សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពពីរ៉យទ័របានរាយការណ៍ថា តម្លៃប្រេងឆៅបានឡើងថ្លៃបន្តិចវិញបន្ទាប់ពីក្រុមប្រទេសនាំចេញប្រេង OPEC + សម្រេចចិត្តពន្យារពេលបង្កើនទិន្នផលប្រេងរហូតដល់ខែមេសា ឆ្នាំ ២០២៥។
ទីផ្សារជាក់ស្ដែងនៅក្នុងសប្ដាហ៍នេះ តម្លៃប្រេងឆៅម៉ាក Brent ឡើងថ្លៃ ០,៥ ភាគរយ ឬ ៧២,៦៩ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក US West Texas Intermediate (WTI) ឡើងថ្លៃ ០,៦ ភាគរយ ឬ ៦៨,៩០ ដុល្លារក្នុងមួយបារ៉ែល។
OPEC+ ដែលជាអង្គការនៃប្រទេសនាំចេញប្រេង បូករួមទាំងសម្ព័ន្ធមិត្ត រុស្ស៊ី គ្រោងបន្ធូរបន្ថយវិធានការណ៍កាត់បន្ថយទិន្នផលប្រេងក្នុងខែតុលា ប៉ុន្តែការធ្លាក់ចុះនៃតម្រូវការសកល និងការកើនឡើងនៃផលិតកម្មនៅខាងក្រៅក្រុមបានធ្វើឱ្យផែនការនេះត្រូវបានពន្យារពេលជាច្រើនលើក។ នៅក្រោមផែនការមុនរបស់ OPEC+ ពួកគេគ្រោងនឹងបន្ធូរបន្ថយការកាត់បន្ថយទិន្នផលនៅខែមករា ឆ្នាំ២០២៥ ជាមួយនឹងការបង្កើនទិន្នផលត្រឡប់មកវិញ ១៨០ ០០០ បារ៉ែល។ យ៉ាងណាមិញ ផែនការនេះត្រូវបានពន្យារពេលបន្ថែម ៣ ខែទៀត។
ការកាត់បន្ថយទិន្នផលប្រេង ២,២ លានបារ៉ែលក្នុងមួយថ្ងៃនឹងត្រូវបានបង្កើនទិន្នផលត្រឡប់មកទីផ្សារវិញបន្តិចម្តងៗចាប់ផ្តើមពីខែមេសា ឆ្នាំ២០២៥ ជាមួយនឹងការបង្កើនទិន្នផល ១៣៨ ០០០ បារ៉ែលក្នុងមួយថ្ងៃ។ វិធីសាស្រ្តបង្កើនទិន្នផលបន្តិចម្តងៗនេះអនុញ្ញាតឱ្យ OPEC+ រក្សាស្ថិរភាពទីផ្សារ និងរក្សារឥទ្ធិពលរបស់ខ្លួនលើការផ្គត់ផ្គង់ និងតម្លៃប្រេងពិភពលោក។ ការបង្កើនទិន្នផលបន្តិចម្តងៗឡើងវិញអាចនឹងមានរយៈពេល ១៨ ខែរហូតដល់ខែកញ្ញា ឆ្នាំ ២០២៦។
លោក Ole Hansen ប្រធានយុទ្ធសាស្រ្តនៅ Saxo Bank បានលើកឡើងថា នេះគឺជាជម្រើសតែមួយគត់ដែល OPEC+ មាន បើមិនដូច្នោះទេ ពួកគេត្រៀមខ្លួនទទួលផលវិបាកនៃតម្លៃប្រេងទាប។ ការសម្រេចចិត្តរបស់ OPEC+ គឺដ់ើម្បីសម្រេចបាននូវទីផ្សារប្រេងប្រកបដោយនិរន្តរភាព ស្ថិរភាព និងតម្លាភាពសម្រាប់ទីផ្សារ។
យ៉ាងណាមិញ OPEC+ ពង្រីកការកាត់បន្ថយទិន្នផលប្រេងរហូតដល់ឆ្នាំ២០២៦ ដើម្បីពង្រឹងផលិតកម្ម។ មានន័យថា ប្រសិនបើតម្រូវការនៅតែខ្សោយ ឬការផ្គត់ផ្គង់ពីប្រទេសមិនមែន OPEC+ បន្តកើនឡើង ពួកគេអាចអនុវត្តការកាត់បន្ថយប្រេងបន្ថែមទៀត។ តម្លៃប្រេងបានធ្លាក់ចុះក្នុងពេលប៉ុន្មានសប្តាហ៍ជាប់ៗគ្នា ជាពិសេស តម្លៃប្រេងឆៅម៉ាក Brent ធ្លាក់ចុះពី៨០ដុល្លារ មកនៅជាង ៧០ដុល្លារក្នុងមួយបារ៉ែល៕
Account
Security
Favourite Content