សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ទោះស្ថានភាពជម្លោះដោយយោធារវាងអ៊ុយក្រែន និងរុស្ស៊ីនៅតែបន្តនៅឡើយក្តី ប៉ុន្តែគេមើលឃើញថា ដំណើរការរៀបចំកិច្ចព្រមព្រៀងសន្តិភាពកំពុងរំកិលទៅមុខស្របពេលដែលការឡើងមកកាន់តំណែងសាជាថ្មីរបស់ប្រធានាធិបតីអាមេរិក លោក Donald Trump ក៏ខិតមកជិតដល់ពេលកំណត់។
ចំពោះបញ្ហានេះមានអ្នកវិនិយោគិនជើងចាស់ម្នាក់របស់សហរដ្ឋអាមេរិក គឺលោក Jim Rogers បានធ្វើការព្យាករណ៍ថា ប្រទេសរុស្ស៊ីដែលជាភាគីបង្កជម្លោះដំបូងគេនោះនឹងហក់ឡើងនូវកំណើនសេដ្ឋកិច្ចរបស់ខ្លនដ៏ខ្លាំងក្លានៅក្រោយពេលបញ្ចប់ជម្លោះជាមួយអ៊ុយក្រែនជាស្ថាពរ។
ថ្លែងនៅក្នុងបទសម្ភាសន៍ជាមួយនឹងកាសែត RBK News កាលពីថ្ងៃពុធសប្តាហ៍កន្លងទៅ លោក Rogers បាននិយាយថា ដំណោះស្រាយទាំងឡាយណាដែលអាចបញ្ចប់ជម្លោះយោធានេះបាន ក៏អាចធ្វើឲ្យស្ថិរភាពនៃភូមិសាស្ត្រនយោបាយត្រឡប់មករកភាពល្អប្រសើរឡើងវិញ ហើយមិនត្រឹមតែប៉ុណ្ណោះ វានឹងជះកត្តាវិជ្ជមានខ្លាំងចំពោះបំណុលរបស់រុស្ស៊ី ជាពិសេសទៅលើរូបិយបណ្ណលុយរូបល Ruble ព្រមទាំងបង្កើនសកម្មភាពវិនិយោគបរទេសកាន់តែច្រើនទៅឲ្យរុស្ស៊ីផងដែរ។
ចាប់តាំងតែពីឆ្នាំ២០២២មក ជម្លោះអ៊ុយក្រែន-រុស្ស៊ី បានបណ្តាលឲ្យកើតចេញជាវិបត្តិធ្ងន៉ធ្ងរសម្រាប់ពិភពលោក ខណៈដែលវិនិយោគិនបរទេសខុសពីជនជាតិរុស្ស៊ី (Non-Russian Investors) ជាច្រើនបានជួបបញ្ហាបង្ខាំងទុន និងលុយវិនិយោគរបស់ខ្លួនដែលមានពាក់ព័ន្ធទៅនឹងយុទ្ធនាការរបស់ប្រទេសលោកខាងលិចដើម្បីប្រយុទ្ធប្រឆាំង និងដាក់ទណ្ឌកម្មទៅលើសេដ្ឋកិច្ចរបស់ប្រទេសរុស្ស៊ី។
លោក Rogers បានថ្លែងទៀតថា ទីផ្សាររុស្ស៊៊ីបច្ចុប្បន្នមិនសមស្របសម្រាប់វិនិយោគិនបរទេសនៅឡើយទេ ដោយសារតែហានិភ័យទាក់ទងនឹងជម្លោះ រួមទាំងការភ័យខ្លាចនៃការរឹបអូសទ្រព្យសម្បត្តិ ប៉ុន្តែទោះជាយ៉ាងណាក៏ដោយ លោកបានព្យាករណ៍ពីការផ្លាស់ប្តូរយ៉ាងខ្លាំងបន្ទាប់ពីដំណោះស្រាយជម្លោះត្រូវបានអនុវត្ត ហើយវានឹងនាំឱ្យមានការកើនឡើងវិញយ៉ាងខ្លាំងនៃទីផ្សារបណ្ណបំណុល និងលុយរូបលរបស់រុស្ស៊ីកាន់តែរឹងមាំ។
លោកបានពោលបែបនេះថា៖
«ប្រសិនបើស្ថានភាពចាប់ផ្តើមប្រែប្រួល នោះអ្វីដែលខ្ញុំនឹងត្រូវធ្វើមុនគេគឺការវិនិយោគទៅលើបណ្ណបំណុល និងលុយរូបលរបស់រុស្ស៊ី ហើយទីផ្សារភាគហ៊ុនរបស់រុស្ស៊ី MOEX (Moscow Exchange) និងទីផ្សារហ៊ុននៅក្នុងវិស័យទេសចរណ៍ ព្រមទាំងការធ្វើដំណើរនឹងក្លាយទៅជាប្រភពទាញយកចំណូលបានយ៉ាងច្រើនពីសំណាក់អ្នកវិនិយោគ»។
យ៉ាងណាក្តី ជុំវិញបញ្ហាសេដ្ឋកិច្ចពិភពលោក លោក Rogers បានព្រមានអំពីវិបត្តិសេដ្ឋកិច្ចពិភពលោកដែលកំពុងកើតមាននៅពាក់កណ្តាលនិទាឃរដូវ (ចាប់ពីខែមិនាទៅដល់ឧសភា) ។ មិនត្រឹមតែប៉ុណ្ណោះលោកក៏បានសន្មតថានេះជាការកើនឡើងនៃបំណុលជាតិអាមេរិក ជាពិសេសបញ្ហាពន្ធនាំចូលដ៏ចម្រូងចម្រាសនៃរដ្ឋបាលលោក Trump លើទំនិញរបស់ចិន ដែលលោកបាននិយាយថាអាចប៉ះពាល់ដល់ពាណិជ្ជកម្ម និងសេដ្ឋកិច្ចពិភពលោកយ៉ាងធ្ងន់ធ្ងរ ដោយប្រដូចការធ្លាក់ចុះនេះប្រហាក់ប្រហែលនឹងវិបត្តិសេដ្ឋកិច្ចដ៏ធំកាលពីទសវត្សរ៍ឆ្នាំ១៩៣០កន្លងទៅនោះដែរ៕
Account
Security
Favourite Content