សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ខុសពីអ្វីដែលគេធ្លាប់ឃើញនៅក្នុងវិស័យធានារ៉ាប់រង ដែលផ្ដល់ត្រឹមតែសេវាធានារ៉ាប់រងលើអាយុជីវិត លើអចលនវត្ថុ ដែលផ្ដល់ផលប្រយោជន៍ជាបុគ្គលដល់ក្រុមហ៊ុន បរិបថថ្មីនេះ ក្រុមហ៊ុនធានារ៉ាប់រង បានផ្ដល់ការរួមចំណែកដល់សេដ្ឋកិច្ចជាតិ តាមរយៈការជួយកសិករ។
សម្រាប់បច្ចុប្បន្ន វិស័យនេះចាប់ផ្ដើមបញ្ចូលមុខងារថ្មីៗដើម្បីបម្រើដល់ផលប្រយោជន៍សង្គមឱ្យ បានកាន់តែច្រើន។ ម្យ៉ាងដោយសារតែ កម្ពុជាជាប្រទេសកសិកម្មស្រាប់ ការជួយកសិករជារឿង ដែលចាំបាច់មួយ។
លោក យក់ ចំរើនឫទ្ធិ ប្រធានប្រតិបត្តិជាន់ខ្ពស់នៃសម្ព័ន្ធក្រុមហ៊ុនធានារ៉ាប់រង Forte បានមានប្រសាសន៍ថា នៅឆ្នាំ២០៣០ វិស័យធានារ៉ាប់រងនឹងចូលរួមបានកាន់តែច្រើននៅក្នុងការបង្កើនសេដ្ឋកិច្ចជាតិ។
ក្នុងនោះ លោកបានគូសបញ្ជាក់ថា ក្នុងឆ្នាំនេះ Forte បានធានាដំណាំស្រូវបាន ៨ ៤០០ហិកតា ហើយក្រៅពីនោះក៏មានដំណាំស្វាយ ពោត ស្វាយចន្ទី ដែលយើងធានាលើបម្រែបម្រួលអាកាសធាតុ និងទិន្នផល។
បើតាមការបញ្ជាក់របស់លោក យក់ ចំរើនឫទ្ធិ រហូតមកដល់ពេលនេះ ក្រុមហ៊ុនមានការសាកល្បងសេវាកម្មចំនួន២ សម្រាប់វិស័យកសិកម្ម។ ទី១គឺការធានារ៉ាប់រងលើបម្រែបម្រួលអាកាសធាតុ ដែលមានន័យថា ប្រសិនបើកសិករមិនបានទទួលទឹកភ្លៀងគ្រប់គ្រាន់ ដែលនាំឱ្យប៉ះពាល់ដល់ដំណាំរបស់ពួកគេ ក្រុមហ៊ុននឹងផ្ដល់សំណងទៅតាមទំហំទឹកដែលពួកគេត្រូវការបូម។
ទី២គឺ ដែលចំណុចនេះលោក យក់ ចំរើនឬទ្ធិបានមានប្រសាសន៍ថា ការធានារ៉ាប់រងលើទិន្នផល ឧទាហរណ៍ដូចជាតំបន់មួយដែលមានទំហំមួយហិកតាអាចធ្វើបានទិន្នផល៣តោន ក្រោយមកដោយសារអាកាសធាតុមិនល្អ ឬសត្វល្អិតអាចប្រមូលបានតែ១តោន។ ក្នុងករណីនេះ ក្រុមហ៊ុនធានារ៉ាប់រងនឹងសងកសិករ។
ដោយឡែក មកដល់បច្ចុប្បន្នមានកសិករដែលប្រើប្រាស់សេវាកម្មធានារ៉ាប់រងលើផ្ទៃដីចំនួន ៨ម៉ឺន ហិកតារួចមកហើយ និងដែលទៅថ្ងៃមុខលោករំពឹងថានឹងមានកំណើនអ្នកប្រើប្រាស់កាន់តែច្រើន ដោយសារតែបញ្ហាអាកាសធាតុ។
តាមរយៈការរួមចំណែកថ្មីនេះ លោកកំពុងជំរុញសាកល្បង៣ខេត្តគឺ បាត់ដំបង កំពង់ធំ និងព្រៃវែង ដោយមួយខេត្តយក២ស្រុក និងមួយស្រុកយក៣ឃុំ។ ក្នុងនោះផងដែរ ក្រុមហ៊ុនបានបែងចែកក្រុម ការងារដែលចុះទៅផ្ទាល់ដើម្បីធ្វើយ៉ាងណាឱ្យប្រជាកសិករនៅតាមតំបន់មូលដ្ឋានអាចទទួលបាន ព័ត៌មានទាំងនោះផងដែរ។
ម្យ៉ាងទៀតលោកថា នេះមិនមែនជារឿងថ្មីនោះទេ ព្រោះសម្រាប់ប្រទេសផ្សេងៗដូចជា ឥណ្ឌា ចិន និងថៃជាដើមសុទ្ធតែមានសេវាកម្មធានារ៉ាប់រងទៅលើដំណាំរបស់ពួកគេ ជាពិសេសកសិករដែលធ្វើកសិកម្មក្នុងទំហំធំ៕
Account
Security
Favourite Content