សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ក្រុមការងារ និងជនភៀសសឹកនៅក្រុងរុនតាឯកតេជោ បានរៀបចំដីសម្រាប់ការដាំដុះបន្លែចម្រុះដែលមានរយៈពេលខ្លីនៅលើផ្ទៃដីសរុបប្រមាណ ២ ៦០០ ម៉ែត្រការ៉េ ចំនួន ៥០រោង ដើម្បីដោះជាស្រាយបន្ទុក ក្នុងការហូបចុកប្រចាំថ្ងៃ ដូចជា ត្រកួន ស្ពៃ និងផ្ទី សខណៈដែលចំនួនបងប្អូនប្រជាជនភៀសសឹកមានការកើនឡើងជាលំដាប់។ សកម្មភាពទាំងនេះ គឺជាការអនុវត្តជាក់ស្តែងតាមការផ្តួចផ្តើម និងបំផុសចលនាដ៏មានន័យរបស់ លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ក្នុងការលើកកម្ពស់ការដាំបន្លែតាមផ្ទះ សាលារៀន វត្តអារាម និងសហគមន៍ ដើម្បីអាចពឹងផ្អែកលើខ្លួនឯង និងធានាបានសន្តិសុខស្បៀងសម្រាប់ប្រជាពលរដ្ឋ។
សូមជម្រាបថា ក្រោមការអនុវត្តតាមអនុសាសន៍របស់ឯកឧត្តម ប្រាក់ សោភ័ណ អភិបាលខេត្តសៀមរាប ក្រុមការងាររដ្ឋបាលក្រុងរុនតាឯក បានចុះពិនិត្យស្ថានភាពដីដែលនៅសល់ និងតម្រូវការដាំដុះនាពេលបច្ចុប្បន្ននៅក្នុងបរិវេណវត្តចំនួន២ គឺវត្តជ័យគីរីមុន្នីរង្សី (ហៅវត្តរុន) និងវត្តប្រាសាទចៅស្រីវិបុលកេរ្តិ៍ (ហៅវត្តត្រាច)។
ដោយឡែក ក្រសួងកសិកម្ម ក៏បានសម្របសម្រួលលើការរៀបចំជាកសិដ្ឋានសម្រាប់ដំណាំបន្លែរបស់ក្រុមកាយឫទ្ធិនារីកម្ពុជា ចំនួន ២ហិកតាផងដែរ នៅខេត្តសៀមរាប។ នេះបើតាម ឯកឧត្តម ឃឹម ហ្វីណង់ អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ។
ឯកឧត្តម ឃឹម ហ្វីណង់ បានឱ្យដឹងថា តំណាងក្រសួងកសិកម្ម បានចូលរួមសម្របសម្រួលការងាររៀបចំកសិដ្ឋានបន្លែរបស់កាយឫទ្ធិនារីកម្ពុជាចំនួន ២ហិកតានៅ ខេត្តសៀមរាប និងកសិដ្ឋានបន្លែជាង ៦ ០០០ម៉ែត្រការ៉េទៀត នៅជាប់តំបន់ជនភៀសសឹក ក្នុងស្រុកវាលវែង ខេត្តពោធិ៍សាត់។
ឯកឧត្តមបានបន្តថា គម្រោងទាំង២កន្លែងនេះ ស្របតាមគំនិតផ្តួចផ្តើមរបស់លោកជំទាវបណ្ឌិត ពេជ ចន្ទមុន្នី ដែលបានអំពាវនាវកាលពីពេលថ្មីៗនេះ និងជាពិសេស បំផុតចលនា «យើងរួមគ្នាដើម្បីជាតិ!» ដោយផ្តើមសកម្មភាពពីសមាជិកកាយឫទ្ធិនារីកម្ពុជា រួមទាំងបងប្អូនខ្មែរទាំងអស់នាំគ្នាដាំបន្លែ ប្រមូលផលទុក សម្រាប់យកទៅផ្គត់ផ្គង់ និងគាំទ្រដល់បងប្អូននៅតាមជំរំុជនភៀសសឹក។
ក្រសួងកសិកម្ម បានត្រៀមខ្លួនរួចជាស្រេចក្នុងការសម្របសម្រួល និងផ្តល់ការគាំទ្រខាងផ្នែកបច្ចេកទេស ដើម្បីឱ្យគំនិតផ្តួចផ្តើមរបស់លោកជំទាវបណ្ឌិត ពេជ ចន្ទមុន្នី អាចអនុវត្តបានប្រកបដោយប្រសិទ្ធភាព និងបានជាប្រយោជន៍ដល់បងប្អូនជនភៀសសឹកក្នុងគ្រាលំបាកមួយនេះ។
សូមជម្រាបថា គម្រោងខាងលើនេះបានដំណើរការហើយ ខណៈដែលសកម្មភាពប្រហាក់ប្រហែលគ្នានេះក៏បាន និងកំពុងសហការអនុវត្តដោយក្រសួងកសិកម្ម រុក្ខាប្រមាញ់ និងនេសាទ ជាមួយនឹងរដ្ឋបាលមូលដ្ឋាននៅតាមតំបន់ផ្សេងៗទៀត រួមមាន៖ ខេត្តសៀមរាប ខេត្តពោធិ៍សាត់ ខេត្តបន្ទាយមានជ័យ ខេត្តបាត់ដំបង ខេត្តព្រះវិហារ និងខេត្តឧត្ដរមានជ័យ ហើយក្រសួងគ្រោងសហការជាមួយគម្រោងអភិវឌ្ឍន៍នានាដើម្បីពង្រីកវិសាលនៃការគាំទ្រឱ្យបានច្រើនទីតាំងបន្ថែមទៀតផងដែរ៕
Account
Security
Favourite Content