ស្រីលង្កា កំពុងជួបវិបត្តិសេដ្ឋកិច្ច ជាប់បំណុលបរទេសច្រើនជាង ១២,៥៥ ពាន់លានដុល្លារ

នៅក្នុងតំណាក់កាលអន្តរកាលមិនធ្លាប់មានក្នុងប្រវត្តិសាស្ត្រ ប្រទេសស្រីលង្កានៅពេលបច្ចុប្បន្ននេះបានធ្លាក់ចូលជ្រៅទៅក្នុងវិបត្តិ សេដ្ឋកិច្ចដ៏ធ្ងន់ធ្ងរសូម្បីតែសិស្ស-និស្សិតនៅទូទាំងប្រទេសជាង៣លាននាក់ មិនទាំងមានក្រដាសសម្រាប់ធ្វើការប្រឡងថ្នាក់ជាតិផងដោយសាររដ្ឋាភិបាលមិនមានលទ្ធភាពក្នុងការចំណាយ។

អ្នកជំនាញសេដ្ឋកិច្ចបានអះអាងថា ទោះបីជាយ៉ាងណាក្តី បញ្ហានេះគ្រាន់តែជាមួយចំណែកតូចប៉ុណ្ណោះនៃបញ្ហាដ៏ធំធេងដែលកំពុងកើតឡើងនៅទូទាំងប្រទេសនៅពេលបច្ចុប្បន្ន រួមទាំងបញ្ហាខ្វះខាតធនធានប្រើប្រាស់ចាំបាច់ប្រចាំថ្ងៃ ដូចជាបញ្ហាកង្វះខាតលុយដើម្បីនាំចូលប្រេង បញ្ហាអត់អគ្គិសនីប្រើប្រាស់ដោយនៅតំបន់មួយចំនួនត្រូវកាត់បន្ថយពីការប្រើចំនួន ១៣ម៉ោងក្នុងមួយថ្ងៃ មកនៅត្រឹម៩ម៉ោងក្នុងមួយថ្ងៃ ហើយលើសពីនេះ ស្រីលង្កា ក៏កំពុងរងទុក្ខខ្លាំងដោយសារបញ្ហាពីខាងក្រៅ ដូចជាអតិផរណា វិបត្តិសេដ្ឋកិច្ចសកល ព្រមទាំងវិបត្តិខ្វះខាតស្បៀងអាហារដែលកំពុងខិតជិតចូលមកដល់ទៀតផង។ ទាំងអស់នេះគឺជាអ្វីដែលត្រូវបានពន្យល់ និងចេញផ្សាយដោយ The Indian Express ព្រមទាំងសារព័ត៌មានធំៗជាច្រើនទៀត ដូចជា BBC និង Bloomberg ជាដើម។

ជាប្រទេសដែលកំពុងជួបវិបត្តិសេដ្ឋកិច្ចអាក្រក់ជាងគេក្នុងពេលដែលពិភពលោកកំពុងងើបឡើងវិញពីវិបត្តិកូវីដបានធ្វើឲ្យស្រីលង្កាទទួលរងផលប៉ះពាល់មិនធ្លាប់មានឡើយគិតចាប់តាំងតែពីឆ្នាំ១៩៤៨។ វិបត្តិចាប់ផ្តើមកើតមានតាំងតែពីឆ្នាំ២០១៩ ខណៈដែលភាពចលាចលក្នុងប្រទេសបានកើតមានឡើងពីសំណាក់ក្រុមបាតុករ ចំណែកឯរដ្ឋាភិបាលកំពុងបន្តធ្វើការពិភាក្សាជាមួយនឹងប្រទេសដៃគូហិរញ្ញវត្ថុ និងប្រទេសសម្ព័ន្ធមិត្ត ដើម្បីស្វែងរកដំណោះស្រាយនៅចំពោះមុខ។

តើស្រីលង្កាបានធ្លាក់ចូលក្នុងវិបត្តិសេដ្ឋកិច្ចដោយរបៀបណា និងបង្កមកពីអ្វី ?

