សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ មន្ត្រីជាន់ខ្ពស់ក្រសួងកសិកម្ម បានឱ្យដឹងថា គិតពីថ្ងៃ២៣ ខែវិច្ឆិកា ដល់ថ្ងៃទី៣០ ខែវិច្ឆិកា ឆ្នាំ២០២៥ ក្រុមការងារ នៃមន្ទីរកសិកម្ម បានបន្តចុះសម្របសម្រួលជាមួយក្រុមការងារក្រុមហ៊ុន ជីបម៉ុង ប្រមូលទិញស្រូវពីក្រុមគ្រួសារកងទ័ពក្នុងខេត្តឧត្តរមានជ័យ សរុបចំនួន ២៤១គ្រួសារ ស្មើនឹង ១ ០០៣ ៥៣៧គីឡូក្រាម។
ឯកឧត្តមបណ្ឌិត យ៉ង សាំងកុមារ រដ្ឋលេខាធិកាក្រសួងកសិកម្មរុក្ខាប្រមាញ់ និងនេសាទ បានបញ្ជាក់ថា បើគិតតែថ្ងៃទី៣០ ខែវិច្ឆិកា ឆ្នាំ២០២៥ ក្រុមហ៊ុន ជីបម៉ុង បានប្រមូលទិញស្រូវពីក្រុមគ្រួសារកងទ័ពប្រចាំខេត្តឧត្តរមានជ័យ ចំនួន២៧គ្រួសារបានចំនួន ១១២ ៩៥៦គីឡូក្រាម។
ឯកឧត្តមបណ្ឌិត រួមនឹងក្រុមការងារ និងមន្រ្តីកសិកម្មសង្កាត់សំរោង ខេត្តឧត្តរមានជ័យ បានសម្របសម្រួលក្រុមហ៊ុន ជីបម៉ុង តាំងពីថ្ងៃ២៣ ខែវិច្ឆិកាមកម៉្លេះ ដើម្បីប្រមូលទិញស្រូវពីកសិករជាប្រភេទស្រូវនាងអំ ហើយនៅថ្ងៃទី៣០ ខែវិច្ឆិកា ឆ្នាំ២០២៥ នេះបានចំនួន១១២,៩៥៦គីឡូក្រាម ដោយទិញពីកសិករក្នុងតម្លៃ១,០០០រៀលក្នុង១គីឡូក្រាម។
សូមជម្រាបជូនថា បើគិតចាប់ពីថ្ងៃទី២៣ ដល់ថ្ងៃទី៣០ ខែវិច្ឆិកា ឆ្នាំ២០២៥ ក្រុមហ៊ុន ជីបម៉ុង បានប្រមូលទិញស្រូវពីក្រុមគ្រួសារកងទ័ពក្នុងខេត្តឧត្តរមានជ័យ សរុបចំនួន ២៤១គ្រួសារ ស្មើនឹង ១ ០០៣ ៥៣៧គីឡូក្រាម ស្មើនឹងថវិកាប្រមាណ ១ ០០៣ ៥៣៧ ០០០រៀល។
ឯកឧត្តមបណ្ឌិត យ៉ង សាំងកុមារ បានបញ្ជាក់ថា៖ សម្រាប់ចំនួន ២៤១គ្រួសារ ស្មើនឹងស្រូវ ១ ០០៣ ៥៣៧គីឡូក្រាម ស្នើថវិកាប្រមាណ ១ ០០៣ ៥៣៧ ០០០រៀល ។ក្នុងនោះស្រូវផ្ការំដួលបានចំនួន២៣គ្រួសារ ស្មើនិង ៩៣ ២៩២គីឡូក្រាម ស្រូវនាងអំបានចំនួន២១៨គ្រួសារ ស្មើនិង ៩១០ ២៤៥គីឡូក្រាម។
សូមជម្រាបថា ស្រូវ«នាងអំ» ជាពូជស្រូវបុរាណមួយប្រភេទ មានប្រភពពីខេត្តក្រចេះ ដែលត្រូវបានរកឃើញដោយស្រ្តីចំណាស់ម្នាក់ឈ្មោះ«អំ» នៅឃុំស្វាយជ្រះ ស្រុកស្នួល ខេត្តក្រចេះ អំឡុងទសវត្សរ៍៨០។ អង្ករនាងអំ មានក្លិនក្រអូបប្រហើរ រសជាតិឆ្ងាញ់ និងទម្ងន់ធ្ងន់។ ម្យ៉ាងទៀត វាក៏មានដើមរឹង ងាយស្រួលដាំ ព្រមទាំងធននឹងអាកាសធាតុ ទៀតផង។
នៅកម្ពុជា ក៏មានកសិករនៅខេត្តសៀមរាប បង្កើតសហគមន៍កសិកម្មទំនើបមួយឈ្មោះថា «សហគំន៍កសិកម្មទំនើបស្រូវនាងអំ»ដែលស្រូវនាងអំ ដាំដុះនិងផលិតជាអង្ករ ដោយកសិកររបស់សហគមន៍ផ្ទាល់ ហើយ«អង្ករនាងអំ»ជា អង្ករកិនចេញពីពូជស្រូវប្រពៃណី អភិរក្សទុកដោយលោកយាយ«អំ» និងរួមគ្នាដាំដោយដៃផ្ទាល់នៃបងប្អូនកសិករខ្មែរជាង៦០គ្រួសារ ដែលជាសមាជិក នៃសហគមន៍កសិកម្មទំនើបដំបូងគេបង្អស់នៅកម្ពុជា។
សូមជ្រាបថា អង្ករនាងអំ ត្រូវបានចាត់ចំណាត់ថ្នាក់ជាអង្ករសប្រណិត បាយទន់រមួតល្មម និងមានក្លិនក្រអូបប្រហើរ កិនចេញពីស្រូវនាងអំ ដែលជាប្រភេទស្រូវវស្សា មានភាពធន់ខ្លាំងនឹងអាកាសធាតុ និងត្រូវបានដាំដុះដោយស្តង់ដារសុវត្ថិភាពខ្ពស់៕
Account
Security
Favourite Content