សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
(ដាវ៉ូស-ស្វីស) ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានបន្តធ្វើការផ្សព្វផ្សាយពីសក្តានុពល និងឱកាសវិនិយោគនៅកម្ពុជា ដើម្បីទាក់ទាញអ្នកវិនិយោគនៅតំបន់អឺរ៉ុប និងមកពីបណ្តាប្រទេសនានាចូលមកវិនិយោគនៅក្នុងប្រទេសកម្ពុជាតាមរយៈកម្មវិធីរាត្រសមោសរ (Cambodia Night) ដែលរៀបចំឡើងដោយក្រុមហ៊ុន វើលដ៏ប្រ៊ីដ នៅទីក្រុងដាវ៉ូស ប្រទេសស្វីស នារាត្រីថ្ងៃទី២៤ ខែឧសភា។
កម្មវិធីរៀបចំឡើងអមជាមួយការរៀបចំវេទិកាសេដ្ឋកិច្ចពិភពលោក ដើម្បីបង្ហាញនូវសក្តានុពលនៃការវិនិយោគរបស់កម្ពុជា និងកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងការកែលំអរបរិយាកាសវិនិយោគលើកបង្ហាញនូវភាពជាអំណោយផលនានាសម្រាប់អ្នកវិនិយោគនៅកម្ពុជា ព្រមទាំងទាក់ទាញអ្នកវិនិយោគបរទេស អ្នកធ្វើធុរកិច្ចជាច្រើនរូបមកពីបណ្តាប្រទេសនៅទ្វីបអឺរ៉ុប និងបណ្តាប្រទេសនានាលើពិភពលោកឱ្យចូលមកវិនិយោគនៅកម្ពុជា ដើម្បីជំរុញកំណើនសេដ្ឋកិច្ចជាតិ និងផ្តល់ការងារជូនប្រជាពលរដ្ឋ។
សម្តេចតេជោ ហ៊ុន សែន បានលើកបង្ហាញពីកត្តាសុខសន្តិភាព ស្ថិរភាពនយោបាយរយៈពេលជាងពីរទសវត្សរ៍ចុងក្រោយ បានផ្តល់ជាឱកាសដ៏វិសេសវិសាលក្នុងការផ្តល់កំណើនសេដ្ឋកិច្ចដល់កម្ពុជាក្នុងអត្រាប្រមាណ៧ភាគរយ។ កម្ពុជា កំពុងធ្វើសកម្មភាពយ៉ាងសកម្មក្នុងការធ្វើពិពិធកម្មសេដ្ឋកិច្ច និងស្រោចសង់សេដ្ឋកិច្ចចេញពីវិបត្តិនៃជំងឺកូវីដ១៩ លើកបង្ហាញពីការគ្រប់គ្រងដោយជោគជ័យលើជំងឺកូវីដ-១៩ រហូតធ្វើឱ្យកម្ពុជាក្លាយជាប្រទេសដំបូងគេនៅអាស៊ីអាគ្នេយ៍ ក្នុងការលើកលែងលក្ខខណ្ឌវិធានការការពារជំងឺកូវីដ-១៩ សម្រាប់អ្នកធ្វើដំណើរចូលទៅកាន់ប្រទេសកម្ពុជា។
សម្តេចតេជោ ហ៊ុន សែន បានគូសបញ្ជាក់ផងដែរថា កម្ពុជាផ្តល់អាទិភាពខ្ពស់លើសកម្មភាពវិនិយោគសំខាន់ៗរួមមាន ឧស្សាហកម្មបច្ចេកវិទ្យាខ្ពស់ ពាក់ព័ន្ធនវានុវត្តន៍ ការស្រាវជ្រាវ និងអភិវឌ្ឍន៍ឧស្សាហកម្ម គាំទ្រដល់វិស័យកសិកម្ម និងកសិកម្ម-ឧស្សាហកម្ម ឧស្សាហកម្មកែច្នៃម្ហូបអាហារ ឧស្សាហកម្មផលិត ផ្គុំ និងដំឡើងយានយន្ត ឧស្សាហកម្មផលិត ផ្គុំ និងដំឡើងគ្រឿងអគ្គិសនី និងអេឡិចត្រូនិក ឧស្សាហកម្ម និងកម្មន្តសាលធុនធ្ងន់។
បន្ថែមពីលើនោះ កម្ពុជាបានជំរុញកែលំអរបរិយាកាសធុរកិច្ចវិនិយោគប្រកបដោយភាពបុរេសកម្ម និងចក្ខុវិស័យវែងឆ្ងាយ តាមរយៈការលើកកម្ពស់គុណភាពសេវាឡូជីស្ទីក ការកាត់បន្ថយការចំណាយទាំងពេលវេលា និងថវិកាការលើកកម្ពស់ប្រសិទ្ធភាពនៃការផ្តល់សេវាសាធារណៈ ការអភិវឌ្ឍជំនាញ និងការធ្វើទំនើបកម្មប្រព័ន្ធសន្តិសុខសង្គមជាដើម។
