សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កិច្ចព្រមព្រៀងស្ដីពីការជៀសវាងការយកពន្ធត្រួតគ្នា និងការបង្ការការកិបគេងបន្លំពាក់ព័ន្ធនឹងពន្ធលើប្រាក់ចំណូល ឬជាភាសាអង់គ្លេស Agreement on the avoidance of double taxation and prevention of fiscal evation with respect to taxes on income ដែលហៅកាត់ថា DTA គឺជាកិច្ចព្រមព្រៀងដែលធ្វើឡើងជាលក្ខណៈទ្វេភាគី។
កិច្ចព្រមព្រៀងនេះធ្វើឡើងក្នុងគោលបំណងផ្ដល់ផលប្រយោជន៍ដល់និវាសនជន ដែលជាភាគីនៃកិច្ចព្រមព្រៀង ដើម្បីកុំឱ្យពួកគេទទួលនូវកាតព្វកិច្ចបង់ពន្ធពីរដងទៅលើចំណូល ដែលពួកគេរកបានពីការវិនិយោគនៅក្នុងស្រុក និងក្រៅប្រទេស។
ជាទូទៅ បុគ្គលដែលកំពុងធ្វើអាជីវកម្មនៅក្នុងស្រុកផង និងមានធុរកិច្ចនៅក្រៅប្រទេសដែរនោះ គឺត្រូវបង់ពន្ធចំនួនពីរដងខុសគ្នា ហើយការធ្វើកិច្ចព្រមព្រៀងនេះ គឺដើម្បីជួយសម្រួលកាត់បន្ថយ ការបង់ពន្ធដោយការពិនិត្យមើលថា តើម្ចាស់អាជីវកម្មរួបនោះគួរបង់ពន្ធនៅប្រទេសមួយណា ឬគួរទទួលបានការបន្ធូរបន្ថយពន្ធបែបណាជាដើម។
លោកជំទាវ ប៊ុន នារី អគ្គនាយករងនៃអគ្គនាយកដ្ឋានពន្ធដារបានពន្យល់បកស្រាយពីកិច្ចព្រមព្រៀងនេះថា បើយើងមើលទៅលើពិភពលោកទាំងមូល ជាពិសេសការវិនិយោគ ភាពប្រកួតប្រជែងក្នុងការទាក់ទាញអ្នកវិនិយោគបរទេសឱ្យមកវិនិយោគនៅប្រទេសរៀងៗខ្លួន គឺខ្ពស់ណាស់។
ដើម្បីការប្រកួតប្រជែងនេះ ពិភពលោកកំពុងប្រើប្រាស់គោលនយោបាយពន្ធដារជាច្រើន ក្នុងការទាក់ទាញវិនិយោគិន ដោយឡែកកិច្ចព្រមព្រៀងនេះមានបទបញ្ញត្តិជាច្រើន ដែលបានផ្ដល់ផលប្រយោជន៍ទៅដល់អ្នកវិនិយោគ អាចបានអាត្រាពន្ធទាបជាង ឬក៏អាត្រាពន្ធខ្លះត្រូវបានលើកលែង។ ដូច្នេះហើយ កម្ពុជាក៏គួរតែមាននូវកិច្ចព្រមព្រៀងនេះដែរ។
លោកជំទាវបន្តមានប្រសាសន៍ថា៖
«ម្យ៉ាងទៀត កាលណាបើយើងមានអ្នកវិនិយោគក្នុងស្រុកយើងកើនឡើង នោះយើងនឹងមានលំហូរនៃអ្នកវិនិយោគបរទេសល្អ ហើយដែលមានន័យថាកំណើនការងារក៏មាន ពន្ធប្រាក់ខែក៏យើងយកបាន ពន្ធលើប្រាក់ចំណូលក៏យកបាន ហើយការហូរចូលនៃអ្នកវិនិយោគិនជាការរួមចំណែកនៃការហូរចូលបច្ចេកវិទ្យា ចំណេះដឹង ជំនាញ សព្វគ្រប់បែបយ៉ាង»។
លោកជំទាវបន្តថា កត្តាសំខាន់បំផុតគឺឆន្ទៈគោលនយោបាយក្រៅប្រទេស ដែលថ្នាក់ដឹកនាំបានខិតខំប្រឹងប្រែង ដើម្បីសហប្រតិបត្តិការ និងទាក់ទាញការវិនិយោគ។ កន្លងមកអគ្គនាយកដ្ឋានពន្ធដារ ផ្ទាល់បានខិតខំប្រឹងប្រែងយ៉ាងខ្លាំងក្នុងការបណ្ដុះបណ្ដាលធនធានមនុស្សក្នុងការចរចាកិច្ចព្រមព្រៀងនេះជាមួយប្រទេសជាដៃគូសេដ្ឋកិច្ច ហើយដែលមកដល់ពេលនេះ ធនធានទាំងនោះមានភាពស្ទាត់ ជំនាញក្នុងកម្រិតមួយដែលអាចប្រកួតប្រជែងជាមួយគេបាន។
យ៉ាងណាមិញ លោកជំទាវបានគូសបញ្ជាក់ថា៖
«ការចរចាកិច្ចព្រមព្រៀងនេះគឺមិនបានអាស្រ័យថាប្រទេសយើងមានសេដ្ឋកិច្ចក្នុងកម្រិតណានោះទេ សំខាន់យើងមានភាពច្បាស់លាស់ចំពោះប្រព័ន្ធពន្ធដាររបស់យើង យើងស្គាល់ខ្លួនឯងច្បាស់ យើងមានមានសមត្ថភាព យើងទៅចរចាទាញប្រយោជន៍ឱ្យប្រទេសយើង»។
បើតាមការឱ្យដឹងពីអ្នកជំនាញរូបនេះ កម្ពុជាបានចាប់ផ្ដើមការចរចាលើកិច្ចព្រមព្រៀងនេះតាំងពីឆ្នាំ២០១៥ ហើយជាគោលការណ៍ផង តាមការសិក្សាផង កម្ពុជាបានចាប់ផ្ដើមជាមួយប្រទេស ដែលជារដ្ឋសមាជិកអាស៊ានមុន៕
Account
Security
Favourite Content