺខេត្តបាត់ដំបង ខេត្តព្រះសីហនុ និងខេត្ត សៀបរាប បានទាក់ទាញទេសចរជាតិ និងអន្តរជាតិ ប្រមាណ១លាននាក់ នៅក្នុងឱកាសបុណ្យឆ្លងឆ្នាំថ្មី ឆ្នាំសកល ២០២៤។
យោងតាមរបាយការណ៍របស់មន្ទីរទេសចរណ៍ខេត្តបាត់ដំបង បានឱ្យដឹងថា ខេត្តបាត់ដំបងបានទាក់ទាញភ្ញៀវទេសចរជាតិ និងអន្តរជាតិជាង ៣៥ម៉ឺននាក់នៅក្នុងឱកាសឆ្លងឆ្នាំថ្មី ឆ្នាំសកល ២០២៤ ។ ចំនួននេះកើនឡើង ៦៧,៦០% បើធៀបឆ្នាំ២០២២ ដែលមានត្រឹមចំនួន ២១១,០៣៨ នាក់ប៉ុណ្ណោះ។
មន្ទីរទេសចរណ៍ខេត្តបាត់ដំបងបានឱ្យដឹងទៀតថា គិតត្រឹមថ្ងៃទី២៩ ដល់ថ្ងៃទី៣១ ខែធ្នូ ឆ្នាំ២០២៣ ក្នុងចំណោមទេសចរជាង ៣៥ម៉ឺននាក់ មានភ្ញៀវជាតិសរុបចំនួន៣៥២,៧៩០នាក់ ភ្ញៀវអន្តរជាតិមានចំនួន ៩១៨នាក់។
ចំណែកមន្ទីរទេសចរណ៍ខេត្តព្រះសីហនុបានឱ្យដឹងថា ក្នុងពិធីបុណ្យឆ្លងឆ្នាំសកលថ្ងៃទី៣១ ខែធ្នូ ឆ្នាំ២០២៣ ឈានចូលឆ្នាំ២០២៤ ភ្ញៀវទេសចរដែលបានមកកម្សាន្តតាមបណ្តាឆ្នេរ និងរមណីយដ្ឋាននានាក្នុងខេត្តព្រះសីហនុ មានចំនួនប្រមាណ ៣៤,៩ ម៉ឺននាក់។
នារាត្រីឆ្លងឆ្នាំថ្មី ឆ្នាំសកល ២០២៤នេះ រដ្ឋបាលខេត្តសៀមរាប បានឱ្យដឹងថាមានភ្ញៀវទេសចរ និងបងប្អូនប្រជាពលរដ្ឋខេត្តសៀមរាបដើរកម្សាន្តក្នុងខេត្តសៀមរាប មានចំនួនប្រមាណ ៣០៤ ០៦៤នាក់ ក្នុងនោះ ភ្ញៀវទេសចរជាតិ និងបងប្អូនប្រជាពលរដ្ឋក្នុងខេត្ត មានចំនួនប្រមាណ ២៩៥ ០០០ នាក់ និងភ្ញៀវទេសចរអន្តរជាតិ មានចំនួន ៩ ០៦៤ នាក់៕
Account
Security
Favourite Content