ជាមួយគ្នានេះដែរកម្ពុជាកំពុងខិតខំស្វែងរក និងបើកចំហទីផ្សារឱ្យកាន់តែទូលំទូលាយ តាមរយៈការដាក់ឱ្យអនុវត្តន៍នូវកិច្ចព្រមព្រៀងពាណិជ្ជកម្មសេរីទ្វេភាគីកម្ពុជា-ចិន កិច្ចព្រមព្រៀងពាណិជ្ជកម្មសេរីកម្ពុជា-កូរ៉េ និងកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ RCEP ដែលបានចូលជាធរមាន។
កម្ពុជាបានប្រឹងប្រែងយ៉ាងសកម្ម និងបានវិនិយោគយ៉ាងច្រើនលើហេដ្ឋរចនាសម្ព័ន្ធរូបវ័ន្តសំខាន់នានា តាមប៉ូលសេដ្ឋកិច្ចសំខាន់ៗរួមមាន ការកែលំអរហេដ្ឋារចនាសម្ព័ន្ធផ្លូវថ្នល់នៅទូទាំងក្រុងសៀមរាប និងក្រុងព្រះសីហនុ ការសាងសង់ព្រលានយន្តហោះអន្តរជាតិថ្មីនៅរាជធានីភ្នំពេញ និងខេត្តសៀមរាប ការសាងសង់ផ្លូវល្បឿនលឿនតភ្ជាប់ពីភ្នំពេញ ទៅកំពង់ផែទឹកជ្រៅនៅខេត្តព្រះសីហនុ ការសាងសង់ចំណងផែកុងតឺន័រទឹកជ្រៅ នៅក្រុងព្រះសីហនុ ដែលជាការអភិវឌ្ឍសំដៅលុបបំបាត់ឧបសគ្គនៃជម្រៅទឹក និងបើកបម្រើសេវាដល់នាវាធំៗពីអាមេរិក និងអឺរ៉ុប ចូលមកកម្ពុជា ក៏ដូចជាការកសាងហេដ្ឋារចនាសម្ព័ន្ធផ្សេងទៀត ដែលតភ្ជាប់ទៅនឹងប៉ូលសេដ្ឋកិច្ចសំខាន់ៗរបស់កម្ពុជា និងអាស៊ាន និងការវិនិយោគលើប្រព័ន្ធបច្ចេកវិទ្យាព័ត៌មាន និងឌីជីថលជាដើម៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ជិះកង់ទស្សនាសមរាត្រីក្នុងតំបន់អង្គរ ៖ បទពិសោធន៍ថ្មីនៃការភ្ជាប់បេះដូងជាមួយបេតិកភណ្ឌវប្បធម៌ និងធម្មជាតិ
Top News, ព្រឹត្តិការណ៍, សេដ្ឋកិច្ច
• 21/09/2026
សៀមរាប ៖ ក្រសួងទេសចរណ៍ និងស្ថាប័នពាក់ព័ន្ធបានរៀបចំព្រឹត្តិការណ៍ជិះកង់ទស្សនាសមរាត្រីនៅតំបន់អង្គរ ក្នុងគោលបំណងជំរុញផលិតផលទេសចរណ៍កីឡា តាមរយៈការជិះកង់ឆ្លងកាត់តំបន់ព្រៃ និងតំបន់បេតិកភណ្ឌក្នុងតំបន់អង្គរ ព្រមទាំងជួយជំរុញចលនាទេសចរណ៍ក្នុងស្រុក ជាពិសេសការទាក់ទាញភ្ញៀវទេសចរមកកាន់ខេត្តសៀមរាបក្នុងរដូវកាលបៃតង។ ព្រឹត្តិការណ៍ជិះកង់ទស្សនាសមរាត្រីក្នុងតំបន់អង្គរនៅរដូវកាលបៃតង ក្រោមប្រធានបទ «កីឡាផ្សារភ្ជាប់នឹងទេសចរណ៍» បានទាក់ទាញអ្នកចូលរួមជាភ្ញៀវទេសចរជាតិ និងអន្តរជាតិប្រមាណ ១ ៣០០នាក់ ដោយធ្វើដំណើរតាមផ្លូវប្រមាណ ១២គីឡូម៉ែត្រ ឆ្លងកាត់តំបន់បេតិកភណ្ឌវប្បធម៌ និងធម្មជាតិនៃតំបន់អង្គរ។
សហគមន៍ព្រៃឈើត្រពាំងពិការ ផ្ដល់អត្ថប្រយោជន៍ដល់ពលរដ្ឋជាង ៤០០ គ្រួសារនៅរមាសហែក
ព្រឹត្តិការណ៍, អត្ថបទពាណិជ្ជកម្ម
• 20/09/2026
សហគមន៍ព្រៃឈើត្រពាំងពិការ ក្នុងឃុំអំពិល ស្រុករមាសហែក ខេត្តស្វាយរៀង កំពុងផ្ដល់អត្ថប្រយោជន៍ដល់ប្រជាពលរដ្ឋជាង ៤០០ គ្រួសារ តាមរយៈការប្រមូលអនុផលព្រៃឈើ និងការទាក់ទាញភ្ញៀវទេសចរ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content