សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ តាមចក្ខុវិស័យក្រសួងរៀបចំដែនដីនគរូបនីយកម្មនិងសំណង់ នឹងត្រូវចុះបញ្ជីនិងចេញបណ្ណកម្មសិទ្ធិដីធ្លីជូនប្រជាពលរដ្ឋឱ្យបានគ្រប់ៗគ្នានៅទូទាំងប្រទេស ហើយរហូតមកដល់បច្ចុប្បន្ននេះ តាមបណ្ដាខេត្តមួយចំនួនបានបញ្ចប់ការវាស់វែងនិងចុះបញ្ជីធ្លី ប៉ុន្តែក៏មានពលរដ្ឋខ្លះដែលជាម្ចាស់កម្មសិទ្ធិដិធ្លីនៅមិនទាន់បានវាស់វែងនិងចុះបញ្ជីដោយសារខកខានដោយប្រការណាមួយ ។ នៅថ្ងៃនេះ សារព័ត៌មាន AMS Economy នឹងបង្ហាញពី នីតិវិធីនិងការត្រៀមឯកសារសម្រាប់ធ្វើប្លង់រឹង ។
សម្រាប់ឯការដែលត្រូវត្រៀមសម្រាប់ធ្វើប្លង់រឹង គឺអាស្រ័យទៅតាមស្ថានភាពគ្រួសារ ដូចជាទ្រព្យរួម ( ទ្រព្យដែលបានមកក្រោយរៀបការ ) ទ្រព្យតែម្ខាង ជារបស់ប្តី ឬប្រពន្ធ អ្នកនៅលីវ និងស្ថានភាពមេម៉ាយ ឬពោះម៉ាយ ។
សម្រាប់ទ្រព្យរួម ឯកសារដែលត្រូវត្រៀមសម្រាប់ស្នើសុំធ្វើប្លង់រឹង រួមមាន ១.សេចក្ដីបញ្ជាក់អត្តសញ្ញាណប័ណ្ណទាំងប្តីនិងប្រពន្ធ ដែលអាចបញ្ជាក់បាននៅសាលាក្រុងឬស្រុក ២. សំបុត្រអាពាហ៍ពិពាហ៍ឬភាសាសាមញ្ញហៅថា អេតាស៊ីវិល (ថតចម្លង ) ដែលអាចស្នើសុំនៅសាលាឃុំ សង្កាត់ ឬក្រុង ។ឯកសារដែលត្រៀមផ្សេងទៀត មានសៀវភៅគ្រួសារ ឬសៀវភៅស្នាក់ ។ សៀវភៅគ្រួសារ ឬសៀវភៅស្នាក់នៅនេះ គឺត្រូវបញ្ជាក់ដូចគ្នា គឺត្រូវយកទៅបញ្ជាក់នៅសាលាក្រុង ឬសាលាស្រុក ។
សម្រាប់ករណីទ្រព្យដែលដាក់ឈ្មោះតែម្ខាង ( ប្តី ឬប្រពន្ធ ) ៖ឯកសារដែលត្រូវត្រៀមគឺមានអត្តសញ្ញាណបណ្ណ ( បញ្ជាក់ ) សៀវភៅគ្រួសារ (បញ្ជាក់ដូចគ្នា ) លិខិតបញ្ជាក់ប្រភេទទ្រព្យ ដូចជាដីនោះបានមកដោយសារតែការទិញពីគេមុនរៀបការ ឬជាកេរ្តិ៍ឪពុកម្ដាយ តាយាយចែកឱ្យ ។ករណីកុំឱ្យខកខានអ្នកស្នើសុំធ្វើប្លង់រឹងទាំងពីរនាក់គួរយកសំបុត្រអាពាហ៍ពិពាហ៍ទៅជាមួយផង ។