ប្រជាពលរដ្ឋភាគច្រើនបានទម្លាក់កំហុសនេះទៅលើរដ្ឋាភិបាលចុងក្រោយដែលបានបរាជ័យក្នុងការគ្រប់គ្រងសេដ្ឋកិច្ច និងធ្វើឲ្យឱនភាពទាំងថវិកាជាតិ និងឱនភាពពាណិជ្ជកម្មបានកើតឡើងស្ទួនគ្នាក្នុងពេលតែមួយ ខណៈដែលកាលពីឆ្នាំ២០១៩ ធនាគារអភិវឌ្ឍអាស៊ីធ្លាប់បានព្រមានម្តងរួចមកហើយ។

បន្ថែមពីលើនេះ ឧស្សាហកម្មទេសចរណ៍ដែលជាទូទៅជាវិស័យរកប្រាក់ចំណូលបានមួយភាគធំរបស់ប្រទេសបានដាំក្បាលចុះយ៉ាងខ្លាំង ជាពិសេស ចាប់តាំងតែពីពេលមានការរាតត្បាតវិរុសកូវីដ ដូចនេះវាបានធ្វើឲ្យការផ្ទេរប្រាក់របស់កម្មករបរទេសមានការថយចុះ។ ជាលទ្ធផល ទីភ្នាក់ងារវាយតម្លៃឥណទាននានាបានសម្រេចចិត្តបន្ទាបចំណាត់ថ្នាក់ប្រទេសស្រីលង្កា ហើយបានបិទស្រីលង្កាចេញពីទីផ្សារមូលធនអន្តរជាតិជាបន្តបន្ទាប់។ ដោយឡែក សម្រាប់កម្មវិធីគ្រប់គ្រងបំណុលរបស់ប្រទេសស្រីលង្កា ដែលពឹងផ្អែកទាំងស្រុងទៅលើទីផ្សារអន្តរជាតិនោះកំពុងដើរថយក្រោយធ្វើឲ្យទុនបម្រុងនៅក្រៅប្រទេសរបស់ខ្លួនធ្លាក់ចុះដល់ទៅ៧០ភាគរយឯណោះត្រឹមរយៈពេល២ឆ្នាំចុងក្រោយនេះ។

គិតត្រឹមខែកុម្ភៈ ឆ្នាំ២០២២ ប្រទេសស្រីលង្កា នៅសល់ទុនបម្រុងត្រឹមតែប្រមាណ ២,៣១ពាន់លានដុល្លារ ខណៈបំណុលដែលត្រូវសងសម្រាប់ឆ្នាំ២០២២ គឺមានទៅដល់៤ពាន់លានដុល្លារ ហើយក្នុងនោះបំណុលបរទេសសរុបមានរហូតទៅដល់ ១២,៥៥ពាន់លានដុល្លារដែលផ្តល់ដោយធនាគារអភិវឌ្ឍន៍អាស៊ី (ADB) ពីប្រទេសជប៉ុន និងប្រទេសចិនដែលជាអ្នកផ្តល់កម្ចីច្រើនជាងគេ។

កាលពីខែកុម្ភៈ ឆ្នាំ២០២២ មូលនិធិរូបិយវត្ថុអន្តរជាតិ (IMF) ធ្លាប់បាននិយាយថា ៖

“នៅក្នុងការពិនិត្យឡើងវិញនៃសេដ្ឋកិច្ចរបស់ប្រទេសយើងសង្កេតឃើញថាបំណុលសាធារណៈបានកើនឡើងដល់កម្រិតមិនស្ថិតស្ថេរមួយ ហើយរំពឹងទុកថាទុនបម្រុងបរទេសរបស់ប្រទេសស្រីលង្កា នឹងមិនគ្រប់គ្រាន់ឡើយសម្រាប់ការសងបំណុលទៅតាមរយៈពេលកំណត់នៅថ្ងៃខាងមុខនោះទេ”

ដឹងទេថា មកដល់ដំណាក់កាលនេះ តើរដ្ឋាភិបាលប្រទេសស្រីលង្កាកំពុងព្យាយាមស្វែងរកដំណោះស្រាយដោយរបៀបណា?

អស់រយៈពេលជាច្រើនខែមកហើយដែលរដ្ឋាភិបាលប្រទេសស្រីលង្កា ព្រមទាំងធនាគារកណ្តាលស្រីលង្កា (CBSL) បានធ្វើការអំពាវនាវដល់បណ្តាអ្នកជំនាញ ក៏ដូចជាមេដឹកនាំបក្សប្រឆាំងទាំងអស់ក្នុងការចូលរួមស្វែងរកដំណោះស្រាយជាមួយគ្នា រាប់ទាំង IMF ផងដែរ ប៉ុន្តែ

