សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សេដ្ឋកិច្ច ៖ ដំណើរទស្សនកិច្ចរបស់ប្រធានាធិបតីអាមេរិកលោក Joe Biden ទៅដល់ប្រទេសវៀតណាមកាលពីថ្ងៃទី១០ ខែកញ្ញា ឆ្នាំ២០២៣ម្សិលមិញ គឺជាជោគជ័យដ៏ធំធេងមួយរបស់ប្រទេសក្នុងតំបន់អាស៊ីអាគ្នេយ៍មួយនេះដោយក្នុងនោះកិច្ចព្រមព្រៀងពាណិជ្ជកម្មសំខាន់ៗមួយចំនួនត្រូវបានចុះហត្ថលេខា។
វៀតណាមបានទទួលនូវកិច្ចព្រមព្រៀងជាមួយអាមេរិកសម្រាប់ផលិតផលបន្ទះឈីបផង semiconductors និងកិច្ចព្រមព្រៀងលើវិស័យរ៉ែផង។ វៀតណាមត្រូវបានគេមើលឃើញថាកំពុងលើកតម្កល់រដ្ឋាភិបាលទីក្រុងវ៉ាស៊ីនតោនតាមរយៈកិច្ចការងារការទូតទៅដល់ចំណុចដ៏ខ្ពស់បំផុតមួយស្មើទៅនឹងទំនាក់ទំនងរបស់ខ្លួនជាមួយនឹងមហាអំណាចចិន និងរុស្ស៊ីដែរ។
អាមេរិកមានបញ្ហាជាច្រើនមិនស៊ីគ្នាជាមួយនឹងចិនឡើយចាប់រាប់តាំងតែពីបញ្ហានៅកោះតៃវ៉ាន់រហូតទៅដល់បញ្ហាពាណិជ្ជកម្ម ខណៈដែលអាមេរិក និងរុស្ស៊ីកំពុងមានការតឹងសរសៃកដាក់គ្នាជុំវិញបញ្ហាជម្លោះនៅអ៊ុយក្រែន និងកិច្ចព្រមព្រៀងគ្រប់គ្រងអាវុធនុយក្លេអ៊ែរ ឬ NEW Start ផងដែរ ប៉ុន្តែទោះបីជាយ៉ាងណាក្តី វៀតណាមហាក់ដូចជាមិនសូវមានការខ្វាយខ្វល់នឹងសំពាធទាំងនោះឡើយក្នុងនាមជាប្រទេសមួយដែលស្ថិតនៅក្នុងទីតាំងជាយុទ្ធសាស្ត្រដូចគ្នាចំពោះមុខអាមេរិក ចិន និងរុស្ស៊ី។
អត្ថប្រយោជន៍ដែលទទួលបានពីអាមេរិកមានទំហំច្រើន និងយូរអង្វែង ខណៈអត្ថប្រយោជន៍ដែលវៀតណាមទទួលបានពីរុស្ស៊ីគឺជាបច្ចេកវិទ្យាអាវុធ និងកិច្ចសហប្រតិបត្តិការផ្នែកកិច្ចការងារការពារជាតិដោយមិនមានអ្វីដែលត្រូវព្រួយបារម្ភចំពោះទណ្ឌកម្មសេដ្ឋកិច្ចពីអាមេរិកនោះឡើយ។
វៀតណាមបាន និងកំពុងបន្តទិញអាវុធធុនធ្ងន់ជាច្រើនពីប្រទេសរុស្ស៊ី រួមទាំងមីស៊ីលប្រឆាំងនាវាចម្បាំង ឧត្ថម្ភាគចក្រ នាវាមុជទឹក និងយន្តហោះចម្បាំងប្រឆាំងនាវាមុជទឹកទៅដល់ប្រព័ន្ធមីស៊ីលប្រឆាំងយន្តហោះចម្បាំង និងសូម្បីតែយន្តហោះចម្បាំងផងដែរ។
ដោយឡែកទំនាក់ទំនងចិន និងវៀតណាមក៏មិនចាញ់ទំនាក់ទំនងជាមួយនឹងមហាអំណាចទាំងពីរនោះដែរ។ អតីតកាលជាង២៦ឆ្នាំចុងក្រោយនេះ វៀតណាម និងចិនមានកំណើនពាណិជ្ជកម្មប្រមាណជា ២២,៤ភាគរយពីទំហំត្រឹមតែ ៣០២លានដុល្លារកាលពីឆ្នាំ១៩៩៥ ទៅដល់ ៥៧,៨ពាន់លានដុល្លារកាលពីឆ្នាំ២០២១។
ទិន្នន័យពីអគ្គនាយកដ្ឋានគយបានបង្ហាញថា ក្នុងឆ្នាំ២០២២ ប្រទេសចិនគឺជាដៃគូពាណិជ្ជកម្មដ៏ធំបំផុតរបស់វៀតណាមជាមួយនឹងទំហំពាណិជ្ជកម្មទ្វេភាគីសរុបចំនួន ១៧៥,៥៧ ពាន់លានដុល្លារ បន្ទាប់មកគឺសហរដ្ឋអាមេរិក១២៣,៨៦ ពាន់លានដុល្លារ សាធារណរដ្ឋកូរ៉េ ៨៦,៣៨ ពាន់លានដុល្លារ និងប្រទេសជប៉ុន ៤៧,៦១ ពាន់លានដុល្លារ។
គួរឲ្យដឹងដែរថា វៀតណាម គឺជាប្រទេសមួយដែលមានកំណើនសេដ្ឋកិច្ចលឿនបំផុតក្នុងចំណោមប្រទេសនៅអាស៊ី ជាមួយអត្រាកំណើន GDP ប្រចាំឆ្នាំជាមធ្យមគឺប្រហែល ៦,៥ភាគរយ ដែលរួមជាមួយនឹងកំណើនប្រជាជនដែលមានស្ថិរភាព និងការកើនឡើងនៃភាពរុងរឿងធ្វើឱ្យវៀតណាមក្លាយជាទីផ្សារដ៏គួរឱ្យទាក់ទាញក្នុងរយៈពេលវែង៕
Account
Security
Favourite Content