សម្រាបករណី អ្នកនៅលីវ ៖ ឯកសារដែលត្រូវត្រៀមសម្រាប់ធ្វើប្លង់រឹង រួមមានសំបុត្រកំណើត( សេចក្ដីចម្លង )ដែលអាចទៅបញ្ជាក់បាននៅសាលាក្រុង ស្រុក ដែលជាកន្លែងកំណើតរបស់យើង ។ ក្រៅពីនេះ ត្រូវត្រៀមសៀវភៅ គ្រួសារ ឬសៀវភៅស្នាក់នៅ និងត្រូវបញ្ជាក់ដូចនឹងសំបុត្រកំណើតដែរ និងមួយទៀត ត្រូវធ្វើលិខិតបញ្ជាក់ភាពនៅលីវ ដែលអាចបញ្ជាក់បានមេឃុំ ឬចៅសង្កាត់ ។
សម្រាប់អ្នកមេម៉ាយ ឬពោះម៉ាយ ក៏អាចស្នើសុំធ្វើប្លង់រឹងបានដែរ ក្នុងករណីដីធ្លីមិនទាន់មានប្លង់រឹងត្រឹមត្រូវ ដោយត្រូវឯកសារដូចជាអត្តសញ្ញាណប័ណ្ណ បញ្ជាក់ពីសាលាក្រុងស្រុក សំបុត្រកំណើត សៀវភៅគ្រួសារ ឬសៀវភៅស្នាក់នៅ គឺយកសៀវភៅគ្រួសារដែលជាអតីតប្តីឬប្រពន្ធ និងចុងក្រោយត្រូវធ្វើលិខិតបញ្ជាក់មេម៉ាយឬពោះម៉ាយ ដែលអាចធ្វើនៅសាលាឃុំ ឬសង្កាត់ ។
នៅពេលត្រៀមឯកសាររួចរាល់ហើយ ម្ចាស់ទ្រព្យត្រូវអនុវត្តនីតិវិធីស្នើសុំធ្វើប្លង់រឹងម្ដង ។ ដំបូងត្រូវស្នើសុំទៅអាជ្ញាធរ ហើយអាជ្ញាធរនឹងជូនដំណឹងទៅមន្ទីររៀបចំដែនដី នគរូបនីយកម្មនិងសំណង់ចុះវាស់វែង និងចុះបញ្ជី ។ ដំណើរការនៃការចុះបញ្ជីដីធ្លី ក៏ធ្លាប់បានជម្រាបជូនជាច្រើនលើកហើយ ហើយសម្រាប់ករណីនេះ ជាលក្ខណៈស្នើសុំចុះបញ្ជីដីធ្លីមានលក្ខណៈដាច់ដោយដុំ មិនមែនជាប្រព័ន្ធ ។ នីតិវិធីនេះ ក៏មិនខុសគ្នាពីការចុះបញ្ជីដីធ្លីមានលក្ខណៈជាប្រព័ន្ធនោះទេ ដោយដំបូងមន្ត្រីជំនាញនឹងចុះមកវាស់វែងព្រំដី ហើយបើសិនជាព្រំដីមិនមានបញ្ហាមិនមានទំនាស់នឹងគ្នាទេ មន្ត្រីនឹងវាស់វែងនិងចុះបញ្ជីជូន ។
បន្ទាប់ពីចុះបញ្ជីដីរួចហើយ ខាងអាជ្ញាធរនឹងបិទផ្សាយជាសាធារណៈ ដើម្បីឱ្យភាគីពាក់ព័ន្ធតវ៉ា ហើយបើសិនជាមិនមានការតវ៉ាពីភាគីណាមួយនោះទេ ក្នុងរយៈពេល៣០ថ្ងៃ ប្រធានមន្ទីររៀបចំដែនដីនគរូបនីយកម្មសំណង់ និងសុរិយោដី នឹងចុះហត្ថលេខាលើប្លង់រឹងនោះ ។ បន្ទាប់ពីចុះហត្ថលេខារួចរាល់អាជ្ញាធរនឹងប្រគល់បណ្ណកម្មសិទ្ធិជូនម្ចាស់ដីដោយផ្ទាល់ ទៅតាមពេលវេលាជាក់លាក់ណាមួយ ៕
Account
Security
Favourite Content