សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ចាប់ពីថ្ងៃទី២២ ដល់ថ្ងៃទី២៤ ខែតុលា ក្នុងសប្ដាហ៍នេះ កិច្ចប្រជុំកំពូលតំបន់សេដ្ឋកិច្ចពិភពលោកថ្មី ហៅកាត់ថា BRICS នឹងត្រូវប្រារព្ធធ្វើឡើងនៅក្នុងប្រទេសរុស្ស៊ី ហើយវានឹងក្លាយទៅជាកិច្ចប្រជុំដំបូងបង្អស់ដែលដឹកនាំដោយប្រធានាធិបតីរុស្ស៊ី លោក Vladimir Putin ក្នុងគ្រាដែលរុស្ស៊ីកំពុងរងសំពាធនយោបាយ និងសេដ្ឋកិច្ចពីពិភពលោកដោយសារជម្លោះជាមួយអ៊ុយក្រែន។
ក្រៅពីប្រទេសដែលជាស្ថាបនិកទាំង៥ គឺប្រេស៊ីល, រុស្ស៊ី, ឥណ្ឌា, ចិន និងអាហ្វ្រិកខាងត្បូងហើយនោះ កិច្ចប្រជុំនេះក៏នឹងមានការចូលរួមពីសំណាក់សមាជិកពេញសិទ្ធិថ្មីទាំង៥ផ្សេងទៀតដូចជា អេហ្ស៊ីប, អេត្យូពី, អ៊ីរ៉ង់, អារ៉ាប៊ីសាអូឌីត និងសហភាពអារ៉ាប់រួមផងដែរ ខណៈដែលម្ចាស់ផ្ទះរុស្ស៊ីក៏បានអញ្ជើញភ្ញៀវកិត្តិយសជាច្រើនប្រទេសដែលរួមមានទាំងប្រទេសកំពុងដាក់ពាក្យចូលជាសមាជិក និងប្រទេសកំពុងពិចារណាចូលរួម BRICS ផងដែរ។
សារព័ត៌មានជាច្រើនរបស់ពិភពលោកបានមើលឃើញថា ព្រឹត្តិការណ៍ដ៏ធំដែលរៀបចំនៅក្នុងទីក្រុង Tatarstan នៃរដ្ឋ Kazan ប្រទេសរុស្ស៊ីមួយនេះ បានក្លាយជាកញ្ចក់បញ្ចាំងការពិតថា កិច្ចខិតខំរបស់លោកខាងលិចចំពោះការប៉ុនប៉ង់ធ្វើឲ្យរុស្ស៊ីក្លាយជារដ្ឋឯកានោះនឹងក្លាយទៅជារឿងបរាជ័យគួរឲ្យអាម៉ាសទៅវិញ។
វិទ្យាស្ថានជាតិអាមេរិកលើកិច្ចការងារសន្តិភាព United Statees Institute of Peace បានមើលឃើញថា មេដឹកនាំធំទាំង២ របស់ BRICS គឺចិន និងរុស្ស៊ី បានដាក់មហិច្ចតារួមគ្នាក្នុងការរៀបចំកសាងសម្ព័ន្ធភាពដ៏ធំនេះឡើងក្នុងគោលបំណងអាចជំនួសប្រព័ន្ធដឹកនាំសន្តិសុខពិភពលោក និងហិរញ្ញវត្ថុសកល ដែលធ្លាប់តែគ្រប់គ្រងដោយលោកខាងលិច និងធ្វើយ់ាងណាបន្តពង្រីកឲ្យបានកាន់តែទូលាយនូវសមាជិកភាពរហូតទាល់តែដល់គោលដៅធំរបស់ខ្លួន។
តាមរយៈរូបភាពទាំងនេះ មិនត្រឹមតែបានបង្ហាញពីភាពបរាជ័យរបស់អង្គការធំៗដែលដឹកនាំដោយលោកខាងលិច និងអាមេរិក ដែលមានដូចជា G7, G20 ឬ NATO នោះទេ ប៉ុន្តែវាក៏មានន័យថា ពិភពលោកបច្ចុប្បន្នកំពុងត្រូវបានពុះជ្រៀកទៅជា២ចំណែកនៃប៉ូលមហាអំណាចជាមួយនឹងសណ្តាប់ធ្នាប់ពិភពលោកថ្មីដែលដឹកនាំដោយតំបន់ធំទាំង២នេះ។
គួរឲ្យដឹងដែរថា បច្ចុប្បន្ននេះមានប្រទេសជាង៣០មកហើយដែលកំពុងតម្រង់ជួរគ្នាដាក់ពាក្យស្នើសុំ និងបង្ហាញចំណាប់អារម្មណ៍ក្លាយជាសមាជិករបស់ BRICS ដែលក្នុងរួមមានទាំងសមាជិកប្រជាជាតិអាស៊ីអាគ្នេយ៍ផងដែរ រួមមានដូចជា ប្រទេសថៃ, ម៉ាឡេស៊ី, វៀតណាម ព្រមទាំងសមាជិករបស់អង្គការណាតូ រួមមាន ប្រទេសតួគី និងប្រទេសអ្នកផលិតប្រេង-ហ្គាស ដ៏ធំរបស់ពិភពលោក គឺអាល់ហ្ស៊េរីទៅដល់ប្រទេសមានពលរដ្ឋអ៊ីស្លាមធំបំផុតដូចជា ឥណ្ឌូនេស៊ី និងនេហ្ស៊េរីយ៉ាងផងដែរ។
បើគិតតាមទិន្នន័យជាក់ស្តែងនៅពេលនេះ មូលហេតុដែលនាំឲ្យមានបណ្តាប្រទេសកាន់តែច្រើនចង់ចូលរួមជាសមាជិករបស់ BRICS ក៏ដោយសារតែវាមានលក្ខខណ្ឌងាយស្រួល ហើយគិតត្រឹមសមាជិកពេញសិទ្ធិទាំង១០ប្រទេសនាពេលបច្ចុប្បន្នបានធ្វើឲ្យទំហំនៃចំនួនប្រជាជនសរុបរបស់ BRICS មានទៅដល់ប្រមាណ ៤៥ភាគរយនៃចំនួនប្រជាជនសរុបពិភពលោក និងមានចំណែកសរុបប្រមាណ៤៧ភាគរយ ដែលផលិតប្រេងឆៅនៅលើពិភពលោក៕
Account
Security
Favourite Content