សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ បន្ទាប់ពីការចរចាយ៉ាងសស្រាក់សស្រាំរវាងប្រទេសដែលបានជាប់ពន្ធគយបដិការលើទំនិញនាំចូលទៅកាន់សហរដ្ឋអាម៉េរិក នៅព្រឹកថ្ងៃទី៨ ខែកក្កដា នេះ លោកប្រធានាធិបតី Donald Trump បានផ្ញើលិខិតទៅកាន់ប្រទេសចំនួន ១៤ បញ្ជាក់អំពីអាត្រាពន្ធគយបដិការថ្មី។ ក្នុងនោះ កម្ពុជាទទួលបានលទ្ធផលជាផ្លែផ្កា ដោយថយមកនៅត្រឹម ៣៦% ខណៈដើមឡើយ កម្ពុជាជាប្រទេសដែលរងអាត្រាពន្ធខ្ពស់ជាងគេក្នុងតំបន់អាស៊ីរហូតដល់ចំនួន ៤៩%។ អាត្រា ៣៦% នេះបាននាំឱ្យកម្ពុជាធ្លាក់មកនៅត្រឹមលេខរៀងទី៣ ជាប្រទេសដែលត្រូវបានសហរដ្ឋអាមេរិក ដាក់ពន្ធខ្ពស់ជាងគេក្នុងតំបន់អាស៊ី បន្ទាប់ពីប្រទេសមីយ៉ាន់ម៉ា និងឡាវ។
យ៉ាងណាក៏ដោយ ប្រទេសជប៉ុន និងកូរ៉េខាងត្បូងដែលជាសម្ព័ន្ធមិត្តចាក់ទឹកមិនលិចរបស់សហរដ្ឋអាម៉េរិក បែរជាមិនទទួលបានលទ្ធផលល្អពីការចរចានោះទេ។ ជប៉ុន ដែលកាលពីខែមេសា កន្លងទៅ រងអាត្រាពន្ធគយពីអាម៉េរិកចំនួន ២៤% បែរជាឡើងមកដល់ ២៥% វិញ នៅក្នុងខែកក្កដានេះ។ ងាកទៅកូរ៉េខាងត្បូងឯណោះវិញ អាត្រាពន្ធគយនៅរក្សាដដែលក្នុងចំនួន ២៥%។
ផ្ទុយពីការអនុវត្តពន្ធនាពេលនេះ កាលពីថ្ងៃចន្ទ លោកប្រធានាធិបតី Donald Trump បានបង្ហោះនៅលើបណ្ដាញសង្គមរបស់ខ្លួន សំដៅបញ្ជូនសារដល់មេដឹកនាំទាំង ១៤ ប្រទេសថា «អាត្រាពន្ធអាចនឹងតម្លើង ឬបន្ថយ អាស្រ័យទៅលើទំនាក់ទំនងរបស់អាម៉េរិកជាមួយនឹងប្រទេសនីមួយៗ»។
គួរបញ្ជាក់ថា អាត្រាពន្ធនាំចូលទំនិញថ្មីរបស់ប្រទេសទាំង ១៤ រួមមាន ៖ មីយ៉ាន់ម៉ា៤០%, ឡាវ ៤០%, កម្ពុជា ៣៦%, ថៃ ៣៦%, ស៊ែប៊ី ៣៥%, បង់ក្លាដែស៣៥%, ឥណ្ឌូណេស៊ី៣២%, អាហ្វ្រិកខាងត្បូង៣០%, បូស្នៀ និងហឺហ្សេហ្គោវីណា ៣០%, កាហ្សាក់ស្ថាន និងម៉ាឡេស៊ី ២៥%, ជប៉ុន និងកូរ៉េ ២៥%៕
Account
Security
Favourite Content