ផែនការក្នុងការជួបជុំគ្នាជាមួយនឹង IMF ត្រូវបានលុបចោលម្តងហើយកាលពីខែមេសាដោយសារតែបញ្ហាកើនឡើងខ្លាំងតម្លៃប្រេងដែលបណ្តាលមកពីវិបត្តិជម្លោះរវាងអ៊ុយក្រែន និងរុស្ស៊ី ដែលធ្វើឲ្យមានការជ្រួលច្របល់យ៉ាងខ្លាំងនៅក្នុងប្រទេសពីសំណាក់ក្រុមបាតុកររាប់ពាន់នាក់។

ក្រៅពីនោះ មន្ត្រីជាន់ខ្ពស់រដ្ឋាភិបាលស្រីលង្កាក៏បានធ្វើការព្យាយាមស្វែងរកជំនួយបន្ថែមពីរដ្ឋាភិបាលប្រទេសចិន និងប្រទេសឥណ្ឌា ហើយជាលទ្ធផលកាលពីខែកុម្ភៈដើមឆ្នាំកន្លងទៅ រដ្ឋាភិបាលស្រីលង្កា និងឥណ្ឌា បានឈានទៅដល់ការចុះហត្ថលេខាទិញយកប្រេងម៉ាស៊ូតប្រមាណ ៥០០លានដុល្លារក្នុងលក្ខខណ្ឌកម្ចី ហើយត្រូវបានបញ្ជូនទៅដល់ប្រទេសស្រីលង្កាដែលកំពុងជួបវិបត្តិរួចរាល់ហើយដែរ ដោយបូករួមទាំងកម្ចីលើការទិញសំភារៈចាំបាច់ពីឥណ្ឌា រួមទាំងចំណីអាហារ និងបរិក្ខាថ្នាំពេទ្យទៀតផងមានតម្លៃសរុបជាង១០០០លានដុល្លារ។

ដោយឡែក រដ្ឋាភិបាលចិន ក៏បានពិចារណាផ្តល់កម្ចីបន្ថែមប្រមាណ ១ ៥០០ពាន់លានដុល្លារទៀតទៅលើប្រភេទកម្ចីប្រភេទ credit facility និង ១ ០០០លានដុល្លារសម្រាប់កម្ចីផ្សេងទៀតបន្ថែមពីលើកម្ចីដែលធ្លាប់បានផ្តល់កន្លងមក ដូចជា ១ ៥០០ លានដុល្លារជាកម្ចីប្រភេទ swap loan និងកម្ចី ១ ៣០០ពាន់លានដុល្លារជាកម្ចី  syndicated loan៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អាជីវកម្មដាំដើមអម្ពិល បេះត្រួយលក់ អាចមានតម្លៃប្រមាណ ១៨០០០រៀល ទៅ ២០ ០០០ រៀល ក្នុងមួយគីឡូក្រាម

ជំនួញ, ព្រឹត្តិការណ៍

• 23/07/2024

មិនធម្មតា ទីផ្សារត្រួយអម្ពិលគេអាចលក់បានក្នុងចន្លោះពី ១៨០០០ - ២០០០០រៀលក្នុងមួយគីឡូក្រាម

យល់ដឹងពីគំនិតអាជីវកម្មមួយចំនួននៅក្រៅប្រទេសដែលមានភាពរឹងម៉ាំទៅនឹងវិបត្តិសេដ្ឋកិច្ច

ព្រឹត្តិការណ៍, អាជីវកម្មថ្មី និងនវានុវត្ត

• 23/07/2024

នៅក្នុងអំឡុងពេលវិបត្តិសកល មានក្រុមហ៊ុនខ្លះខាតបង់ធ្លាក់ចំណូល និងខ្លះទៀតឈានទៅដល់បិទទ្វារក៏មាន ប៉ុន្តែមានអាជីវកម្មខ្លះនៅតែអាចដំណើរការល្អ និងទាញបានប្រាក់ចំណេញ

វិវាទដីធ្លីជិត ១ម៉ឺន ៤ពាន់ ករណីបានត្រូវដោះស្រាយ

ព្រឹត្តិការណ៍, អចលនទ្រព្យ

• 23/07/2024

ពីឆ្នាំ២០២៣គិតមកដល់ពេលបច្ចុប្បន្ន ក្រសួងដែនដីបានដោះស្រាយវិវាទដីធ្លីសម្រេចជាង១៣០០០ករណី ស្មើនឹងជិត៩០​ភាគ​រយនៃជម្លោះ

ក្រសួងដែនដី រៀបចំកិច្ច​ប្រជុំជាមួយ​វិស័យ​ឯកជន​ក្នុងវិស័យ​សំណង់ និង​អច​លនទ្រព្យ​ ដើម្បី​រកបញ្ហា​ និ​ងដំណោះស្រាយ

