សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពពី CNA បានរាយការណ៍ថា តម្លៃប្រេងសកលបានប្រែប្រួលបន្តិចបន្តួចកាលពីពីថ្ចុងសប្ដាហ៍កន្លងទៅនេះ ខណៈដែលមានការព្រួយបារម្ភអំពីកំណើនតម្រូវការនៅប្រទេសចិនដោយសារសេដ្ឋកិច្ចធ្លាក់ចុះ និងអត្រាការប្រាក់របស់ធនាគារអាមេរិកមានរយៈពេលកាន់តែយូរ។
ទីផ្សារតម្លៃប្រេងម៉ាក West Texas Intermediate (WTI) ឡើងថ្លៃបន្តិច ០,១ ភាគរយ ឬ ៨០,៤៩ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent នៅដដែល ឬ មានតម្លៃ ៨៤,១២ ដុល្លារក្នុងមួយបារ៉ែល។
យ៉ាងណាក៏ដោយ តម្លៃប្រេងមិនប្រែប្រួលខ្លាំងនោះទេ ដោយសារធនាគារកណ្តាលអាមេរិកកំពុងផ្តោតសំខាន់លើការគ្រប់គ្រងអតិផរណាចំពោះទិន្នន័យសេដ្ឋកិច្ចដែលខ្លាំងជាងការរំពឹងទុក។ កាលពីថ្ងៃព្រហស្បតិ៍កន្លងទៅនេះ ក្រសួងការងារអាមេរិករាយការណ៍ថា អត្រាពលរដ្ឋអាមេរិកគ្មានការងារធ្វើដាក់ពាក្យស្នើសុំអត្ថប្រយោជន៍បានធ្លាក់ចុះនៅសប្តាហ៍ចុងក្រោយនេះ ដោយវាបង្ហាញថា ភាពតឹងតែងនៃទីផ្សារការងារអាចធ្វើឲ្យធនាគារកណ្តាលពន្យារពេលនៃការរឹតបន្តឹងលក្ខខណ្ឌហិរញ្ញវត្ថុ។ លើសពីនេះ របាយការណ៍នៃការលក់រាយនៅអាមេរិក និងរបាយការណ៍ផ្សេងទៀតដែលមានការកើនឡើងស្រដៀងគ្នានេះ អាចធ្វើឲ្យធនាគារកណ្តាលរក្សាអត្រាការប្រាក់ខ្ពស់នៅរយៈពេលយូរជាងនេះ។ វិនិយោគិនកំពុងព្រួយបារម្ភថា ថ្លៃដើមកម្ចីខ្ពស់អាចរារាំងកំណើនសេដ្ឋកិច្ច កាត់បន្ថយតម្រូវការទាំងមូល និងប៉ះពាល់ដល់តម្លៃប្រេងផងដែរ។
ស្របពេលនេះដែរ ទិន្នន័យសេដ្ឋកិច្ចថ្មីៗពីប្រទេសចិន ដែលជាអ្នកប្រើប្រាស់ប្រេងធំជាងគេទី ២ របស់ពិភពលោកបានបង្ហាញពីការធ្លាក់ចុះយ៉ាងខ្លាំង និងឆាប់រហ័សនៃសន្ទុះសេដ្ឋកិច្ចចាប់តាំងពីត្រីមាសទី ២ ។ ក្នុងរយៈពេលប៉ុន្មានខែចុងក្រោយនេះ ការធ្លាក់ចុះនៃសេដ្ឋកិច្ច និងវិបត្តិអចលនទ្រព្យរបស់ចិនបានប៉ះពាល់ដល់ទីផ្សារហិរញ្ញវត្ថុពិភពលោក ដែលធ្វើឱ្យអ្នកវិនិយោគកំពុងព្រួយបារម្ភ។ ទោះជាយ៉ាងណាក្តី ជាលើកដំបូងក្នុងរយៈពេល ៣៣ ខែ ចិនបានទាញយកប្រេងចេញពីស្តុកទុកប្រេងឆៅរបស់ខ្លួនច្រើនគួរឲ្យកត់សម្គាល់កាលពីខែកក្កដាកន្លងទៅនេះ។ ទន្ទឹមនឹងនេះដែរ ស្តុកប្រេងឆៅរបស់សហរដ្ឋអាមេរិកធ្លាក់ចុះជិត ៦ លានបារ៉ែល ដោយសារអត្រាខ្ពស់នៃការនាំចេញ និងដំណើរការចម្រាញ់៕
Account
Security
Favourite Content