ពិព័រណ៍ការងារក្នុងវិស័យធនាគារ និងហិរញ្ញវត្ថុ ជួយបង្កើនធនធានមនុស្សឱ្យកាន់តែប្រសើរ

កម្មវិធីពិព័រណ៍ជំនាញ និងការងារ (Job and Skill Summit 2023) គ្រោងនឹងធ្វើឡើងនាថ្ងៃទី ២៩ និង ៣០ខែកញ្ញាខាងមុខ នៅក្នុងបរិវេននៃសកលវិទ្យាល័យជាតិគ្រប់គ្រង។ ពិព័រណ៍នេះផងដែរធ្វើឡើងក្នុងគោលបំណងផ្សារភ្ជាប់សិស្សានុសិស្សទៅនឹងជំនាញ ក៏ដូចជាការងារក្នុងវិស័យធនាគារ និងហិរញ្ញវត្ថុ។ ជាមួយនឹងការអភិវឌ្ឍនៃសង្គម ក៏ដូចជាសេដ្ឋកិច្ចកម្ពុជាឱ្យមានកំណើន វិស័យធនាគារ និងហិរញ្ញវត្ថុក៏ជា​ចំណែកមួយយ៉ាងសំខាន់ផងដែរ។ ដូច្នេះហើយ ការដាក់ចេញនូវកម្មវិធីសម្រាប់អនុវត្តដើម្បីផ្សារភ្ជាប់ទំនាក់ទំនងជាមួយ សិស្សានុសិស្ស គឺជាវិធីមួយក្នុងការពង្រឹងធនធានមនុស្សផ្នែកនេះឱ្យកាន់តែប្រសើរឡើង។

ត្រង់ចំណុចនេះ លោក ស៊ូ វិសាល នាយកគ្រប់គ្រងទូទៅនៃវិទ្យាស្ថានធនាគារ និងហិរញ្ញវត្ថុ (IBF) បាន​ឱ្យដឹងថា ក្នុងឱកាសពិព័រណ៍ជំនាញ និងការងារនាពេលខាងមុខ​នេះ ស្ថាប័នធនាគារ និងហិរញ្ញ​វត្ថុចំនួន​ជិត ២០​ស្ថាប័ននឹងចូលរួមដាក់តាំងបង្ហាញឱកាសហាត់ការការងារជាច្រើនកន្លែង ហើយក្នុងការចូលរួមពិព័រណ៍នេះផងដែរ សិស្សានុសិស្ស ឬអ្នកស្វែងរកការងារអាចស្វែងរក​ព័ត៌មានជាច្រើនអំពីស្ថាប័នចំនួន២០ក្នុងពេលតែមួយ។

ម្យ៉ាងទៀត លោកក៏បានរំលេចពីកម្មវិធីទូរស័ព្ទដៃ IBFKH ដែលសិស្សអាចប្រើប្រាស់បានសម្រាប់​ស្វែងរកព័ត៌មានពីការងារលើវិស័យធនាគារ និងហិរញ្ញវត្ថុដោយសង្កត់ធ្ងន់ថា ៖ ​

«សិស្សគាត់សុទ្ធតែមានទូរស័ព្ទដៃប្រើប្រាស់ ដូច្នេះគាត់អាចចំណាយពេលក្នុងការសិក្សាទៅលើ ស្ថាប័នធនាគារទាំង២០នោះ ហើយសម្រាប់ការដាក់ពាក្យការងារគឺគាត់អាចដឹងថាគាត់គួរត្រៀមខ្លួន យ៉ាងណាខ្លះ ត្រូវមានអ្វីខ្លះជាដើម»។

ក្នុងឱកាសនេះដែរ លោកស្រី ផល​ ឆាលម៍ ធានី អគ្គលេខាធិការនៃសមាគមន៍ធនាការនៅកម្ពុជា (ABC) បានមានប្រសាសន៍ថា ៖​ បច្ចុប្បន្ននេះគឺត្រូវការអប់រំ បណ្ដុះបណ្ដាលធនធានមនុស្ស ដោយសារតែ​​ស្ថាប័នធនាគារ ស្ថាប័នហិរញ្ញវត្ថុមានច្រើន ដូច្នេះក៏ត្រូវការធនធាន​ច្រើនដូចគ្នា។ ដូច្នេះ បានជាមានការបង្កើត IBF ឡើងដើម្បីឱ្យសិស្ស-និស្សិតដែលមានចំណាប់​អារម្មណ៍​ទៅលើវិស័យធនាគារ និងហិរញ្ញវត្ថុអាចចូលមករៀន ហើយពិព័រណ៍នេះ​ក៏ជាឱកាស​មួយធ្វើឱ្យមានទំនាក់ទំនងរវាងសិស្ស និងស្ថាប័នផងដែរ។