ព្រឹត្តិការណ៍, អចលនទ្រព្យ

• 23/07/2024

ក្នុងគោលដៅជំរុញការ​អភិវឌ្ឍ​វិស័យ​សំណង់ ​និងអចលនទ្រព្យ ក្នុងប្រទេស​កម្ពុជា​បន្ថែម ក្រសួង​រៀបចំដែន ​និងវិស័យឯកជន ​បានជួ​បពិភាក្សារកដំណោះស្រាយរួមគ្នា

ផលិតផលជលផល កំពុងត្រូវបានយកចិត្តទុកដាក់លើខ្សែច្រវាក់ផលិតកម្មនៃការផលិត និងជំរុញការនាំចេញ

ព្រឹត្តិការណ៍, សេដ្ឋកិច្ច

• 23/07/2024

គម្រោងអភិវឌ្ឍន៍ក្រោយប្រមូលផល(CAPFISH-Capture) នៃវិស័យជលផលកំពុងជំរុញខ្សែច្រវាក់ផលិតកម្មឱ្យកាន់តែទូលាយដើម្បីនាំចេញទៅកាន់ទីផ្សារអន្តរជាតិ

សម្តេចធិបតី ហ៊ុន ម៉ាណេត កត់សម្គាល់ពីការនាំចេញផលិតផលកសិកម្មសំខាន់ៗរបស់កម្ពុជា

ព្រឹត្តិការណ៍, សេដ្ឋកិច្ច

• 23/07/2024

សម្តេចធិបតី ហ៊ុន ម៉ាណេត កត់សម្គាល់ពីការនាំចេញផលិតផលកសិកម្មសំខាន់ៗរបស់កម្ពុជា ខណៈឯកអគ្គរដ្ឋទូតចិនថ្មី កោតសរសើរពីរសជាតិស្វាយចន្ទីខ្មែរ

ប្រព័ន្ធធនាគារនៅកម្ពុជាបន្តរក្សាបានភាពធន់ និងរឹងមាំ

ព្រឹត្តិការណ៍, ហិរញ្ញវត្ថុ

• 23/07/2024

ប្រព័ន្ធធនាគារនៅកម្ពុជាបន្តរក្សាបានភាពធន់ និងភាពរឹងមាំ ខណៈសេដ្ឋកិច្ចពិភពលោកនៅមិនទាន់ប្រាកដប្រជា

ក្រុមហ៊ុនឧស្សាហកម្មវាយនភ័ណ្ឌចិន៤០ក្រុមហ៊ុន មកស្វែងយល់កាលានុវត្តភាពវិនិយោគនៅកម្ពុជា

ព្រឹត្តិការណ៍, សេដ្ឋកិច្ច

• 23/07/2024

ក្រុមហ៊ុនឧស្សាហកម្មវាយនភ័ណ្ឌចិនចំនួន៤០ក្រុមហ៊ុន បានមកស្វែងយល់ពីបរិយាកាស និង កាលានុវត្តភាពវិនិយោគនៅកម្ពុជា

ថៃអនុញ្ញាតឲ្យជនបរទេសមកពី ៩៣ ប្រទេសអាចស្នាក់នៅក្នុងប្រទេសបានរយៈពេល ៦០ ថ្ងៃដោយមិនចាំបាច់មានទិដ្ឋាការ ឬ Visa

ព្រឹត្តិការណ៍, សេដ្ឋកិច្ច

• 23/07/2024

ថៃអនុញ្ញាតឲ្យជនបរទេសមកពី ៩៣ ប្រទេសអាចស្នាក់នៅក្នុងប្រទេសបានរយៈពេល ៦០ ថ្ងៃដោយមិនចាំបាច់មានទិដ្ឋាការ ដើម្បីទាក់ទាញទេសចរ

ការរៀបចំយន្តការតាមដាន និងវាយតម្លៃការអនុវត្ដយុទ្ធសាស្រ្ដបញ្ចកោណដំណាក់កាលទី១ ជាដំណាក់កាលសំខាន់

ព្រឹត្តិការណ៍, សេដ្ឋកិច្ច

• 23/07/2024

ការរៀបចំយន្តការតាមដាន ត្រួតពិនិត្យ និងវាយតម្លៃការអនុវត្ដយុទ្ធសាស្រ្ដបញ្ចកោណដំណាក់កាល ទី១ គឺជាដំណាក់កាលសំខាន់នៃគោលនយោបាយរាជរដ្ឋាភិបាល