សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពពី CNBC បានលើកឡើងថា ក្រុមប្រទេសនាំចេញប្រេង និងសម្ព័ន្ធមិត្ត OPEC+ បានពន្យារពេលកាត់បន្ថយផលិតកម្មប្រេងបន្ថែមទៀត ដោយសារតម្រូវការរបស់ពិភពលោកមានការចុះខ្សោយ។
ទន្ទឹមនឹងនេះ តម្លៃប្រេងឆៅម៉ាក Brent បានធ្លាក់ចុះនៅត្រឹម ៧២,៧ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Intermediate Texas (WTI) ធ្លាក់ចុះនៅត្រឹម ៦៩,១៥ ដុល្លារក្នុងមួយបារ៉ែល។
យោងតាមការបង្ហើបខ្លះៗបានឲ្យដឹងថា ការកាត់បន្ថយផលិតកម្ម ២,២ លានបារ៉ែលក្នុងមួយថ្ងៃដោយ OPEC+ ត្រូវបានអនុវត្តនៅត្រឹមត្រីមាសទី២ និងទី៣ ហើយវានឹងត្រូវផុតកំណត់នៅចុងខែកញ្ញានេះ។ ផែនការនេះត្រូវបានអនុវត្តដោយអាល់ហ្សេរី អ៊ីរ៉ាក់ កាហ្សាក់ស្ថាន គុយវ៉ែត អូម៉ង់ រុស្ស៊ី អារ៉ាប៊ីសាអូឌីត និងអារ៉ាប់រួមដែលចូលរួមកាត់បន្ថយដោយស្ម័គ្រចិត្ត។ ពួកគេគ្រោងនឹងបង្កើនផលិតកម្ម ១៨០ ០០០ បារ៉ែលក្នុងមួយថ្ងៃចាប់ផ្តើមពីខែតុលា ដែលជាផ្នែកនៃផែនការបង្កើនផលិតកម្មទៅកាន់ទីផ្សារវិញ ប៉ុន្តែការបង្កើនផលិតកម្មនេះត្រូវបានពន្យារពេល ដោយសារតែភាពរសើបនៅក្នុងកិច្ចពិភាក្សា។ មិនត្រឹមតែប៉ុណ្ណោះ លេខាធិការដ្ឋានអង្គការ OPEC បានបញ្ជាក់ថា ពួកគេនឹងបន្តកាត់បន្ថយទិន្នផល ២,២ លានបារ៉ែលក្នុងមួយថ្ងៃ ដែលនឹងចាប់ផ្តើមនៅខែធ្នូ ហើយបញ្ចប់នៅខែវិច្ឆិកា ២០២៥។
ទិន្នន័យថ្មីៗនេះបង្ហាញពីតម្រូវកើនឡើងនៅក្នុងល្បឿនយឺតនៅក្នុងប្រទេសចិន អឺរ៉ុប និងអាមេរិកខាងជើង ដែលបង្ហាញថាស្ថានភាពទីផ្សារប្រេងនឹងមិនមានភាពតឹងតែងដូចការរំពឹងទុកនោះទេ។ លោក Dow Jones អ្នកវិភាគនៅ Ritterbusch មើលឃើញថា OPEC+ ស្ថិតនៅក្នុងស្ថានភាពលំបាកចាប់តាំងពីពួកគេកាត់បន្ថយផលិតកម្ម ដើម្បីជំរុញតម្លៃប្រេងកើនឡើង ប៉ុន្តែពួកគេកំពុងប្រឈមនឹងការបាត់បង់ចំណែកទីផ្សារដល់អ្នកផលិតមិនមែន OPEC ។ លើសពីនេះ ការបាត់បង់ប្រាក់ចំណូលគួបផ្សំជាមួយនឹងទីផ្សារប្រេងមានតម្លៃទាបនឹងបង្កើនការព្រួយបារម្ភអំពីតម្រូវការថវិកាក្នុងចំណោមអ្នកផលិតសំខាន់ៗរបស់ OPEC។
ថ្មីៗនេះ សមាជិកសំខាន់ៗរបស់ OPEC+ អ៊ីរ៉ាក់ និងកាហ្សាក់ស្ថានបានផលិតលើសពីកូតាប្រចាំខែរបស់ពួកគេក្រោមកិច្ចព្រមព្រៀងរបស់សម្ព័ន្ធ ហើយពួកគេបានដាក់ផែនការរកាត់បន្ថយទិន្នផលនៅខែកញ្ញា ឆ្នាំ ២០២៥ ដើម្បីទូទាត់លើការផលិតលើស។ មិនត្រឹមតែប៉ុណ្ណោះ លីប៊ីដែលជាអ្នកផលិតដ៍សំខាន់មួយបានរងការរំខាននៅក្នុងទិន្នផលប្រេងរបស់ខ្លួន ដែលធ្វើឲ្យផលិតកម្មបានធ្លាក់ចុះ ១,៥ លានបារ៉ែលក្នុងរយៈពេល ៣ ថ្ងៃ ស្មើនឹងការខាតបង់សរុបចំនួន ១២០ លានដុល្លារ៕
Account
Security
Favourite Content