ជាមួយគ្នានេះ ឯកឧត្តមសាស្ត្រាចារ្យបណ្ឌិត ហោ ប៉េង សកលវិទ្យាធិការនៃសកលវិទ្យាល័យ​ជាតិគ្រប់គ្រងក៏បានបង្ហាញសុទិដ្ឋិនិយមទៅលើការបើកឱកាសបន្ថែមដល់សិស្សនិស្សិតបែបនេះ ដោយហេតុថា វាបង្កភាពងាយស្រួលកាន់តែខ្លាំងថែមទៀតដល់និស្សិតដែលបានបញ្ចប់ការសិក្សា ឬកំពុងសិក្សាក្នុងការស្វែងរកការងារ ឬការហាត់ការជាដើម។ ប៉ុន្តែទោះជាយ៉ាងណា ឯកឧត្តមបានគូសបញ្ជាក់ថា ជាទូទៅសិស្ស និស្សិតដែលបានបញ្ចប់ការសិក្សាពីសកលវិទ្យាល័យទៅ សុទ្ធតែមានការងារធ្វើច្បាស់លាស់ទៅតាមជំនាញរបស់ពួកគេរៀងខ្លួន។​

ជាមួយគ្នានេះ កញ្ញា លី ម៉ីម៉ី ដែលជានិស្សិតកំពុងសិក្សាជំនាញធនាគារ និងហិរញ្ញវត្ថុ និងបានចូលរួមក្នុងសន្និសីទស្ដីពីពិព័រណ៍ការងារខាងលើនេះ បានបង្ហាញចំណាប់អារម្មណ៍ថា កញ្ញាមានការពេញចិត្តចំពោះការរៀបចំកម្មវិធីពិព័រណ៍ការងារនេះខ្លាំង។

ពេញចិត្តព្រោះថា ក្នុងនាមកញ្ញាជានិស្សិត កញ្ញាត្រូវការព័ត៌មានជាច្រើនពាក់ព័ន្ធនឹងការងារ ដែលខ្លួនកញ្ញាផ្ទាល់ត្រូវជ្រើសរើសនាពេលអនាគត។ ម្យ៉ាងទៀត វាជាការស្វែងយល់បន្ថែមពីការត្រៀមខ្លួននានាដើម្បីក្លាយខ្លួនជាធនធានដែលមានគុណភាពទៅថ្ងៃអនាគតផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រសួងពាណិជ្ជកម្មក្រើនរំលឹកដល់សាធារណជនឱ្យមានការប្រុងប្រយ័ត្នចំពោះផ្លែទុរេនជ្រលក់សារធាតុគីមី

ព្រឹត្តិការណ៍, សេដ្ឋកិច្ច

• 25/06/2024

ក្រសួងពាណិជ្ជកម្មកាលពីពេលថ្មីៗនេះ បានចេញសេចក្ដីជូនដំណឹងអំពីករណីនាំចូលផ្លែទុរេនពីប្រទេសជិតខាង មកដាក់លក់លើទីផ្សារកម្ពុជា ដោយមានប្រើសារធាតុគីមី

៥​ខែ​ដើមឆ្នាំ២០២៤ ការនាំចេញ​របស់​កម្ពុជា​ទៅកាន់ប្រទេសសមាជិក​ RC​E​P​ ​មានការកើន​ឡើង​ ​

ព្រឹត្តិការណ៍, សេដ្ឋកិច្ច

• 25/06/2024

របាយការណ៍ក្រសួងពាណិជ្ជកម្មបង្ហាញថា រយៈពេល៥ខែ ដើមឆ្នាំ២០២៤ ពាណិជ្ជកម្មកម្ពុជាជាមួយប្រទេសដៃគូសេដ្ឋកិច្ច RCEP បានកើនឡើងដល់ ១៤,១៧ ពាន់លានដុល្លារ

ស្ថាប័ន OECD ព្យាករពីស្ថានភាពសេដ្ឋកិច្ចសកល ២៥ឆ្នាំក្រោយ ខណៈចិននឹងក្លាយជាមហាអំណាចថ្មីជំនួសអាមេរិកយ៉ាងប្រាកដ

ព្រឹត្តិការណ៍, សេដ្ឋកិច្ច

• 25/06/2024

រយៈពេល២៥ឆ្នាំខាងមុខនេះមានបម្រែបម្រួលជាច្រើនដោយក្នុងនោះអង្គការអន្តរជាតិ OECD បានមើលឃើញថា ពិភពលោកនឹងអាចមានចំនួនមនុស្សកើនឡើងទៅដល់៩ពាន់លាននាក់

PillTech និង Sanofi GHU រួមគ្នា ដើម្បីជួយវិស័យសុខាភិបាលនៅកម្ពុជាកាន់តែប្រសើរ

ព្រឹត្តិការណ៍, អត្ថបទពាណិជ្ជកម្ម

• 24/06/2024

ក្រុមហ៊ុន PillTech ជាធុរកិច្ចខ្មែរឈានមុខផ្នែកបច្ចេកវិទ្យាវិស័យសុខាភិបាល និង Sanofi Global Health Unit (GHU) ដែលជាអង្គភាពមិនរកប្រាក់ចំណេញរបស់ក្រុមហ៊ុន Sanofi បានចាប់ដៃគូក្នុងគោលបំណងអោយការផ្តល់សេវាសុខាភិបាល

ប្រជាកសិករយល់ដឹងកាន់តែច្រើនពីផលប៉ះពាល់របស់ជីគីមី ហើយងាកមកប្រើជីធម្មជាតិជំនួស

ជំនួញ, ព្រឹត្តិការណ៍

• 24/06/2024

អាជីវកម្មជីធម្មជាតិ កំពុងទទួលបានការគាំទ្រស្ទើរទូទាំងប្រទេស ខណៈដែលប្រជាកសិករមានការយល់ដឹងកាន់តែច្រើនពីផលប៉ះពាល់របស់ជីគីមី ហើយងាកមកប្រើជីធម្មជាតិជំនួសវិញ។

ឧស្សាហកម្មកាត់ដេរ និងវាយនភណ្ឌ ជាសសរស្តម្ភនៃសេដ្ឋកិច្ច ខណៈរោងចក្រម៉ៅការដេរដើរតួនាទីសំខាន់ក្នុងឧស្សាហកម្មកាត់ដេរនៅកម្ពុជា

ព្រឹត្តិការណ៍, សេដ្ឋកិច្ច

• 24/06/2024

ឧស្សាហកម្មកាត់ដេរ និង វាយនភណ្ឌជាសសរស្តម្ភនៃសេដ្ឋកិច្ច ខណៈរោងចក្រម៉ៅការដេរដើរតួនាទីយ៉ាងសំខាន់ក្នុងឧស្សាហកម្មកាត់ដេរនៅកម្ពុជា ។

សារៈសំខាន់នៃកិច្ចសន្យាឥណទានដែលអ្នកប្រើប្រាស់កម្ចីផ្លូវការគួរស្វែងយល់

ព្រឹត្តិការណ៍, ហិរញ្ញវត្ថុ

• 24/06/2024

កិច្ចសន្យាឥណទាន គឺសំដៅទៅលើកិច្ចសន្យាខ្ចីប្រាក់រវាងអតិថិជន និងស្ថាប័នផ្ដល់កម្ចីផ្លូវការដែល រូមមាន ធនាគារ និងមីក្រូហិរញ្ញវត្ថុ...

សក្ដានុពល​ក្នុងវិស័យកសិកម្មនៃតំបន់​ប៉ូលសេដ្ឋកិច្ចទី៤ នឹងកាន់តែទាក់ទាញ​ការ​វិនិយោគក្រោយ​គម្រោង​​ធារាសាស្ត្រ​ធំៗ​លេចជារូបរាង​

ព្រឹត្តិការណ៍, អចលនទ្រព្យ

• 24/06/2024

សក្ដានុពល​ក្នុងវិស័យកសិកម្មនៃតំបន់​ប៉ូលសេដ្ឋកិច្ចទី៤ នឹងកាន់តែទាក់ទាញ​ការ​វិនិយោគក្រោយ​គម្រោង​​ធារាសាស្ត្រ​ធំៗ​លេចជារូបរាង​

ចិនព្រមានថា ការដាក់ពន្ធរបស់សហភាពអឺរ៉ុបអាចបង្កឱ្យមានសង្គ្រាមពាណិជ្ជកម្មរវាងភាគីទាំងពីរ

ព្រឹត្តិការណ៍, សេដ្ឋកិច្ច

• 24/06/2024

អ្នកនាំពាក្យក្រសួងពាណិជ្ជកម្មចិនលើកឡើងថា ភាគីអឺរ៉ុបបន្តបង្កើនការប៉ះទង្គិចពាណិជ្ជកម្ម ហើយអាចបង្កឱ្យមានសង្គ្រាមពាណិជ្ជកម្ម ហើយទំនួល​ខុស​ត្រូវ​គឺ​ស្ថិត​នៅ​លើ​ភាគី​អឺរ៉ុប​ទាំង​ស្រុង

ធនាគារពិភពលោកអនុម័តការវិនិយោគក្រោមជំនួយឥណទានចំនួន ១៤៥ លានដុល្លារសម្រាប់គម្រោងកែលម្អ​ហេដ្ឋារចនាសម្ព័ន្ធផ្គត់ផ្គង់ទឹកនៅកម្ពុជា

ព្រឹត្តិការណ៍, សេដ្ឋកិច្ច

• 24/06/2024

ធនាគារពិភពលោកអនុម័តការវិនិយោគក្រោមជំនួយឥណទានចំនួន ១៤៥ លានដុល្លារសម្រាប់គម្រោងកែលម្អ​ហេដ្ឋារចនាសម្ព័ន្ធផ្គត់ផ្គង់ទឹកនៅកម្ពុជា